Oybek Kosimov shaxsiy vlog

Сотув нега тушиб кетади?

Сотувнинг пасайишига кўп ҳолларда маҳсулот ёки хизмат сифатининг пасайиши сабаб бўлади. Бу мижозларнинг норозилигига олиб келади ва улар рақобатчиларга ўтиб кетиши мумкин.

Маркетинг стратегиясининг нотўғри ташкил этилиши ҳам сотувга салбий таъсир қилади. Маҳсулотни нотўғри аудиторияга тақдим этиш ёки кераксиз реклама мижозлар эътиборини жалб қила олмайди.

Рақобатчилар томонидан арзонроқ нархлар ёки яхшироқ хизмат таклиф қилиниши мижозларни жалб қилиши мумкин. Бозорда ажралиб турадиган таклифлар яратиш ва рақобатчилар стратегиясини таҳлил қилиш талаб этилади.

Нархни нотўғри белгилаш ҳам сотувнинг пасайишига сабаб бўлиши мумкин. Нарх мижозлар кутганидан юқори ёки жуда паст бўлса, сизнинг маҳсулотингизни рад этиш эҳтимоли ошиб боради.

Мижозлар билан суст алоқа ҳам муҳим сабаблардан биридир. Уларни эътиборсиз қолдириш, таклифлар ва акциялар ҳақида хабардор қилмаслик мижозлар базасини қисқартиради.

@oybekkosimovuz

Данғасаликни қандай енгса бўлади?

Данғасалик кўпчилик учун катта муаммо. Бу инсонни ҳаракатдан тўхтатиб, орзуларидан узоқлаштиради. Уни енгиш учун қуйидаги усуллардан фойдаланиш мумкин:

1. Кичик қадамлар билан бошланг. Катта вазифалар қўрқув ва чарчоқ туғдириши мумкин. Шунинг учун ишни кичик бўлакларга бўлиб, энг оддий қадамдан бошланг. Масалан, 5 дақиқалик вазифани бажаришга ҳаракат қилинг.

2. Режа тузинг. Ҳар кунингизни режалаштириб, вазифаларни вақтида бажаришга ҳаракат қилинг. Режа бор жойда вақтинчалик “нега керак?” деган саволлардан қутуласиз.

3. Муҳитни ўзгартиринг. Сизни чалғитаётган нарсаларни йўқ қилинг. Масалан, телефон ёки ижтимоий тармоқлардан вақтинча узилишга ҳаракат қилинг.

4. Ишдан кейинги мукофот. Ўзингизга ваъда беринг: ишни бажаргандан кейин ўзингизга ёқадиган нарса билан ўзингизни рағбатлантирасиз. Бу мотивацияни оширади.

5. Идеал бўлишга интилишни қўйинг. Ҳар бир нарсани идеал даражада қилишга ҳаракат қилиш қўрқув туғдиради. Оддий ҳаракатлар билан бошланг, кейин натижани яхшилаш ҳақида ўйлайсиз.

6. Ижобий одатлар яратинг. Ҳар куни бир вақтда қайтариладиган оддий ишлар сизда масъулият ҳиссини шакллантиради.

7. Сабабларни ёзиб чиқинг. Нега ушбу ишни қилиш кераклигини ўзингизга аниқ қилиб ёзиб қўйинг. Бу сизнинг ниятингизни янада равшанлаштиради ва ҳаракат қилишга туртки беради.

Ҳаракат бошида қийин бўлиши мумкин, лекин унинг натижалари ҳаётингизни ўзгартиришига ишонинг. Данғасалик фақат ҳаракат билан енгилади.

@oybekkosimovuz

Бизнесда кўп учрайдиган хатолар: Улардан қандай қочиш мумкин?

Ҳар бир тадбиркор муваффақиятга эришишни истайди, аммо бунга тўсқинлик қиладиган бир қатор хато ва тўсиқлар мавжуд.

– Режасиз ҳаракат қилиш. Бозорни ўрганмасдан ва аниқ стратегия ишлаб чиқмасдан бизнес бошлаш — катта хавф.
Маслаҳат: Режалаштиришга вақт ажратинг ва бозордаги рақобатчиларни чуқур таҳлил қилинг.

