Oliy ta'lim yangiliklari va yutuqlari

#Murojaat

📌 Oʻquvchi, talaba yoshlar va ota-onalar nomidan murojaat

Bu yil qish fasli biz kutgandan ko'ra sovuq keldi. Shuning uchun sizlarga bir iltimos bilan murojaat qilmoqchimiz. Bilamiz, koʻpchilikni shaxsiy mashinasi bor va mashinasi borlardan oʻquvchi va talabalar nomidan shuni iltimos qilmoqchimiz.

Hech boʻlmaganda ertalab va kechqurun maktabga, ishga, universitetga ketayotgan va qaytayotgan o'quvchi, talaba yoshlarni yoʻl-yoʻlakay olib ketsangiz. Hozirgi kunda ertalabki sovuq bilan kechki qorongʻudagi sovuqni bilasiz qandayligini. Mashinaga chiqib tushishlari, toʻxtab turishingizni hisoblasa hammasi boʻlib 10 daqiqa vaqtingiz ketishi mumkin. Lekin oʻsha 10 daqiqa oʻquvchi, talaba yoshlarning hayotida eng unutilmas lahza boʻlib qolishi mumkin. Bolalar sovuqda uyiga borsa, balki uyi ham issiq boʻlmasligi mumkin. Hech boʻlmaganda sizning issiq mashinangizda ozgina koʻngli yorishar deb o'ylaymiz. Shu bilan siz ham oʻzingizga ham oʻsha bolalarga yaxshilik qilgan boʻlasiz! Oʻylaymizki, siz qishning sovuq kunida olib ketgan oʻquvchi yoki talabalar bir kun kelib yurtimiz uchun siz va biz uchun kerakli mutaxassislar boʻlib yetishib chiqadi. 😊

Biz sizlarga ishonamiz, albatta shunday qilasizlar!

⚠️ Ushbu murojaatni imkon qadar yaqinlaringizga va guruhlarga yuboring. Zero, yaxshilik qilguvchi yurtdoshlarimiz koʻpaysin.

Obuna bo’ling👉 @OTM_Minbari

#Hamkorlik

@OTM_Minbari kanalida reklama joylash niyatingiz boʻlsa, reklama menedjeri bilan bogʻlanishingiz mumkin.

- Kanal auditoriyasini asosan aqilli, ziyoli va ilm talabidagi obunachilardan tashkil topgan va juda faol.!

- Yaʼni tirik odam, boshqa kanallarga oʻxshab soxta odam bilan toʻldirilmagan.!

- Kanalda asosli maʼlumotlar hamda tezkor yangiliklar, ham tanqid ham kayfiyatli postlar joylab boriladi.!

- Kanaldagi postlarning koʻrishlar foizi yuqori albatta.!

@murojaatuztvbot murojaat uchun.!

📌 Yotoqxona to‘lovida kimlarga imtiyoz berilishi mumkin?

✅ JAVOB: Yotoqxona to‘lovi bo‘yicha imtiyozni oliy ta’lim muassasalari Kengashi belgilaydi va bu imtiyoz quyidagi shakllarda berilishi mumkin:

▪️yotoqxona to‘lovlaridan butunlay ozod etiladi
– ko‘z kasalliklari bo‘yicha 1-2-guruh nogironligi borlar;
–chin yetimlar (ota-onasining har ikkisi vafot etganlar) va yetimlar (ota-onalaridan biri vafot etganlar);
–mehribonlik uyi tarbiyalanuvchilari;
–hamda ijtimoiy himoyaga muhtoj talabalar.

▫️ umumiy to‘lovdan 50 foiz chegirma beriladi
– umumiy kasalliklar bo‘yicha 2-guruh nogironlari;
–vazifasini namunali bajarayotgan talabalar Kengashi raisi, qavat sardori hamda yotoqxona kutubxonasi uchun mas’ul talabalarga.

Obuna bo’ling👉 @OTM_Minbari

📌 Nogironligi bor shaxslarga magistraturaga kirishda sertifikat talab qilinmaydi

Nogironligi boʻlgan shaxslarga magistraturaga kirishda imtiyoz mavjud. Biroq bu barcha toifadagi nogironligi boʻlgan shaxslar uchun emas.

Oʻzbekiston Respublikasi Prezidentining 20.10.2022-yildagi PQ-407-son qarori 4-bandiga koʻra, davlat oliy taʼlim muassasalarining magistratura mutaxassisliklariga hamda oliy taʼlimdan keyingi taʼlim ixtisosliklariga oʻqishga qabul qilishda koʻrish, eshitish va nutqida nuqsoni boʻlgan shaxslar tomonidan xorijiy tilni bilish boʻyicha milliy yoki unga tenglashtirilgan xalqaro sertifikatni taqdim etish talab etilmaydi.

Aynan shu qoidaga koʻra imtiyoz koʻrish, eshitish va nutqida nuqsoni boʻlgan shaxslarga taqdim etiladi.

