YANGIARIQ TUMAN HOKIMLIGI | RASMIY

“Ўзбекистон — китобхонлар юрти”

Янгиариқ туманидаги "Мустақиллик" маданият ва истироҳат боғида “Ўзбекистон — китобхонлар юрти” шиори остидаги анъанавий V Республика “Китобхонлик ҳафталиги”нинг очилиш маросими бўлиб ўтди.
Тадбирда Республика Маънавият ва маърифат маркази туман бўлими, туман ахборот-кутубхона маркази мутасаддилари, китобхонлар, кенг жамоатчилик вакиллари ва журналистлар иштирок этди.

Тадбирга сўзга чиққанлар мамлакатимизда китоб мутолаасини кенг жорий этиш, аҳоли, хусусан, ёшлар ўртасида китобхонликни ривожлантириш давлат сиёсати даражасида тарғиб қилинаётгани, маҳаллий, шунингдек, хорижий адабиётларни сифатли таржима қилиш, умуман, таржима мактабини юксалтиришга катта эътибор қаратилаётганини алоҳида эътироф этишди.

Янгиариқ тумани ҳокимлиги ахборот хизмати

ЯНГИАРИҚ ТУМАНИДА ДХХ КУБОГИ МУСОБАҚАЛАРИ СТАРТ ОЛДИ

Спортнинг футбол ва минифутбол баҳслари бўйича анъанавий равишда ўтказиб келинаётган Давлат хавфсизлик хизмати кубогининг туман босқичи старт олди.
Унда ҳуқуқни муҳофаза қилувчи орган ходимлари, туман мутасаддилари ҳамда  маҳаллалардаги уюшмаган ёшлардан иборат жамоалар иштирок этди.
Тадбир аввалида туман ҳокими Зафарбек Матназаров сўзга чиқиб, кубок баҳслари иштирокчи жамоаларига омадлар тилади.
Мусобақалар олдидан эстрада хонандалари томонидан куйланган куй-қўшиқлар ёшларга байрамона кайфият улашди.

Янгиариқ тумани ҳокимлиги ахборот хизмати