Sotuvlaringizni oshiradigan TOP 3 ta qoida
Bu mavzu ko'pchilingizga qiziq-a?
🧐O'zi rostdan qanday qilib sotuvni 3, 5,7,10x ga oshirish mumkin?
Bu juda oson deyishni istardim-u, lekin o'ziga yarasha "fishka"lari bor.
Men doim kurslarimda bu haqida aytib beraman. Ayniqsa, "Sotuvlarni oshirish texnikalari" kursim to'liq shunga bag'ishlangan. Xullas, mavzuga qaytamiz.
Sotuvlarni oshirishdagi 3️⃣ ta qoidani yoritib beraman.
1️⃣. Mijozingizni tanib oling.
Busiz ish bitmaydi. Siz kimga sotmoqchisiz? U necha yoshda, qaysi jins vakili bo'lsin, qayerda yashasin? Nima ish qiladi, nimalarga qiziqadi? Agar siz bu savollarga to'laqonli javob topa olsangiz, 80% mahsulot/xizmatingizni sota oldingiz degani. Chunki siz talab va talabgorni o'rganib chiqqan bo'lasiz.
Bularni aniqlashning ham o'ziga xos antiqa usullari bor. "SMM Marketing" kursimda o'qiganlar buni yaxshi bilishadi. Marketing — sirli olamda baribir...
2️⃣. Mahsulot/xizmatingizni 100% tushuning.
Ya'ni bu o'zingiz ishlab chiqadigan mahsulot bo'ladimi yoki chetdan olib kirib taqdim etadiganingizmi, farqi yo'q, uni o'rganing. To'liq tavsiflay oling.
Qanchalik zarur?
Qanday muammoga yechim bera oladi?
Talabgorga mos taklif kuchiga egami?
Nega bu mahsulotdan foydalanish kerak?
Umuman olganda hamma jihatini. E'tibor bersangiz, ko'pchilik o'zi sotadigan narsani to'liq tushunmaydi. Bu holatda qanday sotish mumkin? Xaridor savoliga, e'tiroziga qanday javob qaytara oladi?
Ayniqsa, shunday sotuvchilarda qo'rquv kuchayib ketadi. Qo'rquv esa yuqori narxda, ko'pgina ommaga sotishda eng katta to'siq hisoblanadi. Demak, mahsulotingiz yoki xizmatni 100% bilishingiz, avvalo, o'zingiz uchun kerak.
3️⃣. O'zingizni anglab oling.
Bu — eng muhim qoida. Sababi, siz talab, talabgorni, taklifga javob beradigan mahsulotni o'rgandingiz-u, ammo shu mahsulot/xizmatni nega sizdan olishlari kerakligini bilmasangiz, sota olmaysiz.
Rostdan ham o'ylab ko'ring: nega shuncha odam turib, aynan sizdan olishlari kerak? Qanaqa o'zgacha xususiyatingiz bor? Boshqalardan qaysi noyob qirrangiz sizni ajratib turadi?
Bu savollar orqali siz o'zingizni, ichki potensialingizni aniqlab olasiz. Bu sizga nafaqat sotishda, balki talabga javob beradigan mutlaqo yangi mahsulot yaratishingizda ham yordam beradi.
✅Men shuning uchun ham kurslarimda o'quvchilarga aynan bitta shablon berishni xush ko'rmayman. Ular o'z ijodkorligini ochishlariga imkon yaratgim keladi.
📋 Endi mana shu postga asoslanib o'zingizni tahlil qiling. Bu qoidalarga rioya qilsangiz, sotuvlaringiz oshishiga 100% erishasiz.
🖊 Bundan tashqari menda qanday o'zgacha sotish qobiliyati borligini his qilishingizni yozib qo'ying.
Aytgancha, kim e'tibor berdi: ushbu postning nechta o'rnida sizga o'z xizmatimni sotdim?!
@Yulduz_Akbarovna24PORTFOLIO ADS PRO
