Telegram-канал "📚QAMASHI TAKM📚" — @qamashiakm

📚QAMASHI TAKM📚

22 Feb, 18:15

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

- Воой,- деди Барно қизариб кетиб, - узр хаёл суриб қолибман.

- Ҳаа хаёл сурганинг билинди, - кулимсираганча қизга яқинлашди Абдужаббор

- Ассалому алайкум. Қишлоққа келган экансиз-да? - деди қиз кўзларини ерга қараб.

- Ваалейкум ассалом,- келиштириб алик олди Абдужаббор,- ҳа ўтган куни келгандим. Аҳмад акамнинг тўйларига жавоб сўрагандим ўқишдан. Мана тўй ҳам ўтди. Айтганча, тўйда кўринмадинг?
- Ўқишга тайёргарлик кўраётгандим. Бу йил ўқишга албатта киришим керак,- ҳўрсинди Барно.

- Эшитдим,- шовуллаб оқаётган анҳорга тикилганча жиддий сўз қотди Абдужаббор,- совчилар келавериб оилангиз тинчини бузаётганмиш.

- Йўғ-ей?- кўнглида Матлубадан ўпкалади қиз,- ҳозирги гапларим совчилар сабаб эмас, балки ўқишни астойдил истаганимдан. Совчилар қанча келишмасин, ўқишга кирмагунимча эрга тегмайман.

- Унда бу йилдан қолмай ўқишга кириб олгин деб астойдил дуо қиларканман-да?

- Тушунмадим, нимага бундай деяпсиз, Абдужаббор ака?! - ҳайрон бўлганча хумор кўзларини жовдиратиб йигитга тикди Барно,- ё бирга ўқиймиз деган фикрингиздан қайтдингизми? Мен сизни шунчалик безор қилдимми? Ундай бўлса...

Абдужаббор қизни ортиқ қийнагиси келмади:

- Вой манави қизни аразлашини? Жаҳли бурнини учида туради-я буни? Олдин гапни ҳаммасини эшитгин, кейин жаҳлинг чиқсин, хўпми?- деди у қизни эркалаган оҳангда,- хуллас бизникилар шу ёз мени бошимни икки қилишга астойдил ният қилишган. Улар ҳатто келинликка номзод ҳам топиб қўйишибди. Ким деб сўрамайсанми? - Абдужаббор Барнонинг араз тўла нигоҳига қараб янада завқи келди,- хуллас у қиз Янги турмуш қишлоғида истиқомат қиладиган Азиз муаллим исмли кишининг қизи экан. Қиз бўлса "Ўқишга кирсамгина турмушга чиқаман" деб икки оёғини бир этикка тиқиб ўтирганмиш...

- Бу йил тўй бўлиши ҳақида гап йўқ эди-ю, бирданига қаердан чиқди бу гап? - бўшашганча сўради Барно

- Адамлар билан ойимлар "Биз ҳам анча қариб қолдик. Ўзимиз тенгилар аллақачон бир неча тўй кўришди. Сениям бошингни икки қилсак ўқишларингни келин билан бирга давом эттираверсизлар" дейишди. Албатта аданглар билан ойинглар сени менга узатишга рози бўлишса. Буни энди кечга биламиз-да?

- Кечга биласиз? Тушунмадим?

- Ҳа-да?! Ҳозир ойим билан Сабоҳат ойимлар сизларникида совчиликда ўтиришган бўлишлари керак...

- Вооой?! -Барнонинг хаёлига бирданига "Яхшиям ойимнинг гапларига кириб ҳаммаёқни саришталаб қўйганим" деган ўй келди.

#давоми_бор

/20

52 1 0 1

📚QAMASHI TAKM📚

22 Feb, 18:14

#СЎНГГИ_НАФАСГАЧА

    Азиз муаллим эрта сахардан бирга ишлайдиган касбдоши Нурилланикига ошга кетган эди.

    Барно дадаси қайтгунча дастурхонни йиғиштириб, хонани саришталаб олишни чамалаб иш бошлади...

   - Ойиии, мен Роҳатойникига ўтиб келаман,-деди тушга яқин Барно ва Эътиборхон опанинг "Тушлик қилиб кетмайсанми?" деган саволига остонадан жавоб қайтарди,- ҳозир қорним тўқ. Келиб овқатланарман.

