Kuni bilan holsizlikda bo‘ldim. Borish kerak bo‘lgan joylarga imkon bo‘lsa-da bormadim, uyda qolib hafta davomida ketkazilgan energiyani tiklab olishni afzal ko‘rdim.

Psixologiyada bu "burnout prevention" (charchoq sindromining oldini olish) yoki "stress recovery process" (stressdan tiklanish jarayoni) sifatida ham tushuntiriladi. Tabiatan, organizm va ong o‘zining muvozanatini saqlashga intiladi. Agar bu muvozanat uzoq vaqt buzilsa, organizm va psixikaning tiklanish jarayoni murakkablashadi.

🦴Charchaganingizni, holdan toyganingizni sezganingizda, siz mas‘ul bo‘lgan ishlarga atrofdan yordam olib, bu vaqtda dam olib olish juda muhim. Intizom albatta kerak, lekin ketkazilgan resurslarning qayta tiklanishiga imkon berilmasa, charchoq va e‘tiborsizlik bilan qilingan butun harakatlaringiz vaqtni behuda ketkazishga teng bo‘ladi, samaradorlik pastlab, natija unumli bo‘lmaydi.

Jismoniy sog‘lik ruhiy sog‘likka bevosita bog‘liq. Barcha ehtiyojlar (pul topish, ilm olish, oilaga vaqt ajratish va h.k) o‘rtasida muvozanatni saqlay olish uchun ham ikki uyg‘unlikni asrashga bee‘tibor qolmang. Bugungi holatingiz ertangi samaradorlikni bevosita belgilaydi.

☕️@psycho_sphere