МЕН КЕЛДИМ ОНА!
Бахорни дейдилар уйғониш фасли,
Қабрингиз бошида турибман мана.
Сиз қайтмас бахорсиз, йўқотдим асли,
Мен келдим, мен келдим, мен келдим она!
Дардларим айтсам гар дил чоким сўкиб,
Хасратдан қабрингиз қолгандек чўкиб,
Кўзимдан надомат ёшларин тўкиб,
Мен келдим, мен келдим, мен келдим Она!
Бодомни гуллари тўкилган оппоқ,
Сиз эмас, қаршимда бир уюм тупроқ,
Ичимга ёқса ҳам, ёришмай чироқ,
Мен келдим, мен келдим, мен келдим Она!
Шунча дардларингиз айтмадингиз деб,
Ўзимни тугатдим, ич этимни еб,
Қалдирғоч қайтдию, қайтмадингиз деб,
Мен келдим, мен келдим, мен келдим Она!
Соғинган пайтларим шу жойга келиш,
Она деб ҳайқириб кўксимни тилиш,
Қўлимдан келгани дуолар қилиш,
Мен келдим, мен келдим, мен келдим Она!
Бахор келганидан дараклар бериб,
Сиз учун бир қучоқ бойчечак териб,
Нотовон фарзандман, кўксимни кериб,
Мен келдим, мен келдим, мен келдим Она!
Юрагим куйдирар армоннинг доғи,
Айтинг бу кунларнинг, борми адоғи,
Тушимга кирибсиз, соғиндим чоғи,
Мен келдим, мен келдим, мен келдим Она!
Бахорни дейдилар уйғониш фасли,
Қабрингиз бошида турибман яна.
Сиз қайтмас бахорсиз, йўқотдим асли,
Мен келдим, мен келдим, мен келдим Она!
-Камронбек Исмоилов.
Pedagogika fakulteti Boshlang'ich ta'lim yo'nalishi 2-kurs talabasi To'xtamurodova Nafisa.
https://t.me/kiuyoshlarihttps://t.me/QarDU_yi.