   Барно кўчаларининг муюлишига етганда узоқдан Қумрихон ва унинг синглиси Назирага кўзи тушиб чап кўчага бурилди.
    "Ҳайрият-ей,- деб ўйлади у қадамларини тезлатганча,- яхшиям-ки сал барвақт чиқибман. Бўлмаса Қумрихон опага тўқнаш келиб кайфиятим ҳам тушиб кетаркан. Шу аёлнинг қарашлари менга ҳеч ёқмайди-я, худди мен еб, улар қуруқ қолгандек энсалари қотиб қарайдилар кишига... Каландимоғми-ей ўзича?! Бизникигаям совчиликка ўғлининг қистови билан базўр келаётганини яшириб ўтираётгани йўқ.
     Ўзи қаерданам илашди шу турқи совуқ Ҳаким найнов?!   Бир тинчгина юргандим. Ҳаммаси Муяссарнинг тўйига борганимдан бошланди. Нима қилай синфдошим дебман-да?! Муяссарнинг буларга узоқ қариндошлигини туш кўрибманми мен? Мана энди салкам уч ойдан буён ҳаловатим йўқ. Ҳали онаси совчиликка келиб, ҳали ўғли йўлимни тўсиб асабимни ейди. Эҳ, тезроқ ўқишга кириб бир йўла шаҳарга кетсам қанийди?"
    Барно шу хаёллар исканжасида қандай қилиб анҳор бўйига етиб келганини сезмай қолди. У нариги бетга ўтадиган ёғоч кўприкка яқинлашар экан қатор экилган азим ёнғоқлар орасидан Абдужабборнинг ўзи томонга қараб кулимсираб турган чеҳрасига кўзи тушди

      /19

42 1 0

📚QAMASHI TAKM📚

22 Feb, 18:14

#СЎНГГИ_НАФАСГАЧА

Раҳима холанинг чеҳраси ёришиб кетди:
   - Ош бўлса ош-да!? Бир оила бўлиб дастурхон атрофида йиғилишиб, биргалашиб яйрайлик. Юрақол ўзим ҳам сенга қарашиб юбораман,- Раҳима хола ўғлига эргашаркан ҳамон юрагидагиларни айтиб олишга интиларди,- ҳа айтганча, Мукаррамхон оғзидан бол томиб Барнохонни бирам мақтади, бирам мақтади. "Опоқижон, тезроқ отни қамчиланг, бўлмаса шундоқ қиздан қуруқ қоласиз. Унинг таърифи бизнинг қишлоқда ҳам оғиздан оғизга ўтиб юрибди" деди-я, ўзингдан кўпайгур...

🔳 🔳 🔳

    - Барно, -деди онаси эрталаб нонушта устида,- бугун анави Қумрихон яна совчиликка келаман деганди. Сал у ёқ, бу ёққа қараб қўйгин.

   - Ойи, шу аёл ҳеч хўп дейишни билмас экан-да? Бўлмаса ўтган сафар адамлар ҳам аниқ-таниқ айтдилар-ку "Бу йил қиз узатмаймиз" деб.

   Эътиборхон опа хўрсинди:

- Ўғли ҳеч қўймаётган эмиш-да?! "Уйлансам фақат шу қизга уйланаман!" деяётганмиш. Қумрихон ҳам шу қайсар ўғлига тиши ўтмай катта бошини кичик қилиб келяпти-да. . Бўлмаса Шермат раис билан қуда бўлишга орзумандлар қанча?

   - Ана ўша орзумандлар билан қуда бўлаверишсин,- жаҳли чиққанидан юлқиниб гапирди Барно,- суймаганга суйкалиб нима қилишади?

   -Билмадим, қизим, билмадим. Бошим қотиб қолди ўзимниям. Рости Қумрихонни неччи марта совчи бўлиб келганиниям саноғидан адашдим. Илойим шу йил ўқишга киргин-да, бўлмаса...

- Бўлмаса, шулар билан қуда бўлишга мажбурмиз деяпсизми, ойи? Тўғрисини айтайми? Ўша Ҳакимни кўрсам кўнглим айнийди. Анчагача ўзимга келолмайман. Айниқса мана бунақа совчи қўйиб безор қилгандан бери кўришга кўзим ҳам қолмади. Итга ҳам-чи, кет десанг кетади, аммо бу йигит ўтакетган сурбет экан. Кўряпсан, ёқтиришмаяпти, ҳа деса суйкалиб нима бор яна?
    Ойи! - ўрнидан шарт турди Барно,- шу совчиларнинг келишига уйни атай йиғиштирмайман. Қайтага ҳамма ёқни ёйиб ташласаммикан? Ивирсиқ хонадон деб айниб кетишармиди шунда?

   - Барно?!- қизига таънаомуз тикилди Эътиборхон опа,- мен шифокорнинг уйи ивирсиқ деган гапни кўтара олмайман, биласан-а? Ҳозироқ уйларни саранжомлашга кириш. Совчиларга йўқ дейишнинг бошқа йўлиям бордир... Бўлақол, ҳадемай аданглар ҳам келиб қоладилар...

    Барно бу сафар онасига эътироз билдирмади. Аҳир онасида нима айб? Шундоғам Қумрихон билан қуда бўлгиси йўқ эди унинг ...

       /18

38 1 0

📚QAMASHI TAKM📚

22 Feb, 18:14

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

-Ҳа ойи, - ўрнидан қўзғалди Абдужаббор,- Юсуф қирдаги буғдойзоридан хабар олишга кетган экан. Шунга қайтақолгандим. Ўзингиз бирор ердан келяпсизми? Мен сизни хонангизда дам оляпсиз деб ўйлагандим.