– Молиявий хатолар. Бюджетни нотўғри бошқариш ва керагидан ортиқ қарз олиш кўплаб бизнесларнинг муваффақиятсизлигига сабаб бўлади.
Ечим: Харжат ва даромадни мунтазам кузатиб боринг, зарур ҳолларда захира маблағ яратинг.

– Маркетингга эътиборсизлик. “Яхши маҳсулот рекламасиз ҳам мижозни топади” – деган гап ҳар доим ҳам тўғри эмас.
Маслаҳат: Мақсадли аудиторияни аниқлаб, брендинг устида ишланг ва фаол маркетинг режасини амалга оширинг.

– Ходимларни нотўғри бошқариш. Малакали жамоанинг йўқлиги ёки нотўғри ташкил этилган ички алоқалар бизнеснинг ўсишига тўсқинлик қилади.
Маслаҳат: Тажрибали мутахассисларни танланг ва улар билан самарали мулоқот ўрнатинг.

– Инновацияларга бефарқ бўлиш. Замонавий технологиялардан фойдаланмаслик ёки бозор тенденцияларини ҳисобга олмаслик катта йўқотишларга олиб келиши мумкин.
Ечим: Доимо ўзгаришларга тайёр бўлинг ва янги ғояларни амалиётга жорий қилинг.

– Мижозларга эътибор бермаслик. Сифатнинг пасайиши ёки мижозларнинг фикрини инобатга олмаслик салбий натижаларга олиб келади.
Маслаҳат: Мижозларни тингланг, уларнинг эҳтиёжларини ўрганинг ва қониқтиринг.

Сизнинг бизнесингиз қайси босқичда бўлишидан қатъи назар, ушбу хатолардан қочиш орқали яна бир поғона юқорига кўтарилишингиз мумкин.

@oybekkosimovuz

Мақсадга эришишда нега кечикамиз?

Бирор мақсад қўйиб, катта режалар тузамиз. Лекин вақт ўтиши билан ўша мақсадни бошлаш қийинлашиб боради. Нима учун?

Мана, асосий сабаблар:
1. Қўрқув ва шубҳа — Муваффақиятсизликдан қўрқиш ёки натижа қандай бўлишини билмаслик ҳаракатни тўхтатиб қўяди.

2. Аниқликнинг йўқлиги — Мақсад ва унга эришиш йўли ноаниқ бўлса, бошлаш қийин кечади.

3. Мотивация етишмаслиги — Мақсад чин юракдан исталмаган бўлса, уни бошлашга сабаб топа олмайсиз.

4. Керакли ресурсларнинг йўқлиги — Вақт, маблағ ёки билим етарли бўлмаса, кечикиш муқаррар.

5. Ишни кейинга суриш одати — “Кейинроқ қиламан” деб вақтни чўзиб юраверамиз.

Қандай қилиб бу ҳолатдан чиқиш мумкин?

1. Мақсадни аниқ белгилаб олинг.

2. Уни кичик қадамлар орқали режалаштиринг.

3. Ўзингизни қўллаб-қувватлайдиган муҳит яратинг.

4. Энг муҳими, биринчи кичик қадамни ташланг. Бу одатий қўрқув ва шубҳаларни енгишга ёрдам беради.

Эслаб қолинг! Ҳар бир буюк иш оддий қадамдан бошланади.

@oybekkosimovuz

Бизнес режа қандай тузилади?

Бизнес режа — бу бизнеснинг муваффақиятли амалга оширилишини таъминлаш учун тайёрланадиган ҳужжат бўлиб, у компаниянинг мақсадлари, стратегиялари, молиявий прогнозлари, маркетинг режалари ва тартибларни ўз ичига олади.

Бизнес режа ёрдамида бизнес эгалари ва инвесторлар компаниянинг келажакдаги ривожини баҳолашади. Қуйида бизнес режанинг асосий таркибий қисмлари кўрсатиб ўтаман:

1. Умумий хулоса: Бизнес режанинг қисқача мазмуни, бизнеснинг мақсадлари, стратегиялари ва режалаштирилган натижалари ҳақида маълумот беради.