Obuna bo’ling👉 @OTM_Minbari

📌 Talaba almashinuvi yoki akademik mobillik haqida

Akademik mobillik – talaba yoki o'qituvchilarning mamlakatidagi yoki xorijdagi OTMlarda kelishuv asosida ma'lum muddat o'qish yoki dars berishini anglatadi.

🎓 Mobil talabalar, asosan, 2 guruhga bo‘linadi:

👉erkin harakatlanuvchilar – bunday turdagi talabalar o'z xohish va tashabbuslari bilan ta'lim olish uchun boshqa hududlarga borishadi;

👉dastur doirasidagi talabalar – bunda OTMning o'zi yoki uning biror fakulteti boshqa OTM bilan kelishgan holda talabalar uchun o'zaro almashinuv dasturlarini amalga oshiradi. Dasturlar milliy va xalqaro darajada ham bo'lishi mumkin.

🔅 Talabalar ma'lum muddat boshqa bir OTMda o'qishi uchun eng katta imkoniyat – talaba almashinuv dasturlari hisoblanadi.

✔️ Bunda talaba o'zi o'qiyotgan OTM bilan hamkor bo'lgan xorij yoki boshqa viloyatdagi OTMlaridan birida ma'lum muddat o'qib qaytishi mumkin.

Almashinuv dasturlari qisqa – 1 haftadan 3 oygacha, uzoq – 6 oydan bir yilgacha bo'lishi mumkin.

📃 Talabalarni o'zaro almashtirish dasturi – bu turli ta'lim muassalari o'rtasida talabalarni o'zaro ma'lum muddatga almashtirish bo'yicha tuziladigan kelishuvdur. Bu kabi dasturlar oliygoh talabalarini 1 yoki 2 o'quv semestri davomida xorijda o'qish imkonini beradi. Talabalar almashinuvi oliygohlar orasida tuzilgan hamkorlik shartnomalari asosida amalga oshiriladi.

Bu orqali talaba boshqa viloyat yoki xorijiy OTMda bilim almashish imkoniyatiga ega bo'ladi.

Obuna bo’ling👉 @OTM_Minbari

​​📌 Da'vogaring qozi bo'lsa, dardingni kimga aytasan?

Har doimgidek talabalardan ko'plab murojaatlar kelib tushmoqda. Ularning aksariyati NB mustaqil ta’lim va kurs ishi bilan bog'liq. Men o'zim bilgan hurmatga loyiq, odamgarchiligi bor, insofli o'qituvchilarni bilaman. Sizlar ham bunday professor-o'qituvchilarni ko'rgansiz, taniysiz, bilasiz. Lekin hozir ular haqida emas, ayrim noinsoflar haqida ikki og'iz gapirmoqchiman.

Shu kunlarda ayrim talabalarni qiynashga ruju qo'ygan, ularni yiqitib rohatlanadigan, qo'shtirnoq ichidagi pedagoglar talabalarni qayta topshirishga yeqitish uchun har narsa qilmoqda.

O'zi bunday muammolar bilan dekan yoki zam dekan shug'ullanishi, o'zining talabalarini himoya qilishi kerak. Talabalar ham qo'rqmay dekan va zam dekanlarga dalil isbot bilan shikoyat qilishi kerak. Endi hammaga o'z vazifalarini birma-bir tushuntirib chiqish shartmi? O'zini bilib, olayotgan oyliklarini oqlab vazifalarini bajarishsa hech qachon muammolar OTMning ichidan tashqariga chiqmaydi. Ayrim dekanat va o'qituvchilarning "sodiq" talabalari bor: skrinshot qilib blogerga yuborgan talabani orqasidan gapirib, o'zlarini rahbariyatga odobli trolldek ko'rsatishga harakat qiladi.

Keyin esa skrinshotni tarqatgan talabani qidirishga tushishadi. Xop sizningcha u talaba nima qilishi kerak? Siz o'z vazifangizga sovuqonlik bilan yondashayotganingizda o'zini haqqini kimdan talab qilishni bilmayotgan talabangiz kimga murojaat qilishi kerak? Albatta blogerga skrinshotlarni yuborib, muammoni ijobiy va g'alvalarsiz hal qilinishiga umid bog'laydida...

Hurmatli professor-o'qituvchilar, siz chinakam oliy ma'lumotli insonsiz, o'zingizni bunga munosib tuting, yiqitaman desangiz qo'lingizdan keladi, bunga ishonamiz . Lekin hozirgi vaziyatda rahbariyatga olayotgan oyligingizni oqlayotgandek qilib ko'rsatib, talabani bu darajada qiynamang.

Dekanlar va o'qituvchilaringizga ulashing

Murojaat uchun @murojaatuztvbot

Obuna bo’ling👉 @OTM_Minbari

📌 Talaba farzandli bo‘lsa, OTMdan suyunchi puli oladimi?

