#mulohaza
Uzun post, ammo o'qib vaqtingizga achinmaysiz?)
Qizlaringizga ilm bering!
Ular millatni tarbiyal
aydilar!
Bilasizmi, Singapurda diplomi bor ayollar turmushga chiqsalar, davlatdan katta to‘yona, agar farzand ko‘rsalar boshqa o‘qimagan ayollarga nisbatan ko‘proq suyunchi pullarini oladilar. Xo‘sh nima uchun shunaqa? Chunki buyuk islohotchi Li Kuan Yu mamlakatning muaffaqiyati avvalom bor ilmli,ziyoli ayollar va onalarga bog‘liqligini tushunib yetgandi. Tarix ko‘rsatdiki Li Kuan Yu yuz foiz xaq bo‘lib chiqdi.
Aqlli va ilmli ayol, ilmsiz, dunyoqarashi past ayollardan ko‘ra dunyoga, xayotga real ko‘z bilan baxo bera olarkan. Bunday ayollar zamonaviy tendensiyalar va xaqqoniylik bilan o‘z xayotlari va oilalarini kelajagini qura oladilar.
Ular o‘z turmush o‘rtoqlariga, farzandlariga to‘g‘ri yo‘nalishlarni bera olish qurbiga ega bo‘ladilar. Eng kamida bunday ayollar o‘z sog‘liqlariga va oila sog‘lig‘iga katta e’tibor bera oladilar. Ular o‘z turmush o‘rtoqlariga kelajak istiqbollariga olib boruvchi porloq yo‘llarni ko‘rsata oladilar, kerak payti tanqid qilib, zarur paytda maqtov bilan muaffaqiyatlarga erishtira oladilar.
Ilmli, aqlli ayollar qorin g‘amidan, uydagi mebel, idish-tovoq, latta-putta kabi mayda narsalardan yuqori turadilar. Ular mo‘ljalni juda yuqori oladilar va oilani yuksaklikka olib chiqish rejalarini qila oladilar. Bunday ayollar o‘z erlari va farzandlariga kitob tutqazadilar va ilm-fanga yo‘naltiradilar.
Xar qanday buyuk erkakning ortida buyuk ayol turadi deb bejizga aytilmagan. Intellekti yuqori ayol albatta buyuk farzandlarni kamolotga erishtiradilar. Otadan qon, jism o‘tsada, aql, tafakkur ko‘proq onadan o‘tadi. Shuning uchun ilmli, iymonli ayollarga uylanish maqsadga muvofiqdir.
Intellektual o‘tkir bilimga ega, aql-farosatli ayollar o‘z erlarini yo‘qotgan tarzda xam, yoki ularning ablax bo‘lib chiqishidan qat’iy nazar baribir o‘z xayot yo‘llarini topib keta oladilar. Chunki bunday ayollar o‘z oilalarini iqtisodiy-ma’naviy jihatdan qo‘rg‘on kabi ximoyalash usullarini topa oladilar.
Nima uchun intellektuallar o‘zlariga juda iqtidorli intellektual kuchli ayollarni tanlaganlar. Chunki ular biladilar faqat kuchsiz odamlar o‘zlaridan xam kuchsizlarni tanlashlarini, ular o‘zlariga mos va xos, zamon bilan xamnafas yuruvchi juftni bejizga tanlamaganlar. Chunki bunday kuchli odamlarga faqatgina shunaqa kuchli ayollargina ilxom bera oladilar.
Xo‘sh bizdachi? Bizda esa "Ayol baxti" nomli treninglar. Ayollarga yosh qizaloqligidan bo‘ysunish, ovqat qilish, tikish-bichish, o‘z xayotini qurbon qilish yo‘llari o‘rgatiladi. Tendensiyalar qanchalik o‘zgarmasin, dunyo qanchalik taraqqiyotga qadam qo‘ymasin bizdagi qarashlar xaliyam XV asrdagi axvolda. "Bo‘lmasa ersiz qolasan va tamomsan" prinsiplari ustunligicha qolmoqda.
Dunyo ayolning bo‘g‘irsoq pishirishni bilishi yoki bilmasligiga emas, balki uning tafakkuri va professionalizmiga xayratlanadi.
O‘zingizning iste’dodingizni, bilimingizni namoyon qilishdan, yangi g‘oyalaringizni amalga oshirishdan xech qachon qo‘rqmang, eski streotiplardan baralla voz keching. Kir yuvish va ovqat qilishni istagan paytda o‘rganib olish mumkun, ammo miyani bilimga, tafakkur va ko‘nikmalarga to‘ldirishga keyin kech bo‘lishi mumkin.
🌐Ijtimoiy tarmoqlardagi rasmiy sahifalarimiz:
✅
Telegram ✅
Telegram
🌐
Instagram 📹
YouTube
✅
TikTok 🌐
Instagram
✅
@YulduzSadullaevna_admin
📞950923013
