Ortiqali To'lanboyev | Shaxsiy

​O'zini aldayotgan va farzandini yaxshi kelajaksiz qoldirayotgan Ota-Ona...

O'qituvchi sifatida ishlay boshlaganimdan beri men juda ko'p ota-ona bilan yaqindan muloqot qildim.  Farzandini o'qitish, uni oliy ma'lumotli qilish qanchalik kerak ekanligini tushuntirishga urindim, ammo ular buni tushunishni ham istashmadi va ularning ko'plari deyarli bir xil jumla ishlatishdi:

- Universitetlarni holi shu-ku;

- O'qituvchi qancha oylik olardi;

- Oliy bo'lganni bittasi "anavimi"? Ana yuribdi ketmoq ko'tarib.

Shu va shunga o'xshash jumlalarni juda ko'p keltirishmoqda. Lekin ular bu gaplarining o'zi bilan xato qilishyapti. Avvalo, bir narsani Ota va Ona yaxshi tushunishi lozimki, bolasini oliy bo'lishini faqat moddiy jihatga taqamasligi lozim. ( Men moddiylik muhim emas- demoqchi emasman)
Bizga ma'lumki, Oliylikka intilgan bola albatta istaydimi-yo'qmi oliylikka ega insonlar davrasida ozgina bo'lsa ham bo'ladi va bu unga boshqacha dunyoqarashni, ya'ni dunyoga boshqacha nazar bilan ham qarab bo'lishi mumkinligini o'rgatadi. ( Muhit ko'p narsani hal qilishini hammamiz yaxshi bilamiz, albatta.)

Undan tashqari, men bugungi o'zbek oliy ta'limlarini oqlamayman, (oqlay olmayman ham). Lekin bilasizmi aziz Ota-Ona, "Oliy qiling bolangizni, Ziyoli qiling" - deyilganda siz faqat o'zbek universitetlarini tushunishga harakat qilasiz, ammo bu juda kungili va sayoz fikr ekanini qalban his qilmaysiz.

Nima uchun bolangizga bir o'zga tilni o'rgatib, unga *grandlar yutishiga yordam bermaysiz? Aslida, sizning qalbingizda yo'q holos bolangizni Ziyoli qilish. Bor aybni Oliy ta'limga to'nkaysiz, xolos.

Endi ketmon ko'targan "Anavi"larga kelsak, bu narsani aslida sizga o'rgatishga xojat yo'q ammo majburman: "O'z sohasining ustasi hech qachon o'z kasbini qo'yib, ketmon chopmaydi. Uni bu yerda qadrlashmasa, boshqa yerda qadrlashadi va uni o'zlariga jalb qilib oladilar." Siz bolangizni o'z kasbining ustasi qilib tarbiyalab qo'ying. Keyin ko'rasiz kim ketmon chopadi-yu, kim o't o'radi. Birgina "Anavi"ni topib olib butun bir tizimga qarshi chiqa olmaysiz, shuni ham yaxshi tushunib oling.

Xullas aziz Ota-Ona, bolangizni ziyoli qiling, uning dunyoqarashini butkul o'zgartishiga, "birgina ko'lni shu butun dunyo" deyishiga yo'l qo'ymang. Zero, yaxshi farzand yaxshi kelajak deganidir...

Bolangiz tarbiyasi va ta'limiga hushyor bo'ling! Qariganda boshingizga tayoq bo'lmasin.

Farzandni qaysi sohaga qanday yo'llash kerakligi haqida esa bitta alohida post tayyorlayman, In sha Alloh.

Davomi bor...

@ortiqali_tolanboyev