Ayollarning qadr-qimmati amalda erkaklarga nisbatan past bõlgan jamiyatlarda ayolni muqaddaslashtirishga rağbat kuchliroq bõladi, nazarimda. Balki õsha xayoliy "muqaddas"likni mezon qilib olib, atrofimizdagi bu mezonga tõğri kelmagan ayollarni tahqirlash osonroq bõlishi uchundir. (Ma'lumot uchun, erkaklar bahramand bõlgan ma'lum bazaviy huquqlardan ayollarni mahrum qilish, ma'lum axloq normalarini erkaklar uchun boshqacha, ayollar uchun boshqacha tatbiq qilish kabilar ham ayolni tahqirlashga misol.)

Kimlargadir tegib ketsa uzr, lekin men ayolni "muqaddas"likda erkakdan ustun ham, past ham deb bilmayman. Men uchun orzudagi jamiyat ayollar ham, erkaklar ham teng haq-huquqlarini va õz oilalari va jamiyat oldidagi mas'uliyatlarini anglagan hamda fundamental inson huquqlari ayollar uchun ham, erkaklar uchun ham birdek ta'minlangan jamiyatdir.

Ammo haqiqat shuki, siz qandaydir "muqaddas" bõlmasangiz ham bizga juda keraksiz. Sizlarsiz hayotning qiziği qolmaydi. Bayramingiz bilan, hurmatli ayollar!

–Behzod Alim