2. Бизнес тавсифи: Бизнеснинг қандай фаолият юритиши, унинг бозордаги ўрни, мақсади ва мижозларга қандай қиймат таклиф қилиши ҳақидаги батафсил маълумот.

3. Бозор таҳлили: Бозорни ўрганиш, рақобатчиларни таҳлил қилиш ва мижозларнинг эҳтиёжларини аниқлаш. Ушбу бўлимда мақсадли аудитория ҳақида ҳам сўз боради.

4. Маркетинг ва сотиш: Бу бўлимда маҳсулот ёки хизматни қандай сотиш, реклама ва маркетинг стратегияларини ишлаб чиқиш, нарх белгилаш, тарғибот каналлари ва сотувлар прогнозлари аниқлаштирилади.

5. Режа: Бизнесни амалга ошириш учун зарур бўлган кундалик жараёнлар, ишлаб чиқариш, таъминот занжири ва бошқа операцияларни қандай бошқариш кераклиги аниқланади.

6. Жамоа: Компанияда кимлар ишлайди, уларнинг роли ва тажрибаси, шунингдек, жамоанинг кучли томонлари ва улар қандай қилиб бизнеснинг муваффақиятига ҳисса қўшиши мумкинлиги келишилади.

7. Молия: Бизнеснинг молиявий прогнозлари, даромад ва харажатлар тақсимоти, нақд пул оқимлари ва бошқа молиявий кўрсаткичлар белгиланади. Бу бўлим инвесторлар учун муҳимдир.

@oybekkosimovuz

Маҳсулотни онлайн сотишда нималарга эътибор қаратиш керак?

1. Маҳсулот танлаш: Бозорда талаб юқори бўлган маҳсулотни аниқлаш зарур. У ўзига хос, сифатли ва фойда келтирадиган бўлиши керак. 

2. Савдо платформасини танлаш: Маҳсулотни сотиш учун веб-сайт ёки ижтимоий тармоқлар (Instagram, Telegram, TikTok)да дўкон ташкил қилиш зарур. Агар кенгроқ мижозлар базасига чиқмоқчи бўлса, marketplaces ҳам ишлатилиши керак. 

3. Логистика ва етказиб бериш: Маҳсулотларни мижозларга ўз вақтида ва хавфсиз етказиб бериш учун курьер ёки халқаро логистика хизматлари билан ишлаш йўлга қўйилиши керак. 

4. Тўлов тизимлари: Мижозларга қулай тўлов усуллари (Click, Payme, Visa/MasterCard)ни тақдим этиш зарур. 

5. Маркетинг ва реклама: Маҳсулотни тарғиб қилиш учун ижтимоий тармоқларда рекламалар қилиш, контент яратиш ва чегирмали акциялар уюштириш муҳим. 

6. Мижозлар билан муносабатлар: Харидорлар билан тезкор ва сифатли мулоқот ўрнатилиши керак. Уларнинг фикр-мулоҳазалари асосида хизмат ва маҳсулотлар яхшиланиши лозим. 

7. Мониторинг ва ривожланиш: Сотувлар ва фойда таҳлил қилиниши, бозордаги ўзгаришларга мослашиш, ва маҳсулотларни кенгайтириш режаси тузилиши керак. 

Бу босқичларнинг ҳар бири бажарилиши зарур, чунки улар муваффақиятли онлайн бизнес асосларининг бир қисмидир.

@oybekkosimovuz

Онлайн бизнес ташкил қилиш керакми?

Ҳозирги кунда ривожланаётган ва деярли ўз ўрнига эга бўлган усул — бизнесни онлайн шаклга ўтказиш ҳақида гаплашамиз. Ўзи бундай усул керакми, унинг қандай афзалликлари бор? Агар онлайн шаклга ўтилса, қандай имкониятлар пайдо бўлади? Буларни қуйида кўриб чиқамиз:

Кам харажатлар: Offline бизнесга нисбатан офис, дўкон ёки омборхона учун тўланадиган харажатлар камаяди.

Кенг аудитория: Интернет орқали сиз бутун дунё бўйлаб мижозларга етиб боришингиз мумкин.

Мослашувчанлик: Исталган жойдан бизнесингизни бошқаришингиз мумкин.