Раҳима хола ширин жилмайди:

- Сабоҳат ойингларни ёнларига келинсаломнинг қанд-қурсларидан илиниб олиб чиққандим. Ойинг Мукаррамхон опанг меҳмонга келгани учун келинсаломга боролмаганди-да. Хуллас, мен, Сабоҳат, Мукаррамхон анча ёзилишиб суҳбатлашиб ўтирдик. Мен сени уйлантиришимиз ҳақидаги янгиликни ичимга сиғдира олмай уларга айтсам, икковлари ҳам роса суюниб кетишди. Гапни бир жойга қўйиб, эртадан қолдирмай Сабоҳат ойинг билан Эътиборхонларникига совчи бўлиб чиқадиган бўлдик.

- Ойи, бугун тўй ҳақида оғиз очганингизга бунчалик тез ҳаракатга тушиб кетасиз деб ўйламагандим,- ҳайрон бўлди Абдужаббор,- ундан кейин совчиликка холанг билан бораман демаганмингиз?

- Суюниб теримга сиғмаганимдан холангни исмини айтибман-да, болам. Аммо ўйлаб қарасам бу йўл аввалам Сабоҳатни йўли экан. Унинг сендаги ҳаққи холангникадан анча кўп. Яхшики буларни вақтида фаҳмлаб қолдим, бўлмаса Сабоҳатни кўнглини синдириб , раҳматли Фароғат бувингларни руҳларини чирқиратиб қўйишим ҳеч гап эмасди. Холанг эса... У насиб қилса бошқа йиғинларимизга ҳам бош бўлаверади. Қолаверса у ҳозир тўйини чарчоғини чиқариб олиши ҳам керак. Не кундан буён тик оёқда юрибди-ку ўзиям.

- Ойи, сиз-чи, ҳудди Фароғат бувимларга ўхшаб кетяпсиз-да ўзи.Улар ҳам шунақа ҳаммани кўнглини бирдек олишга ҳаракат қилардилар,- Абдужаббор шундай дея ўрнидан қўзғалди,- мен сизга ваъда қилган қайнатма шўрвамни қозонга солай бўлмасам. Ёки ош қилсаммикан? Мукаррамхон опам шу ерда бўлсалар ошга чақирардик.

/ 17

41 1 0

📚QAMASHI TAKM📚

22 Feb, 18:14

Хазонрезги:
СЎНГГИ НАФАСГАЧА

Каналга уланиш 👇 :
https://t.me/qamashiakm

36 1 0

📚QAMASHI TAKM📚

22 Feb, 17:48

Репост из: Murad Sadikov_FVV matbuot kotibi

00:32

Видео недоступно для предпросмотра

Смотреть в Telegram

FVV yong‘in-qutqaruv bo‘linmalarining mashg‘ulotlaridan eksklyuziv kadrlarni e’tiboringizga havola etamiz. Ushbu video Qashqadaryo viloyati Favqulodda vaziyatlar boshqarmasining o‘quv bazasida suratga olingan.
———
Вашему вниманию эксклюзивные кадры тренировок пожарно-спасательных отрядов МЧС... Видео снято на тренировочной базе Управления по чрезвычайным ситуациям Кашкадарьинской области.

Boshqa yangiliklar
Fvv.uz | Facebook | Telegram | Youtube | instagram | X

10 0 0

📚QAMASHI TAKM📚

21 Feb, 21:08

#СЎНГГИ_НАФАСГАЧA

Муаллиф: Гулбаҳор Рахматуллаева (Хазонрезги)

Бу Барнонинг илк бор йигитни ўз исми билан "Абдужаббор ака" деб чақириши эди.
Абдужаббор юраги алланечук гупиллаб урганча қизга деди:
- Агар ўқишга кирсам, икки йилдан кейин сен ҳам борасанми?
- Албатта бораман. Ахир шифокор бўлиш менинг ҳам энг катта орзуим. Тушларимда ҳар сафар шифокор бўлиб юраман-ку?
-Мен жарроҳ бўлишга узил-кесил қарор қилдим. Сен-чи?
- Билмадим. Менга жарроҳлик ҳам, болалар шифокори бўлиш ҳам ёқади. Кўрамизда, қайси бирини ўша вақтда танлар эканман?

- Барно...

- Ҳоов...

- Агар ўқишга кирсам Матлубадан хат бериб юбораман. Шу ерга келасанми, ҳув анави боғнинг ўртасидан оқиб ўтган анҳор бўйига...

