Психолог Дилфуза Аббосхоновна

Барака - Аллоҳнинг лашкаридир

Солиҳлардан бири: "Аллоҳим ризқимга барака бер", деб дуо қиларди. Буни бир киши эшитиб: "Нима учун Аллоҳим менга ризқ бер, демаяпсан?" деб сўради. Шунда солиҳ зот: "Аллоҳ таоло Ўзи яратган махлуқотларининг барчасининг ризқини кафолатлаган. Мен ризқимга барака беришини сўраяпман. Чунки барака бу Аллоҳнинг лашкаридир ва уни хоҳлаган кишисига беради. Агар барака молга келса, у кўпаяди. Фарзандга келса, солиҳ бўлади. Агар баданга келса, қувватли бўлади. Агар қалбга келса, саодатли бўлади", деди.

Аллоҳим бизга ато этган неъматларингнинг барчасига барака бер.

Ассалому алайкум ва роҳматуллоҳи ва барокатуҳу

Эзгу амаллар қилиш учун имкон бериб, тонгда уйғотган Аллоҳга беҳисоб шукурлар бўлсин.

Чиройлиларим бошлаб олган янги кунингиз муборак бўлсин! Ҳар бир эзгу ишларингизда Аллоҳ ёр бўлсин!
Тонгимиз - яхшилик билан бошлансин, хонадонларимиздан тинчлик тотувлик, барака аримасин.
Бу кунда Аллоҳ дуоларимизни ижобат, фарзандларимизга салоҳият, ибодатларимизга гўзаллик, ризқимизга барака берсин!

Сизга яхшиликлар тилайман 😍

Зулм билан истаган нарсангни қўлга киритишинг мумкиндир, балки. Лекин мазлумнинг дуоси сабаб бор будингдан жудо бўласан!

Бир киши Умар ибн Абдулазиз роҳимаҳуллоҳни ҳақоратлади. У киши: "Агар қиёмат бўлмаганда сенга жавоб қилардим", дедилар.

​​“Фотиҳа” сурасини ўқиб сув ичишнинг фойдаси

Сув ичишдан олдин Фотиҳа сураси тўлиқ ўқилади. Сўнгра ўтирган ҳолатда сувни ичилади. Фотиҳа сурасини ўқиб кейин сув ичилганда тиқилиб қолган қон томирлари очилиб кетади, қон айланиш системаси изига тушади, юрак фаолияти яхшиланади, қалб ором олади.
Инсонда ички қувват пайдо бўлади, ички аъзолар (ошқозон, жигар, ичаклар) равон ишлайди.
Аслида, Қуръон борича шифо, раббоний дорихонадир. Бир стакан сувни Фотиҳа сурасини ўқиб ичишга одатланган киши буни ҳис қилади. Фотиҳа сураси руҳингизга руҳ, кучингизга куч баҳш этади. Фотиҳа сураси ҳаётингиздаги барча муаммоларни ҳал қилади, ҳаттоки эр-хотин ўртасидаги, фарзандлар ўртасидаги, ишдаги, ўқишдаги муаммолар ҳам бундан мустасно эмас. Фотиҳа сураси қалбдаги гина кудурат, буғзу адоватга ҳам барҳам беради. Ҳасад, кибр, ужб ва ғурур каби қалб ҳасталикларини даволайди, турли микроблар ва зарарли вирусларни ўлдиради.
Хонангизни Фотиҳа сурасининг хушбўй атри билан муаттар қилинг. Тўшагингизга ётганингизда ҳам такрор ва такрор ўқинг. Фотиҳа сурасини ўқишлик ишларингизни тартибли бўлишини таъминлайди. Фотиҳа сурасини маъноларини тушуниб ўқишга ҳаракат қилинг. Аллоҳ таоло “Фотиҳа” сурасини тавсифлар экан:

“Дарҳақиқат, Биз Сизга етти такрорланувчи (етти оятли «Фотиҳа» сураси)ни ва улуғ Қуръонни ато этдик”, деган (Ҳижр сураси, 87-оят).

Араб тилида “و”  “ва” боғловчиси тенгликни ифодалайди. Яъни, Аллоҳ таоло “Фотиҳа” сурасини Улуғ Қуръонга тенглаштиряпди. Шунинг учун уламолар: Қуръони каримнинг маънолари Фотиҳа сурасига сингдирилган, Фотиҳа сурасининг маънолари “Сенгагина ибодат қиламиз ва Сендангина ёрдам сўраймиз” деган оятга сингдирилган, дейдилар. Фотиҳа сураси бир кунда суннат ва нафл намозлардан ташқари фақат фарз намозларининг ўзида ўн етти марта такрор ўқилади. Такрор-такрор ўқилишида ҳам сир бор. Агар бирор намознинг бирорта ракъатида ўқилмай қолса, намоз мукаммал бўлмай қолади. Расулуллоҳ саллаллоҳу алайҳи васаллам Фотиҳа сурасини “Шофия” (Шифо берувчи), “Кофия” (Кифоя қилувчи), Қуръондаги энг буюк сура деб номлаганлар. Саҳобалар беморнинг оғриётган ерига қўлларини қўйиб Фотиҳа сурасини етти марта ўқиганларида Аллоҳнинг изни билан касал тузалар эди.
Қачон Қуръон ўқисангиз уни Фотиҳа сураси билан бошланг. Фотиҳа сураси зулматларни нурга айлантиради, кўнгил сиқилишидан халос этади, ғам-ташвишларни аритади.
Шундай экан, бир стакан сувни Фотиҳа сурасини ўқиб ичинг, Аллоҳнинг изни билан фарқини биласиз.