Автоматлаштириш имконияти: Вақтни тежаш учун автоматлаштирилган хизматлардан фойдаланиш мумкин (масалан, тўлов тизимлари, chatbotлар).

Маълумотлар таҳлили: Мижозларингизни тушуниш ва эҳтиёжларини аниқлаш учун таҳлилий воситалар мавжуд.

Бу кўринишдаги бизнесни бир қанча йўллари бор. Қуйида улардан баъзилари билан танишишингиз мумкин:

E-commerce: Маҳсулотларни онлайн сотиш.

Таълим платформаси: Курсллар, мастер-класслар.

Freelancing хизматлари: Дизайн, ёзиш, дастурлаш.

Контент яратувчилик: Блоглар, YouTube каналлари, подкастлар.

@oybekkosimovuz

Бизнес бошлашда нимага эътибор бериш керак?

Ўйлаб кўринг, сиз янги бизнес бошлашни хоҳлайсиз, аммо қаярдан бошлашни билмайапсиз. Ҳамма нарсага қандай ёндошиш кераклигини тушуниш учун бир оз вақт ажратиб, асосий қадамларни кўриб чиқиш керак. Қуйида бир нечта ўзига хос қадамлар орқали бунни тушунилиши мумкин.

Бир куни Баҳром исмли бир ёш ёигит, ўзининг кичик дўкони учун янги маҳсулотни сотиш режасини тузди. Лекин ўз маҳсулотини кимга сотиши кераклигини билмас эди. У биринчи навбатда бозорни ўрганишни бошлади.

У қандай маҳсулотлар сотилаётганини, кимларнинг нимани қидираётганини ва рақобатчиларидан нимани фарқ қилишини тушунишга ҳаракат қилди. Айтиш мумкинки, Достаннинг бу қарори унинг бизнесининг мустаҳкам пойдеворини яратди.

Кейин эса, ўзига бизнес-режа тузишни бошлади. “Агар мақсадимни аниқ белгиламасам, йўлда йўқолиб қолишим мумкин”, деб ўйлади. У ҳар бир харажатни, ҳар бир даромадни ва ўзининг келгуси йилларга бўлган орзуларини аниқ ёзиб чиқди.

Бу режа, нафақат унинг истиқболини очиб берди, балки сармоядорларни жалб қилиш учун зарур бўлган асосий ҳужжатга айланди.

Баҳром аллақачон бозорда ўрнини топган бўлса-да, маблағлар билан боғлиқ масалани ҳал қилишни унутди. Шу боис, у молиявий режа тузиш заруратини тушунди. У ўзининг дастлабки маблағини ва заруриятларини ҳисоблаб чиқди ва кредиторлардан ёрдам олишни бошлади.

Бироқ, Баҳром фақат тўғри ҳуқуқий жараёнларни ўтказиш кераклигини билмас эди. “Бизнесни бошлаш учун қонуний равишда рўйхатдан ўтиш зарур”, деб ўйлади. Шу тарзда, ҳуқуқий масалаларни тартибга солиб, бизнесини қонун доирасида иш бошлаш учун тайёрлади.

Бир куни у ўзининг биринчи мижозини кутиб олди. У мижозига яхши хизмат кўрсатишни, савдо қилганидан кейин улар билан алоқада бўлишни, уларни эслаб қолишни истади. Шундай қилиб, у ҳар бир мижоз билан келишишни истарди.

Ва ниҳояти, Баҳром маркетингни жиддий қабул қилди. У ижтимоий тармоқларда реклама қилиш, e-mail маркетинг ва реклама кампанияларини ташкил қилишга киришди. Бу орқали унинг маҳсулоти кўпроқ одамлар орасида танилди, мижозлари ортиб борди.

Бизнесни бошлашга қарор қилган Баҳроминг ўрганиш йўли ўзига тўғри жамоа йиғишига сабабчи бўлди. Яхши мутахассисларни ёллаш ва самарали бошқарув тизимини яратиш орқали, у жамоасини тезда бирлаштирди ва бизнесини ривожлантиришда муваффақиятга эришди.