Барно бироз ўйланиб қолди. Сўнгра хиёл жилмайиб жавоб қайтарди:
- Майли. Агар ўқишга кирсангиз албатта келаман...
Орадан бир ярим ой вақт ўтиб қишлоқда дув-дув гап тарқалди: "Колхоз аравакаши Абдуқаюм аканинг ёлғиз ўғли шаҳардаги дўҳтирлар тайёрлайдиган ўқишларнинг к-о-о-о-ттасига кирганмиш!"
Ўшанда "Янги турмуш" қишлоғидаги фарзанд ўстираётган барча ота-оналарнинг Абдуқаюм ака билан Раҳима опага "Киройи боланг бўлса шу Абдужабборга ўҳшаган бўлса-да. Ота-онасининг кўксини тоғ қилди-я тоғ!" дея обдон ҳаваслари келган эди.
Шу воқеаларга ҳам бу йил уч йил бўлиб қолибди. Ўтган йили Барно мактабни тамомлаганди. Аммо ўқишга кириш борасида омади чопмади. Абдужаббор мана бир йилдирки, ҳар қишлоққа келганида Барнонинг ўқишга кириш тайёргарлигини текширади. Унга шаҳардан керакли рисола ва китобларни олиб келади. Асқотиб қолар деган умидда чиройли ҳуснихатда батафсил ёзилган маъруза дафтарларини ола қайтади.
Шунда аллазамон аҳд-у паймон қилиб қўйган орзулари осмон икки ёш биргаликда шаҳардаги ўқишлари ҳақида, келажаклари ҳақида ширин ўй- хаёлга бериладилар...
"Барно билан эртага анҳор бўйида учрашаман,- ширин орзуларга берилганча ўйлади Абдужаббор,- қизиқ, у мен томондан совчи бориши ҳақида эшитса қандай аҳволга тушаркин? Агар унинг уйидагилари тўйга розилик беришса тўйни кириш имтиҳонлари бўлиб ўтгандан сўнг ўтказардик. Кейин эса Барно иккимиз тўйдан сўнг бирга ўқишга кетардик..."

- Болам, уйга қайтганмидинг?

Абдужабборнинг хаёлларини Раҳима холанинг саволи тўзғитиб юборди.

#давоми_эртага!

/16

106 1 1 1

📚QAMASHI TAKM📚

21 Feb, 21:08

#СЎНГГИ_НАФАСГАЧА

   Матлуба ўшанда ҳам илк бора хат ташувчилик вазифасини қойилмақом уддалаганди . У яқиндагина қўлга киритган парвардаларидан бирини ҳузурланиб шимганча   тезда жавоб хатини олиб ортга қайтганди.
   Абдужаббор шошилганча хатни очганда "Салом. Мен яхшиман, ҳавотир олманг. Оёғим қайрилиб кетган экан. Анчагача юра олмадим. Келаси хафтадан мактабга бораман. Китобни ўшанда оласиз" деган сатрларга кўзи тушди.
    Абдужаббор Барнонинг самимийлигига тан берганди ўша кезлари. Кейинчалик қиз мактабга чиққанда ҳам йигит Азиз муаллимнинг ҳурмати боис унинг ёнида ортиқча ўралашмади. Гоҳ-гоҳ тўқнаш келганларида одатий салом-аликларини қилиб ўтиб кетаверишди. Бироқ энди улар ўзаро хат ва китоб алишар эдилар. Ёшларнинг ҳар иккиси тиббиёт соҳасига қизиққанлари учун Барно ўз уйидаги онаси Эътиборхон опанинг китобларидан Абдужабборга ўқишга бериб турар , йигит ҳам у китобларни ўқиб бўлгач, эвазига ўзи шаҳарлик қариндошларидан топтириб келган адабиётлар билан бўлишарди. Мактабни битиргач Абдужаббор илк бора Барнони қишлоқ четидаги ўрикзор боғга таклиф қилди.
     Бу боғ Абдужабборнинг амакиси Абдуҳошим акага қарашли каттагина серҳосил боғ бўлиб, ён-веридаги қўни-қўшнилар ўрик пишган мавсумда у ерда тез-тез йиғилишарди. Улар боғ эгасига қарашиб туршак бўладиган ўрикларни теришиб боғнинг кун тушмайдиган тарафига ёйишга қарашиб юборишар, ўзлари учун ҳам тегишли насиба олиб қайтишарди.

   - Барно, яқинда мен Тошкентга, тиббиёт институтига ҳужжат топширгани кетяпман,- деди Абдужаббор паст овозда ер билан битта тўкилиб ётган ўрикларни терар экан, ер остидан қизнинг хушрўй чеҳрасига киши билмас кўз қири билан боқиб
    - Сизга омад тилайман, Абдужаббор ака... Илойим мақсадингизга етинг,- деди Барно ҳам нарироқда ўрик тераётган хотин-ҳалажлар тарафга қараганча

/15

99 1 1 1

📚QAMASHI TAKM📚

21 Feb, 21:08

#СЎНГГИ_НАФАСГАЧА

Барно Абдужабборга кўзи тушгач, кўнгли янада бўшаб кетди:
- Адамларни чақиргани келаётувдим. Манави кесакларга қоқилиб кетиб оёғимни қайириб олдим. Юра олмаяпман.
-Қани оёғингни кўрсат-чи? - зумда қизнинг қошида пайдо бўлган Абдужаббор,- балки синдириб олгандирсан?

