13/03/2025 #ТАФСИЛОТ: БАҒДОД ТУМАНИДА 2025 ЙИЛ ПАХТА ҲОСИЛИ УЧУН ЧИГИТ ЭКИШ БЎЙИЧА СЕМИНАР ЎТКАЗИЛДИ.“Самарқанд” ММТП ҳудудидаги "FERGHANA-SPINNING" MChJ пахта-тўқимачилик кластери далаларида бўлиб ўтган тадбирда туман ҳокими Ғанижон Солиев, вилоят ҳокими ўринбосари Алибек Турсунов ҳамда вилоятдан вакил Равшанбек Қурбоновлар иштирокчиларга айни кунларда амалга оширилиши керак бўлган долзарб ишлар юзасидан тавсияларини бердилар.Жорий йилда туманда 160 та фермер хўжалигида 4 200 гектар майдонга чигит экиш режалаштирилган. Чигитнинг “Наманган-77”, “С-8290”, Чет эл нави (Хин лузао 78 Хитой), янги ва истиқболли навлари экилди. Мавсум учун 10 та отряд шакллантирилди.
Семинарда масъуллар томонидан чигитни 76х10 схемада экиш, бунда ер ҳамда кўчат сони ортиши ҳисобига қўшимча самарадорликка эришиш мумкинлиги таъкидлаб ўтилди. Дала четларига мевали кўчатлар ўтқазиш, ғалла парвариши билан боғлиқ масалалар, экиш ишларига техникалар тайёргарлиги ҳам кун тартибида бўлди.Белгиланган муддатда чигит экиш ишларини отряд усулида сифатли ва самарали йўлга қўйиш, ишларни аниқ ҳисоб-китоб билан амалга ошириш кераклиги, ерни тайёрлашга алоҳида эътибор қаратиш, механизаторларга шарт-шароитлар яратиш юзасидан зарур кўрсатма ва топшириқлар берилди.
Қишлоқ хўжалиги масалалари (ғалла агротехникаси, чигит экиш, тут кўчатларини экиш, янги техникалар хариди, бетонлаштириш, дала четларига экинлар экиш) масалалари кўрилиб, улар юзасидан Қишлоқ хўжалиги масъуллари, пахта етиштириладиган фермерларга вазифалар белгилаб берилди. Жараёнда фермерларнинг ҳам турли йўналишдаги муаммо ва таклифлари тингланиб, масъулларга уларни ҳал этиш бўйича топшириқлар берилди.
Бағдод тумани ҳокимлиги Ахборот хизмати