@oybekkosimovuz

Мижозларнинг турлари ва уларни жалб қилиш

Сотувни оширишни хоҳлайсизми? Унда мижозларингизни яхшироқ тушунишни ўрганинг. Турли мижозлар турли ёндашувларни талаб қилади. Қуйида энг кўп учрайдиган мижозлар турлари ва улар билан қандай ишлаш мумкинлиги ҳақида қисқача келтирилган.

1. Янги мижозлар: Улар учун қулай танишув жараёнини яратинг, маҳсулот ва хизматларингиз ҳақида батафсил тушунтиришни унутманг.

2. Қайта келувчи мижозлар: Уларга қайтганлари учун махсус чегирмалар ва бонуслар таклиф қилинг.

3. Содиқ мижозлар: Содиқлик дастурлари, эксклюзив таклифлар билан уларни янада кўпроқ рағбатлантиринг.

4. Юқори харажат қилувчи мижозлар: Уларга юқори сифатли хизмат ва шахсий маслаҳатлар беринг, улар қийматли мижоз эканини ҳис қилишлари муҳим.

5. Нархга сезгир мижозлар: Чегирмалар ва акциялардан мунтазам хабардор қилиб туринг. Улар арзонроқ таклифларни қидиришади.

Мижозларингизни таниб, уларга мос ёндашувни танлаш орқали савдоларни ошириш ва брендингингизга бўлган содиқликни кўпайтиришингиз мумкин.

@oybekkosimovuz

Мижозга кучли таклиф бериш

Ҳар бир тадбиркор мижозни ўзига жалб қилмоқчи бўлса, унга кучли таклиф бера олиши керак. Бу нима учун керак? Сизга сотув, мижозга эса маҳсулот. Сизнинг таклифингиз кучли бўлиб, унинг қарорини ўзгартира олса, мижоздан йўқ жавобини эшитмайсиз.

Биринчи галда фойда олмаган ёки зарар кўрган тақдирингизда ҳам бу ишингиз кейинги сафар ўша мижознинг яна сизга қайтиб келишига сабабчи бўлади.

Натижада, содиқ мижозларингизни кўпайтириб, мақсадли аудиторияни ажратиб олишга вақт сарфлашингиз шарт бўлмайди. Мижоз эҳтиёжини қондирадиган таклиф яратиб қўйсангиз, уларнинг ўзи сизни топиб келади.

Маҳсулот ёки хизматингизнинг рекламасига кетадиган вақтимиз ҳам анча қисқаради. Чунки энди сизда аниқ мақсадли аудитория бор.

Аксарият сотувчилар ҳозирни ўйлаб, фойда олмаслигини билиб, бу таклифдан воз кечишади.

Сиз керакли нарсани тақдим этмаяпсизми, мижоздан ҳам ҳеч нарса кутманг. Улар шунчаки, сиз таклиф эта олмаган нарсани бошқа сотувчидан топади.

@oybekkosimovuz

Бренд қанчалик муҳим?

1. Ишонч ва садоқат. Тадқиқотларга кўра, аксарият истеъмолчилар биринчи навбатда ўзлари ишонадиган брендлардан харид қилишади. Яхши бренд мижозларни бир неча маротаба қайта-қайта харид қилишга ундайди.

2. Ажралиб туриш. BAA (British Advertising Association) маълумотларига кўра, брендланган маҳсулотлар кўпроқ тан олинади ва истеъмолчилар онгида сақланиб қолади. Шунингдек, улар харидорларда компанияни бошқа ўхшаш маҳсулотлардан ажралиб туришига хизмат қилади.

3. Нарҳ танлаш. Баъзи истеъмолчилар қиммат маҳсулотга ҳам кўпроқ пул тўлашга тайёр бўлишади. Бу яхши бренд, унинг сифати, қулайлиги ва қиймати етарлича бўлган ҳолларда амалга ошади.

Бренд фақатгина логотип ва дизайндан иборат эмас. Бу истеъмолчиларнинг компания ҳақидаги умумий тасаввури ва унга бўлган ишончини ифодалайди.

Шу сабабли, ҳар қандай компания ёки тадбиркор учун кучли ва ишончли бренд яратиш бизнеснинг муваффақиятли бўлишида ҳал қилувчи аҳамият касб этади.