«Оят ва шифо» китобидан.

Зур шеьр экан. Сизгаям ёктими?!

Олтиндан сўрдилар: “Ёмон ёндинг-а,
Сени ёққанларга нафратинг бордир?”
Олтин жавоб берди: “Тушса ёдима,
Ўзгача муҳаббат кўнглимга ёрдир:

Биласизку мени, сал олдин дамлар
Тупроққа қоришиқ яллолигимни,
Ёндирмаса эди бугун одамлар,
Ўзим ҳам билмасдим тиллолигимни.

Бугун меҳмон бўлдим улуғ заргарга,
Одамлар пойимда кўз ёш тўкурлар.
Ташаккурлар мени ёндирганларга,
Ёнган кунларимга беҳад шукурлар!!"

Эй кўнглим, йиғлама, чекаверма ғам,
Қуёш кулиб қолар қаро дамларга.
Олтинга айлансанг бир куни сен ҳам,
Ташаккурлар дейсан ёндирганларга!

Ўз ҳаётингизни гўзал қилишга урининг... токи бошқаларни ғийбат қилишга, бошқалар учун қарор қилишга ва бошқалар учун хулоса қилишга вақтингиз қолмасин.

Вақтимиз кўп, ҳаётимиз оз...

Бор ҳаётингни бериб, севган инсонларинг билан ҳам севгинг, алоқанг, барчаси қабр эшиги остига қадардир. Улар сенга ёрдам қила олмайди. Қабринг ёнида кечаю кундуз қолса ҳам, сенинг савол-жавобингни енгиллаштира олмайди. Фақат ва фақат амалинг ёрдам қила олади.

Шунинг учун ҳеч кимни бутун борлиғинг билан севма ва бутун умрингни фақат у учун бағишлама. Ҳатто, жонингдан бир парча бўлган болангга ҳам!

Сиз қанчалик кимларнидир яқин кўрганингиз билан, дардингизни айтиб, маслахат сўраганингиз билан уни вужуди бошқа...

Аллоҳ Ўзи синовга солдими,? Ўзидан ечим ва хайр сўранг...

Аллоҳ менга шуни раво кўрди дея ўзгага шикоят қилиш нақадар ахмоқлик...

Роббим хайрли ҳаёт бергин, қадрятли қалб бергин...

Ўзгага шикоят қилишим ва устимдан кулишларига тилимни сабабчи қилмагин...

Ўтинаман сабр етмас синовларингга солмагин...

Гўзал ҳаёт ва кенг феъл бергин, қалбимга яқиним ва жигарларимдан фақат хурсандчилик етказгин..

Ўзингдан ўзгага мухтож қилмагин ва гапиртирмагин... ❤️❤️❤️

ЯХШИ ФАЗИЛАТЛАР ДАРАЖОТИ

Сабр икки хил бўлиб, олий даражаси омонлик келишидан умид узилган ҳолатдаги сабр қилишдир.

Ҳалимлик (юмшоқлик) ҳам икки хил, шарафлироғи ўзингдан заиф инсонга қилган ҳилимлигингдир.

Икки нав тўғрисўзликдан улуғроғи сенга зарар келтирадиган пайтдаги тўғрисўзлигингдир, вафо ҳам икки хил бўлиб, юксакроғи бирор нарса умид қилмаган ва қўрқмаган кишингга вафо қилишингдир.

Ассалому алайкум ва роҳматуллоҳи ва барокатуҳу
Яхши дам олдингизми?
Уйғонгач, Аллоҳга шукрона айтдингизми?
Унутманг, энг бахтли инсон шукрдаги, энг бой инсон эса сабрдаги инсондир.
Қаранг, табиат гўзал, Аллоҳнинг яратиқлари гўзал, ўзингиз гўзалсиз.
Энг гўзал махлуқот (яратилган) бу биз инсонлармиз.
Атрофга назар солингда, агарда кимдандир ҳафа бўлган бўлсангиз кечиринг, ёмон кўрсангиз яхши сифатини, қачондир сизга яхшилик қилганини ўйлаб топинг.
Шунда қалбингиз енгиллайди, ҳаёт ёрқинроқ кўрина бошлайди.
Ўзи жуда ҳам қисқа яшаймиз.
Қаранг, кеча бола эдингиз, бугун ақли расо кап - катта инсонсиз.
Эртага эса бобо, буви бўлиб турибсиз-да.
Ҳар тонгни қувончла қаршилаб, энг биринчи кундек бошланг, жаннатга тамон бир қадам ташлайман бугун, ҳаммага яхшилик қиламан, ибодат қиламан, яхшиликка чақириб, ёмонликдан қайтараман, яқинларимга меҳр бераман деб ният қилинг.
Сиз энг яхши, керакли инсонсиз, касбингиз, кўринишингиз қандай бўлиши муҳиммас..
Сизда гўзал қалб,
оташин меҳр бор.
Шундай - а?🥰🥰🥰

Сизларни яхши кўраман..
Чиройлиларим!!!
Хар бирингизни гойибона багримга босаман. ❤️

Хайрли тун. Аллоҳимга омонатмиз Чиройлиларим. ❤️