⚡️⚡️⚡️
Истеъмол маданияти деганда нимани тушунамиз? Бунда имконият қадар кам миқдордаги газни сарфлаб керакли, талаб этиладиган етарли иссиқликни олиниши тушунилади. Бу даражага қуйидаги йўналишлар билан эришамиз:
1) Сув иситиш қозонида ҳосил қилинган иссиқликни беҳудага йўқотмаслигимиз, яъни иситиш қозонининг ўзини ва иситиладиган хонага киргунигача ташқаридан (ертўла, чердак) ўтган иссиқ сув қувурларини (подача-обратка) қисмини теплоизоляция қилишимиз (ўрашимиз) керак. Ушбу каби талаблар бажарилмаган хонадонда ўрта ҳисобда 10 фоиздан 30 фоизгача табиий газ исроф бўлади;
2) Фойдаланадиган яшаш хоналаримизда иссиқликни сақлашни таъминлашимиз (акфа ром-эшик ёки ойналарга плёнка қоплаш ва ертўла тешикларини беркитиш ва ҳоказо) керак.
Ушбу талаблар бажарилмаган хонадонларда 15 фоиздан 30 фоизгача табиий газ ортиқча сарфланади;
3) Эски русумдаги (АГВ, КЧМ, АКГВ ва бошқа) фойдали иш коэффициенти 70-75 фоизни ташкил этадиган сув иситиш қозонларини замонавий фойдали иш коэффициенти 97-98 фоизни ташкил этадиган сув иситиш қозонларига алмаштиришимиз керак. Алмаштирилмаса, сув иситиш қозони эскилиги ва ушбу қозонларнинг ҳарорат автоматикаси (термодатчик) ишламаслиги ҳисобига 50-60 фоиз табиий газ ортиқ сарфланади.
4) Маблағ имконияти етарли бўлмаган ҳолатларда фақат ёндиргичларини (горелкаларини) энергияни автоматик тарзда тежайдиган ёндиргичларга алмаштиришимиз керак.
Алмаштирилмаса, эски ёндиргичларда 25-30 фоиз ортиқча табиий газ сарфланади;
5) Ҳар куни эрталаб иситиш қозонидаги ҳарорат созловчи бурамасини бураб, сув ҳароратини 5-10 С даражагача пасайтириб, кечқурун яна кўтариб қўйилса кунига 4-5 куб метр табиий газ иқтисод қилинади.
Бу рақам ойига 120-150 кубни, беш ойда 600-750 куб метр газ иқтисод қилинади.
Жами юқоридаги ишлар амалга оширилган тақдирда қиш ойларида бир ўртача оила хонадони 500 метр куб дан камроқ табиий газ сарфлайди, яъни 650 сўмдан тўлайди.
Акс ҳолда эса 1500 сўмдан тўлашга тўғри келади...
Газ таъминоти Олмалиқ шаҳар бўлими.@Olmaliqnews