@oybekkosimovuz

Шогиртларимиз гапирсин

Келинг, сизларга натижага эришган ўқувчиларимизнинг қилган ишлари ҳақида гапириб бераман. Бу ўқувчимиз ҳозирги кунда SMM соҳасида ишлаб ўз ўрнини топа олган ва бир неча лойиҳаларни муваффақиятли тугатган ўқувчиларимиздан.

Бу — биргина Reels орқали конкурсларсиз 62 минг жонли обуначини тўплай олган Жасурбек Машрабжонов.

Қуйида эса ушбу ўқувчимизнинг фикрларини ўқишингиз мумкин:

Ассалому алайкум ман Жасурбекман!

Устоз Ойбек Қосимовга катта раҳмат айтмоқчиман. Чунки 2020-йилда билим учун биринчи инвестицияни Instagram Pro курсларига қилганман ва инстаграм сирларини ўрганганман!

Ундан кейин Тошкентда SMM соҳасида ўқиб яна янги билим ва тажрибаларни олдим.

Ўзим учун шахсий бизнес сифатида исломий совғалари онлайн дўкони очиб, инстаграм орқали Тожикистонларга ҳам сотдим.

Ҳозирги кунда Фарғонада SMM ва Мобилография соҳасида ишлаб, Omadli.bekat ва fargona_tezkor профилларини қисқа муддатда 100% жонли тарзда ривожлантириб келяпман. Ҳеч қандай гив ва накруткасиз жонли просмотр ва обуначиларни йиғяпмиз.

Ушбу даражага етишириб, яхши даромад қилаётганимга биринчи Устозимга катта раҳмат айтаман!

П. С. Бошқа ўқувчиларимизнинг натижалари — https://t.me/oybekqosimov4

Мижозни қандай ушлаб қолиш керак?

Сотувчи ва мижоз суҳбатидан сўнг аксарият ҳолларда мижоз ниманидир баҳона қилиб, суҳбатни якунлайди. Келинг буни бир нечта сабабларини кўриб чиқамиз:

Биринчи сабаб, истеъмолчи маҳсулот ҳақида етарлича маълумотга эга бўлмади. Маълумот тақдим этилаётганда фақат ёдлаб олинган сўзлар фойда бермайди. Истеъмолчига маҳсулот ёки хизматни у тушунадиган тилда етказиш керак.

Ҳар бир мижоз турлича дунёқараш ва характерга эга. Аксарият ҳолларда уларга бир хил муомалада бўлишади. Кимдир маҳсулот ҳақида кўпроқ билмоқчи бўлади. Баъзилар эса шунчаки харидорга айланади.

Суҳбатдан сўнг эса мижоз маҳсулотни аниқ тасаввур қила олиши керак. Яъни унда маҳсулот ёки хизмат ҳақида иккиланадиган саволлар қолмаслиги зарур.

Қиммат деган эътирозга хизматнинг афзаллигини эмас, мижознинг бу сотувдан оладиган фойдаларини гапириш катта эҳтимол билан унинг харидор бўлишига сабабчи бўлади.

Бу ва шунга ўхшаган жиҳатлар жуда кўп. Суҳбат давомида ўзини таништирмаслик, мижозларга қулайлик яратишга ҳаракат қилмаслик, маҳсулотни мақтаб ёлғон гапириш ёки мижозни эътиборсиз қолдириш каби ҳолатларни иложи борича камайтириш зарур.

@oybekkosimovuz

Сотув бўйича амалга оширилган тадқиқотлар

Сотув техникалари ва унинг ҳажмини ошириш бўйича кўплаб тадқиқотлар ўтказилган. Улар орасидан муваффақиятли тугалланганлари билан бўлишмоқчиман.

Тадқиқотларга кўра:
Мижозларни аниқ сегментация қилган компаниялар сотувни 60% га ошириши;

80% истеъмолчилар чегирмалар ва акциялар сабабли сотиб олишга кўпроқ мойил бўлиши;

тўлов тизимидаги муаммолар мижозларнинг 28% ини хариддан қайтариши;

маълумотларни доимий таҳлил қилган компаниялар рақобатбардошлиги 23% га ортиши;

янги бозорга кирган компаниялар сотув ҳажми ўртача 35% га кенгайиши;

тренингга сармоя киритган компаниялар сотув ҳажмини 50% га ошириши мумкинлиги аниқланган.

