QASHQADARYO VILOYATI AVTOMOBIL YO‘LLARI BOSH BOSHQARMASI

RASMIY MUNOSABAT   

🌐 EFFECT.UZ axborot agentligining rasmiy telegram kanaliga “Қашқадарёдаги 20 йиллик йўл муаммоси қачон ечим топади?” sarlavhasi ostida shunday deyiladi:
“Effect.uzʼга Қашқадарё вилояти Чироқчи туманидан мурожаат қилишмоқда. Ихтиёримизга келиб тушган тасвирлардан билишимиз мумкинки, муаммо шубҳасиз йўл билан боғлиқ.
Маълум қилинишича, Чироқчи тумани "Қўрғонтепа" МФЙдаги ушбу йўлни  20 йил олдин сел олиб кетган ва  бу йўл шундан бери тўғриланмасдан мана шундай ҳолатда қолиб кетган.
20 йилдан бери тўғриланмайдиган йўл. Ўзимизни худди Тожикистон перевалидагидек ҳис қиламиз. Ҳокимиятга ёзгандан фойда йўқ 20 йилдан бери тўғриланмайди. Янги Ўзбекистон давридаям, эски Ўзбекистон давридаям шу. Нима қилишга бош қотган.”
Mazkur murojaatga Qashqadaryo viloyati Avtomobil yo‘llari bosh boshqarmasi Chiroqchi tuman Yo‘llardan foydalanish davlat muassasasi bergan ma’lumoti asosida  quyidagilarni ma’lum qiladi:
      Soha mutaxassislarining ta’kidlashicha, Chirokchi tumani “Qo‘rgontepa” MFY hududidan o‘tuvchi Qumdaryo daryosi yoqalab o‘tuvchi ichki inspektorlik yo‘li to‘g‘risidagi murojaat joyiga borib o‘rganilganida aniklanganki; Mazkur mahalladagi inspektorlik ichki yo‘li avtomobil yo‘li 1990-2000 yillardan beri  bor.O‘sha vaqtlari bu yo‘llardan avtobuslar ham qatnagan.
     Biroq, bugungi kunda Qumdaryo daryosi ustidan “Qo‘rgontepa” MFYdagi “Nov” qishlog‘i hamda “Qo‘rg‘ontepa” qishloqlariga markaziy 70V018 (D148) avtomobil yo‘li (31 km.dan) — Jar q. — Qalqama q." avtomobil yo‘lidan to‘g‘ri kirib boradigan yo‘llarning ikki joyga ko‘prik qurilganligi sababli ushbu inspektorlik yo‘liga ehtiyoj qolmagan .
Shuningdek,ushbu mahalla hududida yashovchi aholiga qulaylik yaratish maqsadida joriy yilda 1 km uzunlikdagi shag‘al yo‘l qurib berilishi to‘g‘risidagi loyiha tuman hokimligi huzuridagi obodonlashtirish bashqarmasi tomonidan rejaga kiritilgan .
Murojaat nazoratga olingan.

Qashqadaryo  viloyati Avtomobil yo‘llari bosh boshqarmasi matbuot xizmati

RASMIY MUNOSABAT   

  https://www.lex.uz/uz/docs/7180916
📱https://t.me/nuritdinovblog
📱https://youtube.com/         
📱https://www.facebook.com/
📱https://www.facebook.com/Nuritdinovblog
📱https://www.

Ijtimoiy tarmoqlar orqali “Жафокаш Қарши-Касби йўли” sarlavhasi ostida“Қашқадарё вилояти, "Узавтойўл" бошқармаси ва туманлар бўлимлари томонидан таъмирланган бу йўлда камчиликлар жуда кўп. Мен шунинг учун ҳар ўн кунда, Қарши-Касби йўлини тасвирга олиб, архивга сақлаб бораяпман. Бу йўл доимий назоратда.” kabi qo‘shtirnoq ichidagi mazkur jumlalar ostidagi murojaatga Qashqadaryo viloyati Avtomobil yo‘llari bosh boshqarmasi quyidagilarni ma’lum qiladi:
D155 "Qarshi sh. — Tolliqo‘rg‘on q. — Kasbi sh. — Jiynov q. — Pomuq q." avtomobil yo‘li 2024 yil Qarshi Yo‘llardan muntazam foydalanish davlat muassasasi bosh pudratchiligida joriy ta’mirlash ishlari olib borilgan. Shuningdek, bajarilgan ishlarda muammolar mavjud emas. Alohida e’tirof etish o‘rinliki, ushbu avtomobil yo‘lining 21— 29- kilometrlari oralig‘ida yordamchi pudratchi sifatida "BOB-MAXSUS YO‘L QURILIShI" MChJ tomonidan joriy  ta’mirlash ishlari olib borilgan bo‘lib, bugungi kunda o‘ta og‘ir yuk avtomobillari harakatlanishi natijasida  yo‘lning ba’zi bir qismlarida qisman yuzaga kelgan nosozliklar yordamchi pudratchi tomonidan bartaraf etildi. Ushbu yo‘lda o‘ta og‘ir yuk avtomobillarini harakatini cheklash maqsadida tuman hokimliklariga murajaat yo‘llangan.
Mazkur yo‘ldagi kamchiliklar o‘ta og‘ir yukli avtomoshinalarning serqatnovli tufayli yuzaga kelgan. Tuman hokimligiga yo‘llangan murojaat javobini kutmoqda. Yaqin kunlarda  hamkor tashkilotlar bilan  belgilangan talablar asosida amaliy ishlar olib borilishini ma’lum qilamiz.

Qashqadaryo  viloyati Avtomobil yo‘llari bosh boshqarmasi matbuot xizmati

RASMIY MUNOSABAT  

https://www.facebook.com/groups/moygorodkarshi/posts/8722725904500208/

Ijtimoiy tarmoqlar orqali “ Қарши шахрининг айланма йўли. Бир кунда юзлаб машина сув сотилади, лекин йўлни таъмирлашни исташмайди, ўзи қурмагандааа!! Ўзини худудини йўлини эплолмаган, давлатимизнинг йўлини асрай олармиди.Янги Шойхўжа маҳалласи худудидан ўтувчи айланма йўл? ” qo‘shtirnoq ichidagi jimlalar ostidagi mazkur murojaatga Qashqadaryo viloyati Avtomobil yo‘llari bosh boshqarmasi quyidagilarni ma’lum qiladi:
  Mazkur murojaatdagi 4R90А "Qashqadaryo temir yo‘l stansiyasiga” avtomobil yo‘li 0 — 11- kilometrlaridan iborat. O‘tgan 2024 yilda jami 265 000 000 (ikki yuz oltmish besh million) so‘mlik yamoq ishlari bajarilgan.
  Hozirgi kunda avtomobillar qatnovi va ob-havo yomonligi sababli olib borilgan ishlar o‘z kuchini yuqotib, sifatsiz ahvolga kelib qolgan. Ma’lumot o‘rnida aytish joizki, 2025 yil uchun ajratilgan joriy-ta’mirlash mablag‘(limit)lari hisobidan yuzaga kelgan nozozliklarni issiq kunlar boshlanishi bilan  bartaraf etilishini ma’lum qilamiz.

Qashqadaryo  viloyati Avtomobil yo‘llari bosh boshqarmasi matbuot xizmati