Олтинкўлда аҳоли даромадини ошириш бўйича ҳаракатлар давом этмоқда
••••••••••••
Андижонда аҳоли турмуш фаровонлигини янада яхшилаш, камбағалликни қисқартириш, фуқаролар бандлигини таъминлаш, хонадон имкониятларидан тўлақонли фойдаланиш орқали оилалар даромадини ошириш бўйича ҳаракатлар, ўрганишлар ва амалий ишлар давом этмоқда.
Хусусан, Андижон вилояти ҳокими кўрсатмаларига асосан ўрганишлар бугун Олтинкўл туманида бўлиб ўтди. Вилоят ҳокими ўринбосари Ботир Ҳамраев туман сектор раҳбарлари иштирокида "Чўнтак" маҳалласидаги Озодбек Сулаймонов хонадонида бўлди.
Сулаймоновлар оиласи узоқ йиллардан буён ўз хонадонида гулчилик билан шуғулланиб келади. Ушбу хонадондаги 2 та иссиқхоналар 200 минг туп гул кўчати парваришлаш қувватига эга.
Мутасаддилар хонадон тажрибасидан фойдаланган ҳолда бутун маҳаллани ушбу йўналишга ихтисослаштириш режасини илгари сурмоқда.
Шунингдек, маҳалла еттилиги томонидан аҳоли даромадини ошириш бўйича амалга оширилаётган ишлар, мавжуд камчиликлар ва уларни бартараф этиш ҳаракатлари муҳокама этилди.Қўшимча топшириқлар ҳамда умумий вазифалар белгилаб борилди.
Саҳифа:
@andpress