Барно Абдужабборга оёғини кўрсатмай илтижоли тикилди:

- Илтимос, адамларни чақириб беринг. Тошкентдан дўстлари келган экан. Уйда кутиб тургандилар...

- Муаллим қаердалар ўзи? - сўради қизнинг масъум кўз қарашларидан ўзини йўқотиб қўйган Абдужаббор эсанкираганча ўрнидан қўзғалар экан.

- Шийпонда бўлишлари керак. Каримберди амаки "Ҳосил ҳисоб-китобини бир кўздан кечириб беринг" деган эканлар.

- Яхши,- деди Абдужаббор челакдан бир бош узум олиб қизга тутқазар экан,- ўзи шийпонга кетаётган эдим мен ҳам.
Ярим соатга қолмай Абдужаббор Азиз муаллим билан Каримберди аканинг эшак аравасида Барнонинг рўпарасида ҳозир бўлишди.
- Оҳ қизим-а? Оёғинг қаттиқ лат еганга ўхшайди. Эҳтиёт бўлмабсан-да, болам?
Абдужаббор отасини ёнида ўзини тутишга ҳаракат қилаётган Барнога қараб юраги эзилди. Бир маҳаллада туришса ҳам қизга илгарилари эътибор бермаган экан. Белидан ошган сочларини иккита ўриб, бошига иҳчам дуррача ўраб олган, қошлари қоп-қора пиликдек, қайрилма киприклари шаҳло кўзларига соқчидек жипс, тугмача бурунли, ғунча лабли қиз йигитнинг кўзига эртаклардаги маликаларга ўҳшаб кўриниб кетди.
Шу кундан эътиборан Абдужаббор мактабда нигоҳлари билан Барнони излай бошлади. "Тузалиб кетдимикан? Оёғи шунчаки лат еган бўлса майли эди. Бир хафтадан буён мактабга чиқмаса-я, ишқилиб тинчлик бўлсин-да?!" Бир хафтадан ошиқ Барнонинг дараги бўлмагач чидай олмай унга хат ёзган Абдужаббор, бир ҳовуч парварда эвазига хатни кўчадаги тошларни териб ўйнаб ўтирган Матлубадан киритиб юборди.
"Барно, салом. Яхшимисан? Оёғингга нима қилган экан? Жиддий шикаст етмабдими? Қачон мактабга чиқасан? Битта китоб керак эди."

/14

92 1 1 1

📚QAMASHI TAKM📚

21 Feb, 21:08

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

Абдужаббор ҳовлиларига қайтиши билан девордаги ўзига таниш ковакка қўл суқди. Қўлига букланган қоғоз илашиб чиқди. "Қизи тушмагур Матлуба,-ўйлади оғзининг таноби қочиб Абдужаббор,- бирам чаққон-ки. Бир пастда хатни топшириб , жавобиниям ола қайтибди" .
    Абдужаббор ойисини кўзи илинган дея гумон қилиб аста ўзининг хонасига йўл олди. У ичкарига кириб шошилганча хатни очди.
    "Салом. Яхши. Б"
     Қизнинг икки сўз ва битта харфдан иборат қисқагина жавоб хати Абдужабборнинг туйғуларини жунбушга келтириб юборди. Унинг кайфияти янада кўтарилиб кетди. Кўйлагини ечиб майкачан бўлиб олган Абдужаббор салқингина хонасидаги темир каравотга ўзини ташлади.
     Йигитнинг юраги ҳамон гуп-гуп урар, кўз ўнгидан Барнонинг хушсурат ва масъум чеҳраси кетмас эди...
     Абдужаббор Барнони бундан икки йил аввал айни узумлар ғарқ пишган куз фаслида янада яқиндан таниганди. Ўшанда дарслар қизғин бошланган сентябрь ойининг илк хафтасида колхоз раиси Шермат ака отида мактаб ҳовлисида пайдо бўлиб директордан юқори синф ўқувчиларини дарслардан сўнг колхоз боғидаги узумларни узишга ёрдамлашиб юборишларини сўраган эди.
    Юрагида ўти бор бошқа тенгқурлари сингари Абдужаббор ҳам дарслардан сўнг ҳашарга чиқа бошлади. Узум узиш оғир иш эмасди, боз устига дўстлари даврасида тез-тез хазил-мутойиба, аскиябозлик бўлиб турган кезларда одам ишлаб чарчаганини билмас экан. Шу тариқа икки хафтача узум узилгач асосий ҳосил тугаб машоқ қилишга киришилди. Энди ҳашарчиларга ҳам жавоб бериб юборилгач, Абдужаббор сингари бир, икки юрагида ўти бор йигитлар ҳамон ёрдамга чиқиб туришарди. Бир куни Абдужаббор узумзорда ўзининг ҳозиргина териб бўлган икки челак узумини олиб шийпонга кетаётса қулоғига қиз боланинг пиқ-пиқ йиғлаётган овози эшитилди.

