Sponsored by Uzbek people
O’zbek xalqi moliyalashtirgan, Prezident tashabbusi bilan ochilgan Fond bor: “El-yurt umidi”.
Jamg’arma dunyoning top-300 da turadigan xorij universitetlaridan taklif xati olgan o’zbek yoshlariga kontrakt, stipendiya, yashash xarajatlarini to’liq qoplab beradi. Chunki, sifatli kadrlar bizga suv va havodek zarur.
Bu hafta Fonddan stipendiya yutib olgan, hozir chet elda o’qiyotgan bolalar; xorijda grantga o’qib, Vatanga qaytib ishlayotgan ba’zi yoshlar bilan gaplashib, lavha qildim.
Ko’pchilik ularga skeptik qaraydi: “Borgandan keyin qaytgisi kelmaydi, kelib nima qilib beradi, tizim ularni “yeb yuboradi”, ana “Umid” chilarning yarmi qaytmagan,” deb.
Bu savolni men ham berdim. Hozircha unday keys bo’lmagan, ya’ni Vatanga qaytmagan stipendiat yo’qligini aytishdi. O’qish tugagach, bakalavrni bitirganlar 5 yil, magistrlar 3 yil ishlab berish majburiyatini olgan. Davlat shartnomasidagi muddat tugagach, kadrlar fikri o’zgarishi, yana o’qishni davom ettirish uchun qaytishi, yoki xorij kompaniyalariga ishga kirishi mumkin. Ular - erkin fuqaro. Qayerda bo’lsa ham ular o’zbek bo’lib qoladi va Vatanga ko’prik/imidj bo’lib xizmat qiladi. Bu mening fikrim.
Qolgan gaplarni “Menimcha” da berilgan lavhamdan eshitasiz.