Профессионал тренинг сотувчиларнинг кўникмаларини ошириб, мижозлар билан ишончли алоқалар ўрнатишга ёрдам беради.

Юқоридаги маълумотлар бизнесдаги янги компанияларнинг статистикаси бўйича таҳлил қилинган.

@oybekkosimovuz

Мижозлар билан қандай ишлаш керак?

Самарали суҳбат қуришнинг калити — мижозни диққат билан тинглаш. Уларнинг муаммолари, эҳтиёжлари ва саволларини тинглаш орқали уларга аниқ ечим ёки ёрдам таклиф қилиш имконияти пайдо бўлади. Самимий ва очиқ мулоқот қилган ҳолда, мижозларга ўзларининг фикрлари муҳим эканлигини ҳис қилдириш зарур.

Лекин, суҳбат давомида фақат тинглаб нимагадир эришиб бўлмайди. Ҳар бир мижоз билан алоқани мустаҳкамлаш учун уларга керакли жавобларни аниқ ва тушунарли тарзда етказиш керак. Мулоқотни сифатли бўлиши мижозни қониқтирадиган ва уларнинг саволларига ечим бўладиган жавобларнинг мавжудлигига боғлиқ.

Суҳбат жараёнида қулай муҳитни яратиш ҳам муҳим аҳамиятга эга. Бу мижозлар билан янада ишончли муносабатлар ўрнатишга ёрдам беради. Уларнинг фикрларига ҳурмат билан қараш, қарорларини инобатга олиш ва уларни тушунишга ҳаракат қилиш орқали мижознинг садоқатини ошириш мумкин.

Суҳбат якунида мижозни ўз саволларига тўлиқ жавоб топганига ишонч ҳосил қилиш учун мулоқотни аниқ тугатиш ва уларга қўшимча ёрдам таклиф қилишни унутманг. Бу уларнинг сизга бўлган ишончини янада кучайтиради ва узоқ муддатли алоқаларни ўрнатишга ёрдам беради.

Хулоса қилиб, уларни тинглаш, аниқ ва тушунарли жавоблар бериш, қулай муҳит яратиш ва мулоқотни тўғри якунлаш мижозлар билан самарали суҳбат қуришнинг “олтин калити” деса ҳам бўлади.

@oybekkosimovuz

Сотиш техникаси

Сотишни самарали қилишдаги муҳим нарса — бу мижозни тушуниш. Мижознинг эҳтиёжи, муаммоси ва истакларини билиш уларга керакли маҳсулот ёки хизматни таклиф қилишни осонлаштиради. Бунинг учун улар билан самимий мулоқот қилиш ва улар аслида нима хоҳлаётганлигини билиб олиш зарур.

Бироқ, бу етарли эмас. Маҳсулот ёки хизматнинг фойдаларини тушунтириш билан чекланиб қолмаслик керак, аксинча, у мижоз ҳаётида қандай ўзгаришлар келтириши, қандай фойда бериши мумкинлигини кўрсатиш муҳимдир. Айни пайтда, сотувни янада самарали қилиш учун маҳсулотнинг фойдали томонларини тушунтириш билан бирга, мижозлар билан эмоционал мулоқотни ўрнатиш ҳам зарур.

Кўп ҳолларда, харидорлар эмоцияларига асосланиб қарор қабул қиладилар. Шунинг учун уларнинг ҳис-туйғуларига таъсир ўтказадиган фикрлар ёки мижоз тажрибалари билан бўлишиш, суҳбат жараёнини мустаҳкамлашга ёрдам беради. Бунда, аниқ далиллар, яъни олдинги мижозларнинг фикрлари, шарҳлар ва олган фойдалари катта роль ўйнайди. Улар бошқа харидорларни ҳам ишонтиришда самарали восита ҳисобланади.

Харидорларнинг қарор қабул қилишини тезлаштириш учун эса чекланган таклифлар, чегирмалар ёки вақт бўйича махсус акциялар қўллаш мумкин. Бу усул мижозларни тезроқ ҳаракат қилишга ундайди ва сотиб олиш эҳтимолини оширади.

