Toshkent yoshlarni sevadi

#Tashkent_chess #Xalqaro_turnir #Taqdirlash_marosimi

Kubok oʻz egalariga topshirildi

Poytaxtimizda joylashgan Renessans kino uyida “Toshkent yoshlarni sevadi” oyligi doirasida start olgan “Tashkent chess” xalqaro turnirining taqdirlash marosimi boʻlib oʻtdi. Unda poytaxt hokimi Shavkat Umrzoqov ishtirok etib, gʻoliblarni samimiy tabriklab, tantanali ravishda taqdirladi.

Ma’lumot uchun, Toshkent shahar hokimi kubogi uchun tashkil qilingan “Tashkent chess” xalqaro turniri malakali shaxmatchilar va yosh havaskorlar doirasida oʻtkazildi. Musobaqaga 400 dan ortiq ishtirokchi qamrab olindi. Ular orasida 15 ta davlatdan tashrif buyurgan xorijlik shaxmatchilar ham gʻoliblik uchun dona surib, mahoratlarini sinovdan oʻtkazdi.

Yakuniy natijalarga koʻra:

Masters guruhidan Adhiban Baskaran (Hindiston);

Chellengers toifasidan Shavkat Abduholiqov (Oʻzbekiston);

Age group guruhidan Islombek Husanov (Oʻzbekiston) Toshkent shahar hokimi kubogiga ega chiqdi.

Shuningdek, turli nominatsiyalar boʻyicha 50 ga yaqin sovrindorlar pul mukofoti bilan taqdirlandi.

Telegram | Instagram | Facebook | YouTube

#Toshkent_yoshlarni_sevadi #Sport #Shaxmat #Gʻoliblar #Taqdirlash_marosimi

Bugun, 22-dekabr soat 17:00 da poytaxtimizda joylashgan Renessans kino uyida “Toshkent yoshlarni sevadi” oyligi doirasida start olgan shaxmat musobaqasi gʻoliblarini taqdirlash marosimi boʻlib oʻtadi.

Ma’lumot uchun, 3 toifa boʻyicha oʻtkazilgan “Tashkent chess” xalqaro turnirining har bir toifa gʻoliblari pul mukofoti bilan taqdirlanadi. Blitz, ya’ni professional shaxmatchilar oʻrtasidagi bellashuvlarda gʻalaba qozongan gʻolibga Toshkent shahar hokimi kubogi taqdim etiladi.

Telegram | Instagram | Facebook | YouTube

#Toshkent_yoshlarni_sevadi #Sport #Shaxmat

Shaxmat - aql gimnastikasi

Xabaringiz bor, “Toshkent yoshlarni sevadi” oyligi doirasida poytaxtimizda joylashgan Renessans kino uyida Toshkent shahar hokimi kubogi uchun shaxmat musobaqalari start olgan edi.

Ayni kunlarda mazkur musobaqa qizgʻin davom etmoqda. Turnir 3 toifada: blitz, standard va chellengers toifalarida professional va havaskor shaxmatchilar oʻrtasida oʻtkazilmoqda.

E’tiborlisi, yosh shaxtmatchilar orasida 15 ta davlatdan tashrif buyurgan xalqaro ishtirokchilar ham bor.

Telegram | Instagram | Facebook | YouTube

#Toshkent_yoshlarni_sevadi #Yoshlar_yetakchilari #Taqdirlash_marosimi

Faol yoshlar yetakchilari taqdirlandi

“Toshkent yoshlarni sevadi” oyligi doirasida Toshkent shahrida faol yoshlar yetakchilarini taqdirlash marosimi boʻlib oʻtdi.

Unda poytaxtimizning turli hududlarida yil mobaynida namunali faoliyat olib borgan bir guruh yoshlar yetakchilari poytaxt hokimligi tomonidan tantanali taqdirlandi.

Yoshlarning bandligini ta’minlash, ularning jamiyatda oʻz oʻrnini topishga koʻmaklashishda yoshlar yetakchilarining oʻrni ahamiyatli. Bugun poytaxtimizda 500 dan ziyod yoshlar yetakchilari faoliyat olib boradi va ulardan 200 nafari poytaxt hokimligi tomonidan chet elga sayohat, kompyuter va “Yilning eng namunali mahalla yoshlari yetakchisi” koʻrik-tanlovining respublika bosqichiga yoʻllanma bilan taqdirlandi.

Telegram | Instagram | Facebook | YouTube