    - Ким у йиғлаётган? - Абдужаббор атрофга аланг-жаланг боқиб нариги қаторда тиззасини қучиб йиғлаб ўтирган қизга кўзи тушди,- Барно, сенмисан? Нима қилди сенга?

/13

118 1 1

📚QAMASHI TAKM📚

21 Feb, 21:08

Хазонрезги:
СЎНГГИ НАФАСГАЧА

Каналга уланиш 👇 :
https://t.me/qamashiakm

130 1 0

📚QAMASHI TAKM📚

21 Feb, 09:36

#Siyosiy_marifat_soati

Qamashi tumani Axborot kutubxona markazi xodimlari milliy qadriyatlar kuniga mos kiyingan holda navbatdagi ,,Siyosiy-ma'rifat soati"ni tinglashdi

197 1 3

📚QAMASHI TAKM📚

21 Feb, 07:43

#Iqtibos

Baxtli kunlar do‘stlarni ko‘paytiradi, baxtsiz kunlar ularni sinovdan o‘tkazadi.

✍️ Valenten Espri Fleshye

211 1 1

📚QAMASHI TAKM📚

20 Feb, 19:08

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

   - Абдужаббор ака кеча Аҳмаджон аканинг тўйига етиб келгандилар. Бирам чиройли, савлатли бўлиб кетибдилар-ей?! Шаҳарчасига типпа-тик қилиб соч қўйиб олибдилар. Тўйга борган қизлар улардан кўз узолмай қолишди. Айниқса анави Сарви ўзини роса кўрсатди. Аёллар томонга лик-лик қилиб ҳали чой ташийди, ҳали нон. Раҳима холамнинг атрофларидаям тоза ўралашди. "Зора мени келин қилсалар" деган умиди бор униям. Бекор тўйга бормадингиз-да, опа?! Абдужаббор аканинг икки кўзлари эшикда бўлди,- Матлуба гапира туриб Барнога саволомуз тикилди,- ҳа айтганча, ўзи нима учун тўйга бормадингиз, Барно опа?!

   - Дарсим кўп эди,- ҳўрсинганча ерга қаради Барно.
    - Алдаманг, опа,- қувлик билан кўз қисди Матлуба,- сиз атай бормагансиз. "Тўйга борсам анави Ҳаким найнов атай кўнглимни ҳира қилади" деган бўлсангиз керак-да? Опа, мен Ҳаким найнов ҳақида Абдужаббор акамга айтиб бердим.

   - Воой, нима дединг уларга? - кўзлари катта-катта очилди Барнонинг
     - "Ҳаким найнов Барно опамга совчи қўйиб юрибти, сиз ҳам чаққон-чаққон ҳаракатингизни қилсангиз яхши бўларди" дедим. "Кейинги вақтларда атрофларида кўпам айланишиб қолди" деган гапларниям айтдим.
    - Улар нима дедилар? - биров эшитиб қоладигандек паст овозда ҳадиксираб сўради Барно.
    - Уларми? - қошини қоқди Матлуба,- "Ҳаким деганинг менинг олдимга тушиб бўпти" дедилар.
   -Шундай дедиларми? - зумда Барнонинг оппоқ юзлари лоларангга кирди.
   - Ҳа, опажон, шунақа дедилар. Мен уларга яна сизнинг совчингиз роса кўпайганини, тез ҳаракат қилмасалар сиздан қуруқ қолишларини айтдим.
   - Вой, Матлуба? - бирдан бўшашди Барно,- бу гаплар қаердан чиқди?
    Матлубанинг лўппи юзлари ёришиб кулимсиради:
    - Ўзимдан чиқди, опажон. Ойимлар адамларга "Риҳсивойингизни ёши тўғри келганда эди, Барнохонни қўлдан чиқармасдим" дегандилар. Уйингиз тўла турнақатор совчилар ҳақидаям улар айтгандилар...
    Матлубанинг сўзларидан Барнонинг кўнгли жойига тушди:
    - Яхшиям Риҳсивой сендан ҳам ёш, бўлмаса...
    Матлуба илжайди:
     - Бизга бўлмасаям барибир ёнимиздаги қўшнимизга келин бўласиз, опажон. Ўшанда маза қилиб сиз билан суҳбатлашиб ўтираман. Ҳозир эса кетишга мажбурман. Уйдагилар ҳадемай далага кетишади.Мени излаб юришгандир аллақачон.
     Барно сумкасини қўлига олди.
    - Юрақол, сен билан кўча бошигача чиқиб оламан...

🔳 🔳 🔳

    Абдужаббор кўп ўтмай изига қайтиб келди. Юсуф лалми буғдойдан хабар олиш учун тонг сахарлаб қирга чиқиб кетган экан.

#давоми_бор

/12

301 1 1 1

📚QAMASHI TAKM📚

20 Feb, 19:07

#СЎНГГИ_НАФАСГАЧА

- Мендаги ҳамма китобни ўқиб бўлдинг-ку, қақажон?! - кулимсиради Барно,-энди нима қиламиз?