Шундай қилиб, мижозни тушуниш, маҳсулотнинг фойдасини кўрсатиш, суҳбат жараёнида эмоция яратиш, аниқ далиллар келтириш ва чекланган таклифлар орқали самарали сотув жараёнини ташкил этиш мумкин.

@oybekkosimovuz

Сизни муваффақиятга етаклайдиган ТОП 12 китоб

Билим олиш билан бирга, ҳаётда амалий тажрибага ҳам эътибор қаратинг. Бюджетингизни назорат қилинг. Бу сизга молиявий мақсадларни аниқ белгилаш ва уларга эришиш учун аниқ режа тузишга имкон беради.

Пул муомаласи, уларни йиғиш, ишлатиш ва тўғри жойга тақсимлашда эса, сизга қуйидаги китоблар ёрдам бериши мумкин:

Бизнес ва ривожланишга оид:
– Бой ота, камбағал ота - Роберт Киосаки
– Вавилонлик энг бой одам - Жорж Самуэл Клейсон
– Савдогарлар устози ёхуд ҳақиқий омад калити - Аҳадқули Холмухаммад ўғли
– Имкониятни қўлдан бой берма - Дейл Карнеги
– Савдо 101 - Зиг Зиглар
– Алибаба. Жек Ма бунёд этган маскан - Дункан Кларк
– Тесла, SpaceX ва келажак сари йўл. Дунёнинг энг бой одами - Илон Маск

Маркетингга оид:
– Бир варақли маркетинг режа - Алан Дип
– Сарафан маркетинг - Энди Серновис
– Маркетинг А дан Я гача - Филип Котлер
– Маркетингда рад этиб бўлмайдиган 150 услуб - Николай Молчанов
– Маркетинг 5.0 - Филип Котлер

Албатта, фақатгина китоблар билан чекланиб қолсангиз, сиз билимли бўласиз. Лекин уларни устоз билан ўргансангиз, ҳам билимли, ҳам тажрибали бўласиз.

@oybekkosimovuz

YouTube канал юритиш учун ТОП 7 та мавзу

1. AI ва Сунъий интеллект дастурлари: AI технологиялари ва дастурларининг тез ривожланиши билан, сунъий интеллект ҳақида таълим берувчи каналлар, AI технологияларидан қандай фойдаланиш бўйича қўлланмалар одамларда катта қизиқиш уйғотади.

2. Ўйинлар (Gaming): Виртуал ўйинлар оммалашганига анча бўлган бўлса-да, ҳали ҳамон катта аудиторияни жалб қила олмоқда.

3. Шахсий ривожланиш ва мотивация: Руҳий саломатлик ва мотивация мавзулари кўпчилик учун қизиқарли бўлиб қолмоқда. Ҳайотий мақсадлар, стрессни бошқариш ва янги одатлар ўрганиш каби контентлар мисол бўла олади.

4. Оила ва болалар учун контент: Ёш ота-оналар ва уларнинг фарзандлари учун ўйин, таълимий видеолар ва болалар билан биргаликда уйда қилинадиган фаолиятлар ҳамон кўп томоша қилинадиган мавзулар қаторида.

5. Технология шарҳлари ва (unboxing) видеолари: Янги гаджетлар, телефонлар, ва технологиялар ҳақида батафсил маълумот берувчи ва уларни қадоқдан чиқариш (unboxing) видеолари технология ихлосмандлари учун жуда қизиқарли мавзу.

6. Саёҳат ва влоглар: Бунга саёҳат влоглари, янги жойларни кашф қилиш, ва саргузаштга оид видеолар киради.

7. Овқат пишириш ва соғлом овқатланиш: Соғлом турмуш тарзига қизиқиш ортиши билан, оддий ва соғлом рецептлар, овқат тайёрлаш бўйича қўлланмалар, шунингдек, вегетариан рецептлар ҳам YouTube'да машҳур мавзуга айланган.

Бу орқали янги рецептлар, озиқ-овқат тавсиялари ёки ошпазлик сирларини улашувчи каналлар ўз аудиториясини кенгайтириши мумкин.

@oybekkosimovuz