#Туғилган_кун
Содиқов Абид Содиқович - органик кимёгар, олим ва давлат арбоби, кимё фанлари доктори, профессор, академик, фан ва техника арбоби.У 1913 йилда 15 ноябрда Тошкент шаҳрида туғилган. Академик мамлакатимизда кимё фанининг ташкилотчиларидан бири бўлган. Содиқовнинг алкалоидлар, органик кислоталар, полифеноллар, гормонлар, ўсмага қарши дорилар ва бошқа физиологик фаол моддалар кимёси соҳасидаги фаолияти бутун дунёга маълум. У биомолекулаларнинг тузилиши, функцияси ва атроф-муҳитдаги ўзига хос кимёвий таъсирлар ўртасидаги боғлиқликка катта эътибор берди.
Олимнинг раҳбарлигида табиий бирикмалар ва биоорганик кимёни ўрганиш амалиётида спектроскопия ва радиоспектроскопия, квант кимёси, конформацион анализ, кимёвий тузилмалар ва хоссаларни математик моделлаштириш кенг қўлланилди.
А.Содиқов физик-кимёвий тадқиқот усуллари, спектрал анализ, ядро магнит-резонанси ва ЭПРга катта эътибор берган. У ўз даврининг нуфузли мукофотлар, орден ва медаллари билан тақдирланган.
Абид Содиқов 1987 йилда вафот этган.
@olimlar_minbari