Havasim kelayapti
O'qishga kirish tashvishida yurgan 20 yashar yigit, tinmay yig'layotgan 4 yashar bolaga dedi:
-Buncha yig'laysan, mazza qilib ovqatlanib, multfilm ko'rib yotmaysanmi ? Biror o'yloving bo'lmasa. Senga havasim kelayapti...
Uylanish tashvishida yurgan 25 yashar yigit, 20 yashar abituriyentga dedi:
-Buncha o'qishga kirishni o'ylayverasan ? Hali o'qishga kirasan, keyin esa go'yo maqsading yo'qolib qolgandek bo'ladi. Hozir esa maqsad bilan harakat qilayapsan. Senga havasim keladi...
Maoshini u oydan bu oyga yetkazayotgan 35 yashar erkak, uylanish tashvishida yurgan 25 yashar bo'ydoqqa dedi:
-Buncha siqilasan ? Uylanarsanam, joninga ham tegar. Mana, qaragin, ahvolimni. Senga juda havasim kelayapti...
Biznesi o'xshamagan va bankrot bo'lib, boshi tashvishdan chiqmayotgan 55 yashar kishi, 35 yasharga dedi:
-Boriga shukur qil. Kam maosh olsang ham, qulog'ing tinch. Mana umrim bo'yi borimni bergan biznesim kasodga uchrab, qulog'imgacha qarzga botib ketdim. Senga qanchalar havas qilayotganimni tasavvur ham qila olmaysan...
Uning gapini eshitib turgan 70 yashar chol dedi:
-Buncha siqilasan ? Menga o'xshab, beling qaqshab, oyog'ing qaltiramayapti-ku. O'rningda bo'lganimda tog'ni urib talqon qilardim. Havasimni keltirma...
Qabrda yotgan marhum ularga qarab nido qildi:
-Barchangizga havasim kelayapti, chunki sizda tavba qilishga imkoniyat bor. Qani endi menda shunday imkoniyat bo'lganda edi, butun hayotimni unga fido qilardim.
@mano_Qidirmang🔐