- Ўқиганларимни қайтадан ўқийвераман, опа. Китоб бўлса бўлгани,-деди Матлуба ҳозиржавоблик билан.
-Майли,-Барно хонтахта устидаги "Ўзбек халқ эртаклари" китобини олиб токчага жойлар экан, китобларга қараганча ўйланиб қолди.

- "Ойгул билан Бахтиёр" ни қайтадан берақолинг, опажон,-унга ёрдамга шошилди Матлуба,-қанча ўқисам ҳам тўймайман шу китобга.
-Мана олақол,-деди Барно қизга у айтган китобни узатар экан,- туман марказига тушсам кутубхонадан сен учун атай китоб олиб келиб бераман. Мазза қилиб ўқиб оласан.
-Раҳмат, опажон,- юзларига табассум ёйилди Матлубанинг,- ие, сал қолса ёдимдан чиқай дебди-ю?
Матлуба бошидаги чамандагул гилам дўпписини олиб унинг остига яширган Абдужабборнинг хатини олиб қизга тутқазди.

- Тез жавоб ёзиб беринг, опа. Абдужаббор ака жавобини кутадилар.

Барно Матлуба хатни узатгандаёқ ҳаяжонга тушиб юзлари қизариб кетганди. У қўллари титраганча хатни очди.

"Салом. Сизни ҳар доимги жойда ҳар доимги вақтда кутаман. А. А."
Барно шугина хатни ўқигунча кафтлари терлаб кетди. У Матлубани куттирмасдан дарҳол жавоб ёзиб унинг қўлига тутқазди
"Салом. Яхши. Б."
Матлуба хатни дўпписининг орасига яширар экан, Барнога қараб муғамбирона кулимсиради:

/11

244 1 1 1

📚QAMASHI TAKM📚

20 Feb, 19:07

#СЎНГГИ_НАФАСГАЧА

   - Менга қара, ҳой бола! Чакки хаёл қилма! Унутма, аданглар элнинг кўзидаги одамлар-а? Агар сен бирор бир номаъқул ишни режа қилсанг биринчи ўринда адангларни оёғига болта урган бўласан. Ана ўшанда ўша ёнларида кариллаб қўйган оғайниларинг ҳам жонингга оро кирармикан? Тезда бемаъни хаёлларингдан бошингдан чиқариб ташлагин-да, ўзингни йиғиштириб ол! Тушундингми?
Ҳаким чуқур уфф тортди:
   - Майли, ойи, сиз айтганча бўлақолсин,- у онасини шундай деб тинчлантирган бўлди-ю, ўзи кўнглидан "Шошмай турсин, ҳали "Менга уйлан" деб ёнимга эмаклаб келадиган қилмасамми ўша ойимчани" деган хаёл кечди-ю ҳамон ўзининг оғзига термулиб турган онасига деди,- бўпти, мен хонамга кириб бироз чўзилай. Кун ҳам қизиб дим бўлиб кетди.
    - Чойнакдаги совуқ чойни олиб кет,- деди Қумрихон унинг ортидан,- ичкарига кирмасингдан "Чой борми?" лаб дунёни бузасан.
     - Ҳайдарингиздан бериб юборарсиз...- Ҳаким ортига ўгирилмади.

🔳 🔳 🔳

    -Барно опа! Опажон-ув!

    Матлуба Барноларнинг ҳовлисига олиб борадиган узун йўлакдан ичкарига овоз бериб бораверди.

   Кўп ўтмай тўрдаги эшикдан Барнонинг қораси кўринди:

   - Келавер, Матлуба! Шу ердаман мен.

   -Ассалому алайкум, опажон... Тезда жавоб қайтармаганингизда ишга кетиб қолдингизми деб ўйлаб юрагим така-пука бўлаётганди.

   -Ваалейкум ассалом. Келақол, Матлубажон,-жилмайиб қиз билан кўришаркан Барно ичкарига йўл бошлади , - ҳақиқатдан ҳам ишга отланиб турувдим. Кел ўтир, дастурхонга қара.
    Барно шундай деб хонтахта устидаги четлари букилиб ўраб қўйилган дастурхонни оча бошлади.

    - Опа, оввора бўлманг,- уни қайтарди Матлуба,- мен китобингизни олиб келувдим. Бўлса бошқасига алиштириб беринг,- Матлуба рўмолга ўраб олиб келган китобни очиб дастурхон четига қўйди.

/10

236 1 1

📚QAMASHI TAKM📚

20 Feb, 19:07

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

- Айтган сомсагизни тушликка ёпсангиз ҳам бўларди-ку, ойи?- тўнғиллади Ҳаким гўштли лаганни норози қиёфада айлантириб кўрар экан.

