Репост из: QIBRAY SADOSI / Расмий канал
460 гектар ер учун 3,7 млн доллар сўраган шахс ушланди
Қибрай туманида тадбиркорга боғдорчилик ва чорва молларига яйлов учун 460 гектар ерни ажратиб бериш эвазига 3,7 миллион доллар сўраган шахс ушланди. Бу ҳақда “Ўзбекистон 24” телеканали орқали маълум қилинди.
Маълум қилинишича, тадбиркор боғдорчилик ва чорва молларига яйлов учун ер ажратилишини сўраб, ўзи яшаётган туман ҳамда Тошкент вилоятининг бошқа туманлари ҳокимликларига мурожаат қилган, бироқ бу кутилган натижани бермаган.
Унинг муаммосидан хабар топган Тошкент вилоятида фаолият юритувчи чорвачиликка ихтисослашган “А.М.Б.” масъулияти чекланган жамият раҳбари Т.Қ. ушбу жамиятга тегишли Қуйи Чирчиқ туманидаги 360 гектар суғориладиган ерни ва ҳозирда норасмий фойдаланиб келаётган туман захирасидаги 100 гектар ерни унинг номига ўтказиб беришини айтиб, эвазига 3,7 миллион АҚШ доллари сўраган.
Шунингдек, бу ишларни расмийлаштириб бериш учун Қуйи Чирчиқ тумани ҳокимлигидаги мансабдор шахсга беришини айтиб, яна 20 минг доллар талаб қилган.
ДХХ ва Бош прокуратура ҳузуридаги департамент ходимлари томонидан ўтказилган тезкор тадбир давомида Т.Қ. тадбиркордан жами 3,72 миллион АҚШ долларини олган вақтида ашёвий далиллар билан ушланган.
Ҳозирда унга нисбатан Жиноят кодексининг 168 ва 211-моддалари (фирибгарлик, пора бериш) билан жиноят иши қўзғатилиб, тергов ҳаракатлари олиб борилмоқда.
🌐 Энг сўнгги хабарлар билан танишиб боринг
Каналга уланиш:🔽
https://t.me/qibray_sadosi
Қибрай туманида тадбиркорга боғдорчилик ва чорва молларига яйлов учун 460 гектар ерни ажратиб бериш эвазига 3,7 миллион доллар сўраган шахс ушланди. Бу ҳақда “Ўзбекистон 24” телеканали орқали маълум қилинди.
Маълум қилинишича, тадбиркор боғдорчилик ва чорва молларига яйлов учун ер ажратилишини сўраб, ўзи яшаётган туман ҳамда Тошкент вилоятининг бошқа туманлари ҳокимликларига мурожаат қилган, бироқ бу кутилган натижани бермаган.
Унинг муаммосидан хабар топган Тошкент вилоятида фаолият юритувчи чорвачиликка ихтисослашган “А.М.Б.” масъулияти чекланган жамият раҳбари Т.Қ. ушбу жамиятга тегишли Қуйи Чирчиқ туманидаги 360 гектар суғориладиган ерни ва ҳозирда норасмий фойдаланиб келаётган туман захирасидаги 100 гектар ерни унинг номига ўтказиб беришини айтиб, эвазига 3,7 миллион АҚШ доллари сўраган.
Шунингдек, бу ишларни расмийлаштириб бериш учун Қуйи Чирчиқ тумани ҳокимлигидаги мансабдор шахсга беришини айтиб, яна 20 минг доллар талаб қилган.
ДХХ ва Бош прокуратура ҳузуридаги департамент ходимлари томонидан ўтказилган тезкор тадбир давомида Т.Қ. тадбиркордан жами 3,72 миллион АҚШ долларини олган вақтида ашёвий далиллар билан ушланган.
Ҳозирда унга нисбатан Жиноят кодексининг 168 ва 211-моддалари (фирибгарлик, пора бериш) билан жиноят иши қўзғатилиб, тергов ҳаракатлари олиб борилмоқда.
🌐 Энг сўнгги хабарлар билан танишиб боринг
Каналга уланиш:🔽
https://t.me/qibray_sadosi