QIBRAY SADOSI / Расмий канал

Milliy meros izidan

Yurtimizda maʼnaviyatni yuksaltirish va milliy qadriyatlarimizni targ‘ib qilish maqsadida qator tadbirlar o‘tkazilmoqda. Shu doirada DXX ChQ Qibray tumanida joylashgan harbiy qismlarining birida xizmat qilayotgan harbiy xizmatchilarning oilalari uchun Abdulla Qodiriy muzeyiga tashrif uyushtirildi.

Mazkur tashrif davomida ishtirokchilar buyuk yozuvchi va jadidchilik harakati vakili Abdulla Qodiriyning boy ijodi, hayoti haqida qimmatli ma’lumotlarga ega bo‘ldilar. Muzey eksponatlari va tarixiy hujjatlar bilan tanishish jarayonida milliy merosimizning naqadar ulug‘vor ekani yana bir bor his etildi.

Ushbu tadbir nafaqat tarixiy bilimlarni oshirish, balki harbiy xizmatchilar va ularning oilalarida milliy qadriyatlarga bo‘lgan hurmatni yanada mustahkamlashga xizmat qildi. Bunday tashriflar kelajakda ham davom etadi!

Maʼmurjon Rahmonov
DXX ChQ 3-darajali serjanti

https://t.me/qibray_sadosi

#Бу_қизиқ

АҚШ 1 центлик тангаларни ишлаб чиқаришни тўхтатди. Чунки мис нархи ошгани туфайли, 1 центни ишлаб чиқариш 3,7 центга тушаётган экан.

Ўтган йили бу тангаларни ишлаб чиқариш оқибатида давлат 85,3 миллион доллар зарар кўрган.

Айни пайтда 240 миллиард дона 1 центлик тангалар муомалада.

https://t.me/qibray_sadosi

2025-yilda YUNESKO Bosh konferensiyasi 43-sessiyasi Samarqand shahrida oʼtkaziladi.

Oʼzbekiston Respublikasi Prezidentining 2024-yil 15-martdagi PQ-128-son qaroriga koʼra, Sessiya “Silk Road Samarkand” sayyohlik majmuasida oʼtkaziladi.

✅Sessiyaga tayyorgarlik doirasida:

👍Madaniy yodgorliklarni saqlash va restavratsiya qilish boʼyicha xalqaro tadqiqot markaziga aʼzo boʼlishi uchun rasmiy ariza topshiriladi;

👍Oʼzbekistondagi shaharlar, noyob madaniy va tabiiy meros obyektlarini tegishlicha YUNESKOning Ijodkor shaharlar hamda Taʼlimni targʼib etuvchi shaharlar tarmoqlariga, shuningdek, xalqaro roʼyxatlarga kiritish choralari koʼriladi;

👍Sessiyaning mamlakatimizda oʼtkazilishining ahamiyati, shuningdek, Oʼzbekiston jahon siyosatining markazlaridan biriga, global tashabbuslar muallifiga aylanib borayotganini atroflicha ochib berishga qaratilgan targʼibot-tashviqot ishlari tashkil etiladi.

https://t.me/qibray_sadosi

#buguntarixda

Bugun 11-mart - Qog‘oz ixtiro qilingan kun

Say Lun Xitoyda qog‘oz ixtiro qilgan deb hisoblanib, u Xan sulolasining amaldori sanaladi.

Manbalarda yozilishicha, u miloddan avvalgi 105-yilning 11-martida bambukdan qog‘oz tayyorlash usulini amalga oshiradi.

Shundan keyin qog‘oz ishlab chiqarish jarayoni jadallashib ketadi va tezda butun dunyo bo‘ylab tarqala boshlaydi.

Ma’lumot o‘rnida aytib o‘tish kerakki, Say Lunning ixtirosigacha qog‘ozni ipakdan tayyorlashgan

https://t.me/qibray_sadosi

Саёҳатчи чўпондан сўради:

"Бугун об-ҳаво қандай бўлади?"

Чўпон жавоб берди:

"Менга ёққандек".

- Об-ҳаво ўзингиз ёқтиргандек бўлишини қаердан биласиз?

Чўпон:

- Ўзингизга ёққан нарсага доим эришиб бўлмаслигини тушуниб, бўладиган нарсани севишни ўргандим. Шундай экан, об-ҳаво айнан менга ёқадиган даражада бўлишига аминман...

Шундай экан, қалбимиздаги об-ҳаво учун фақат ўзимиз жавобгармиз. Кунларимизнинг исиши ўткинчи, қалбимиздаги тафт эса абадий бўлсин қадрдон!

https://t.me/qibray_sadosi

#gazeta_sahifalaridan

Inson yoshligida qariyalarga ko‘rsatgan hurmat va muomalasi orqali o‘z keksaligini yaratadi.

✍️Gulbahor Orziyeva
"Qibray sadosi"
2025 yil 5-6 sonida bosilgan "O‘tirgan o‘rningiz o‘zingiznikimi?" maqolasidan.

@Qibray_sadosi

Chegarachilardan ezgulik va ehtirom!

Qibray tumanida joylashgan DXX Chegara qo‘shinlari harbiy qismlarida xizmat qilayotgan mard o‘g‘lonlar 8-mart – Xotin-qizlar bayrami munosabati bilan Turkiston mahallasida yashovchi Dina Donchenko va uning qizi Tatyanaga kutilmagan tashrif uyushtirib, ularni xursand qildilar.

Bayram shukuhi va e’tibor bilan to‘la ushbu uchrashuvda chegarachilar mehr va ehtirom ramzi sifatida turli xil sovg‘alar hamda noz-ne’matlar taqdim etdilar. Dina xola va uning qizi esa DXX ChQ rahbariyatiga o‘z minnatdorliklarini izhor etdilar.

Bayram yanada qiziqarli o‘tishi uchun kichik konsert dasturi ham tashkil qilindi. Ushbu ezgu tashabbus ayol zotiga bo‘lgan hurmat va e’tiborning yana bir yorqin namunasi bo‘ldi!

Maʼmurjon Rahmonov
DXX ChQ 3-darajali serjanti

https://t.me/qibray_sadosi