- Ўзи эрталабдан бошим оғриб шу шўрвани қозонга бир амаллаб аранг солиб олдимда,- чойнакдан чой қуйиб хўпларкан Қумрихон,-яхшиям шу уканг бор экан. Қозонга олов ёқиб қўл-оёғим бўлиб турди. Энди анча яхшиман. Кечгача сомсани эрмак қилиб ёпиб оламан,- у шундай деб ўғлининг бир оғиз "Туззукмисиз?" демаганидан дили ранжиди. Аммо кўнглидан ўтганини билдирмай сўзида давом этди,-ҳадемай келин олсак менга ҳам дам тегиб қолар.
- Ҳалиям ноз қилиб ўтирибдими қизнинг отаси?! - Ҳаким оғзини тўлдириб гўшт чайнар экан онасига қисқача назар ташлаб қўйди,- бошига ёстиқ қилар эканми қизини?

Қумрихон чуқур уфф тортди:

- Сенам шуни қўйиб бошқа қизни танлайқолсанг олам гулистон эди.
- Уфф, нега тушунмайсиз, ойи? - Қумрихонга лўқ бўлиб тикилди Ҳаким ва укасини бир туртди,- тур, бу ерда гап термай зинғиллаб бориб Комилларникига чиққинда унга тайинла, дўконни барвақтроқ очсин. Акамни ишлари чиқиб қолибди дегин. Ҳайдарали кўчага чиқиб кетгач онасига важоҳат билан юзланди, - сизга неччи марта айтдим, ойи? Менга қолса у қизга уйланаманми ё йўқми умуман фарқи йўқ. Фақат дўстларимга "Мана шу қизга уйланаман, мана кўрасизлар" деб катта гапириб қўйганман. Энди сўзимни устидан чиқмасам уларни олдида ким деган одам бўламан?
- Заб яхши иш қилган экансан-да, болам,- аламдан лаби титради Қумрихоннинг,- қизи "тегмайман", ота-онаси "бермайман" деса уриб оламизми қизини ёки сўкиб оламизми? Менгаям ҳар сафар бош эгиб Эътиборхоннинг эшигини тақиллатиб, қуруқ қўл билан қайтиб келавериш алам қиляпди. Мениям кавушим кўчада қолганмас. Аданглар кимсан Шермат раис бўлсалар-у, уларнинг ноз-фироғи ортиқча. Қайтанга шундоқ ўғлимизга сўраганимизга раҳмат дейиш ўрнига, нуқул "Қизимиз ҳали ёш, уни ўқитамиз" деган гапга ёпишиб олишган. Шунақа... Ўқиб шаҳар олиб берадиган қизга кетган бизнинг кўнглимиз...

- Бўлди қилинг, ойи! Ҳозир шунақа ноз қилиб асабни еб туришаверишсин-чи? Ҳадемай ўзлари "Қизимизни олинглар, илтимос!" деб ялиниб қолганларини кўрасиз...-кўзлари совуқ йилтиллади Ҳакимнинг.
Ўғлининг авзойидан кўнгли бир шумликни сезган Қумрихон дарҳол унга қаршилик қилишга шошилди:

/8

251 1 1

📚QAMASHI TAKM📚

20 Feb, 19:07

Хазонрезги:
СЎНГГИ НАФАСГАЧА

Каналга уланиш 👇 :
https://t.me/qamashiakm

224 1 0 1

📚QAMASHI TAKM📚

20 Feb, 14:45

2025-yil 20 - fevral kuni Qamashi tuman axborot-kutubxona markazi abonementlar va foydalanuvchilarga xizmat ko’rsatish xizmati mutaxassislari “Kitob nur” kitobxonlar klubi a’zolari bilan birgalikda O'zbekistonda xizmat ko’rsatgan madaniyat xodimi A’zim Suyun (1948-2020) tavalludining 77 yiligi munosabati bilan “Shoir ijodida vatan” mavzusida kitob ko'rgazmasi tashkil etilib, davra suhbati bo’lib o’tdi

253 1 3

📚QAMASHI TAKM📚

20 Feb, 13:13

Репост из: MAVJUDA 📚📚📖📚📚 ..📚📚🎀📚📚

2025-yil 20 - fevral kuni Qamashi tuman axborot-kutubxona markazi axborot-bibliografiya xizmati mutaxassislari tomonidan 22 - fevral O'zbekistonda xizmat ko'rsatgan madaniyat xodimi Azim Suyun (1948 - 2020) tavalludining 77 yilligiga bag'ishlab "Shoir ijodida vatan" mavzusida kitob ko'rgazmasi tashkil etilib, adabiyotlarga bibliografik sharh berib o'tildi. Ko'rgazmada 12 dona adabiyotlar joy olgan.

270 0 2 1

Заработок с телеграм-канала

Ваш доход с телеграм-канала

Доход с телеграм-канала

📚QAMASHI TAKM📚

Гео и язык канала

Категория

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

📚QAMASHI TAKM📚

291

Популярное в канале

Язык сайта

Заработок с телеграм-канала

Ваш доход с телеграм-канала

Доход с телеграм-канала

📚QAMASHI TAKM📚

Гео и язык канала

Категория

291

Популярное в канале