❌ Qisqa javob: yo‘q, bu noto‘g‘ri xabar. Suyunchi puli olish uchun hech qayerga murojaat qilish shartmas, avtomat ravishda ota-onadan biring plastik kartasiga tushadi.

❎ Batafsil javob: Telegramda shu xabar rosa aylandi. Bu noto‘g‘ri xabar bo‘lgani uchun, izoh berib o‘tmoqchiman.

Qonunchilikka ko‘ra, istalgan oilada farzand tug‘ilganda bir martalik nafaqa puli beriladi. Bu xalq tilida “suyunchi puli” deyiladi.

Ushbu “suyunchi puli” ota-ona nima ish qilishidan qatʼi nazar barcha fuqarolarga beriladi, xoh davlat ishida, xoh xususiy sektorda ishlasin, xoh ishsiz bo‘lsin, xoh talaba bo‘lsin, farqi yo‘q. Hamma oladi.

Maʼlumot uchun:

“suyunchi puli” summasi

—

mehnatga haq to‘lashning eng kam miqdorining 70,3 foizi deb belgilangan. Yaʼni hozirgi kunda 

738 ming 150 so‘mni

 tashkil etadi.

Bir necha yillar oldin ushbu “suyunchi puli”ni ishlayotganlar ish joyidan, o‘qiyotganlar o‘qish joyidan, ishsizlar esa Pensiya jamg‘armasidan olar edi.

Ammo bu tizim o‘zgarib ketganiga 4 yil bo‘ldi.

Bugungi kunda bola tug‘ilganda “suyunchi puli” olish uchun hech qayoqqa murojaat qilish shart emas. Kimgadir ariza berish ham, qayoqqadir borib uchrashish ham shart emas. Barchasi avtomatlashgan.

Bola tug‘ilganda avtomatlashgan tizimning o‘zi JShShIR raqam beradi, tug‘ilganlik guvohnomasini rasmiylashtirish uchun ariza yuboradi, bog‘chaga navbatga qo‘yadi, poliklinikaga ro‘yxatga kiritadi. Xuddi shunday “suyunchi puli” ham ota-onadan birining plastik kartasiga avtomat tushadi. Yana qaytaraman, buning uchun hech qayoqqa borish yoki ariza berish shart emas.

Shu tizimni yaratishda bosh-qosh bo‘lganlarga katta rahmat, baraka topishsin.

❗️Xulosa: bola tug‘ilganda rektor nomiga ariza bersak, pul olarkanmiz, degan xabarlar eski. Hozir bunaqa tizim yo‘q.

Obuna bo’ling👉 @OTM_Minbari

📌 Maktabgacha ta'lim psixologiyasi va pedagogikasi yo‘nalishi bitiruvchilari qanday kasblarni egallashlari mumkin?

✅ Faoliyat obyektlari:

➖ umumiy o‘rta, o‘rta maxsus, professional ta’lim muassasalarida;
➖ Maktabgacha va maktab ta’limi vazirligi tizimidagi idoralarda;
➖ O‘zbekiston Respublikasi Fanlar akademiyasi va tarmoq ilmiy-tadqiqot institutlarida;
➖ davlat boshqaruv organlari, maktabgacha ta’lim tashkilotlarida; o‘rta maxsus kasbiy ta’limning davlat va nodavlat muassasalarida.

✅ Bitiruvchilar quyidagi kasbiy faoliyat sohalari bo'yicha ishlashlari mumkin

➡️ maktabgacha ta’lim tashkilotlarida (davlat va nodavlat), “Mehribonlik uylarida psixolog” kasb standartiga muvofiq tarbiyachi maqomida pedagogik faoliyat olib borish;
👉 maktabgacha ta’lim tashkilotlarida (davlat va nodavlat), “Mehribonlik” uylarida tarbiyachi kasb standartiga muvofiq tarbiyachi maqomida pedagogik faoliyat olib borish;
👉 o‘rta maxsus va professional ta’limda o‘qituvchi kasb standartiga muvofiq o‘rta maxsus va professional ta’limda mutaxassislik fanlari o‘qituvchisi maqomida pedagogik faoliyat olib borish;
👉 O‘zbekiston Respublikasi Fanlar akademiyasi va tarmoq ilmiy- tadqiqot institutlarida hamda mustaqil tadqiqotchi sifatida ilmiy pedagogik tadqiqot ishlari bilan shug‘ullanish;
👉 maktabgacha ta’lim tashkilotlarida (davlat va nodavlat), “Mehribonlik” uylari direktori kasb standartiga muvofiq ta’lim muassasasini boshqarish;
👉 umumiy o‘rta ta’lim maktabi, professional ta’lim muassasalari, oliy ta’lim muassasalarida laborant, kabinet mudiri, ommaviy axborot vositalari, avlat boshqaruv organlari, boshqa davlat va nodavlat muassasalarida kasbiy faoliyat yuritish kabi kompleks masalalarni majmuasini qamrab oladi.

Obuna bo’ling👉 @OTM_Minbari