Peshqadam Karvoni

“Peshqadam Karvoni” xodimlarining Turkiyadagi Siyer vaqfiga safari

🇹🇷 Loyihamiz xodimlari yaqinda Turkiyaga safar uyushtirib, muhim ilmiy-maʼrifiy maskanlarni ziyorat qilishdi. Ushbu safar taassurotlari bilan boʻlishamiz!

🚩 Siyer vaqfi 2010-yilda yozuvchi Muhammed Emin Yildirim tomonidan asos solingan boʻlib, asosiy maqsadi Paygʻambarimiz sollallohu alayhi va sallamning siyratini odamlarga chiroyli va tushunarli tarzda yetkazishdir.

🌙 Bu yerdagi yaqinda ochiladigan muzeyda Paygʻambarimiz yashagan uyning modeli va Islom tarixiga oid muhim voqealar asl holiga yaqin koʻrinishda jonli aks ettirilgan.

🌙 Shuningdek, Siyer vaqfi yoshlarning taʼlim olishini qoʻllab-quvvatlash, kitob qahvaxonasi, seminar va treninglar tashkil etish hamda favqulodda vaziyatlarda yordam koʻrsatish bilan ham shugʻullanadi.

💩 Xodimlarimiz bu ziyoratdan katta taassurot va yangi gʻoyalar bilan qaytishdi. Siz Turkiyadagi yana qaysi ilmiy-maʼrifiy maskanlarni bilasiz?

Telegram | Instagram | YouTube | Facebook

#ilmiy_faoliyat

Ilm va tadqiqotga qiziqsangiz, ushbu sarhisob videosi siz uchun!

📹 Yaqinda “Ilmiy faoliyat” yoʻnalishining sarhisob tadbiri boʻlib oʻtgandi. Unda tarjima jarayoni, hazrat asarlari va ilmiy izlanishlar haqida qiziqarli suhbat boʻlgandi. Bugun esa eʼtiboringizga ana shu tadbirimiz videosini havola qilamiz.

📹 Quyidagi havola orqali YouTube sahifamizda tomosha qilishingiz mumkin.

Telegram | Instagram | YouTube | Facebook

“Peshqadam Karvoni” ish safari bilan Turkiyada bo‘lib, qaytdi

🇹🇷 Yaqinda jamoamiz bilan ish yuzasidan Turkiyadagi bir qancha nufuzli universitetlar, o‘quv markazlari va kutubxonalarda bo‘ldik.

🏛️ Safarimiz Istanbul shahridagi Sabahettin Zaim universitetidan boshlandi. Bu yerda Islom ilmlari fakulteti dekani, professor doktor Komil Hasan Yilmaz hazratlari bilan uchrashdik. Doktor Yilmazning o‘ttizga yaqin nashr etilgan asarlari, turli jurnallarda chop etilgan hamda ensiklopediya maqolalari, milliy va xalqaro darajadagi turli ilmiy anjumanlarda taqdim etilgan ko‘plab ma’ruzalari mavjud. Uning ayrim asarlari va maqolalari ingliz, rus, italyan, venger va alban tillariga tarjima qilingan, qozoq va ozarbayjon tillariga moslashtirilgan.

✅ Doktor Yilmaz 2017-yilning 12-yanvarida Istanbul muftiysi etib tayinlangan edi. Ikki yildan so‘ng esa yosh chegarasi tufayli nafaqaga chiqdi va 2019-yildan beri Sabahettin Zaim universitetida dekan hamda professor sifatida faoliyat yuritib kelmoqda.

📚 U kishining asosiy tadqiqot sohasi tasavvuf hisoblanadi. Doktor Yilmazga shayx Muhammad Sodiq Muhamma Yusufning "Tasavvuf haqida tasavvur" nomli kitoblari turk tiliga tarjima qilinayotgani xabarini berdik. Bu yangilik doktor Yilmazni juda quvontirdi.

📍 Shuningdek, u kishi mustaqillikdan so‘ng O‘zbekistonga qilgan safarlari xotiralari bilan o‘rtoqlashdilar. Jumladan, o‘zbek xalqining islomiy odob-axloqni asrab kelayotgani va bu qadriyatlar buyuk allomalar – Moturidiy, Nasafiy, Imom Buxoriylar merosi tufayli saqlanib qolganini alohida ta’kidladilar.

🎓 Uchrashuv davomida professor Hasan Yilmazga loyihamiz haqida ma’lumot berdik hamda ularni “Ilmiy faoliyat" yo‘nalishiga a’zo sifatida qabul qilib, maxsus a’zolik nishonini topshirdik. Shu bilan birga ustozdan loyihamiz uchun qimmatli tavsiya va maslahatlar oldik.

❄️ Universitetga borganimizda Istanbulda anchadan beri yogʻmayotgan qor pagʻalab yog‘a boshlagandi. Talabalar-u ustozlarning zavqlanib, bolalarcha shodlik bilan qorda o‘ynashlariga ham guvoh boʻldik.

✅ Safarimiz haqida ma’lumot berishda davom etamiz. Keyingi manzillarimiz tafsilotlarini tez kunlarda e’tiboringizga havola qilamiz.

Telegram | Instagram | YouTube | Facebook

#kutubxonalar_faoliyati

Kitobxonlik musobaqasi oʻtkazilmoqda

🔈 Yosh avlod orasida kitobga mehr uygʻotish maqsadida “Peshqadam Karvoni” loyihasining “Kutubxonalar tashkil qilish va ularni kitoblar bilan taʼminlash” yoʻnalishi aʼzosi Joʻrayeva Hilola tomonidan Gʻuzor tumani 9-maktab 5-sinf oʻquvchilari uchun kitobxonlik musobaqasi tashkil etilmoqda!

➡️ Oʻqiladigan kitob: Xudoyberdi Toʻxtaboyev – “Peshonasiga televizor yopishgan bola”

📆 Musobaqa sanasi: 17-22-fevral

✅ Baholash shartlari:

➡️ test savollari;

➡️ kitob haqida qisqacha soʻzlab berish.

⭐️ Gʻoliblarni sirli sovgʻalar, pul yutuqlari va faxriy yorliq kutmoqda!

Telegram | Instagram | YouTube | Facebook

Kelajagingdan umid uzaver...

❔ Agar sen istaganlaringga erishish uchun reja tuzmagan va nimanidir qurbon qilishga tayyor bo‘lmasang, kelajagingdan umid uzaver!

🔇 Bugun oldingda ikki yo‘l bor: yo hoziroq orzularing tomon borib, gʻoliblikka erishasan, yo vaqtingni yemiradigan ishlarda davom etib, magʻlub boʻlasan. Bu dunyoda boshqa yo‘l yo‘q!

✅ Ushbu videoni ko‘rish ham orzularing tomon qo‘ygan ilk qadaming bo‘lishi mumkin...

📹 Videoni koʻrish uchun havola

Telegram | Instagram | YouTube | Facebook

#kutubxonalar_tanlovi

Kitobsiz uy – qalbsiz tanaga oʻxshaydi.

📝 Sitseron

📍 Fargʻona viloyati
🏠 Sodiqova Xadichaxon