OILAVIY VA BOLALAR PSIXOLOGI

БАХТСИЗ ИНСОНЛАР

Ҳеч ўйлаб кўрганмисиз, атрофингизда ҳаётидан, турмушидан нолиган, доим муаммолар билан ўралашиб, ҳеч бир рўшнолик кўрмай яшаётган, доимо кимлар биландир уришиб, талашиб юрган бир қарашда бахтсиз бўлиб кўринган инсонларни "Нега бундай экан-а ? - деб?
Негаки, бу катталар қачондир бола бўлишган.
Аслида, бугунги муаммоларингизнинг негизи айнан шу болаликка бориб тақалади. Ота- оналарнинг фарзандига нисбатан нотўғри муносабатлари, камситишлари, солиштиришлари, етарлича меҳр олмаганлик натижаси.
Баъзи бир психологик муаммолар сабаби боланинг бир ёшигача даврига тўғри келади. Ота-оналар бола тушунмайди, эсидан чиқиб кетади деб ўйлашади. Бола эсидан чиқариши мумкин, унинг психикаси, унинг танаси буни эсида сақлайди. То умрининг охиригача ўзини тушунмайди. Нега айнан мен билан бундай бўляпти, нима айбим бор, нега мени ҳеч ким яхши кўрмайди, нега ҳеч кимга керак эмасман деган саволларга жавоб излайди.

Боланинг ҳаётидаги унга бўлган муносабат изсиз йўқолиб кетмайди. 3 ойлик бола сизнинг юзингизга қараб туради. Сизнинг унга қандай кайфият билан боқишингиз, уни кўзларига қандай қарашингиз, унга ҳар бир кўзингиз тушганида қандай эътибор бериш ёки эътиборсиз бўлишингиз ҳаммаси рол ўйнайди.
Бола бу инсон, у худди сиз каби хафа бўлади, йиғлайди, хурсанд бўлади, жаҳл қилади. У ҳар бир ҳиссиётга ҳақли. Унинг ҳар бир ҳиссиётининг тагида маъно бор. Агар сиз ана шу маънони ўқий олсангиз демак, бу сизнинг энг катта ютуғингиз!
Бунинг учун кузатувчан бўлишингиз керак!
Бунинг учун меҳрли бўлишингиз керак!
Бунинг учун ўзингиз нимани ҳоҳлайсиз, нима учун бундай муомала қиляпсиз, нима учун хафа бўляпсиз, нима учун жаҳл қиляпсиз ва бу билан нимага эришаман деган саволларни ўзингизга бериб кўринг.
Сиз бахтсизман десангиз, бахтсиз фарзандни катта қиласиз.
Аслида, сиз бахтлисиз!
Жуда бахтлисиз!
Мана шу бахтингиз сабабчилари атрофингизда, бир боқинг, кузатинг! Ўзингизни солиштирманг ҳеч кимга, сиз ягонасиз, сиз бошқачасиз ва буни қабул қилинг.
Фарзандингизни борлигича қабул қилинг!
Қандай бўлмасин у сизники, у сизнинг зурриётингиз, у сизнинг маҳсулингиз.

©Болалар психологи Гульнара Атажанова

Мурожаат учун ⤵️

@medpsixologGulnara

https://t.me/bolalarpsixologiuz

Қабулимга келган аёл ҳикоясидан:
"Болалигимда жудаям шўх, йиғлоқи, хархаша қилиб айтганини қилдирадиган, эркатой, чаққонгина қизча бўлган эканман. Онамлар бобомларникига олиб борган эканлар. Шунда хархаша қилганимда бобом жим бўлишимни айтиб бир бақириб берган эканлар. Ана шу дақиқадан бошлаб йиғламайдиган, ювошгина, одобли, мулойимгина қизчага айланиб қолибман.Ҳозир ҳам шундай йиғлай олмайман. Ким нима деса хўп дейман, йўқ дея олмайман. Ҳатто ўз ҳоҳишимга қарши бўлса ҳам. Натижада фикримни айта олмайман. Ҳаммаси ичимда қолиб кетади. Гўёки сен яхши бўлишинг керак, сен бировни кўнглини оғрита олмайсан дегандай ҳар доим бировларни хафа қилиб қўйишдан, кўнглини оғритиб қўйишдан қўрқаман. Мана бир неча йилдирки, тушунарсиз ҳолатдаман. Қўлим ишга бормайди. Оилам бузилиб кетган, ҳаттоки жуда мулойим, қулай турмуш ўртоқ , яхши келин бўлишга уринсам ҳам. Менда бир неча йилдан бери депрессия борлиги аниқланди. Ҳозир даволаняпман. Анча ўзгаришлар бор. Уйқуларим яхши, кайфиятим яхши."

Нега бундай бўлди?
2 - 3 ёшлардаги қизалоқ бирданига ўзгариб мулойим , одобли қизалоққа айланиб қолди? Бақириш натижаси қандай асоратларга олиб келди?
Катталар хурсанд бўладиган, боланинг жуда одобли , ювошгина бўлиши, аслида бу травма натижаси бўлиши мумкин.

Демак, кейинги мавзу:

"Боланинг ёпилиб қолиши ва унинг асоратлари"

Мурожаат учун ⤵️

@medpsixologGulnara

https://t.me/bolalarpsixologiuz

1. Ота меҳри

2. Ўсмирлар ёлғон гапирса нима қилиш керак?

3. Оналик меҳрига тўймаган ўғил болалар

4. Қизалоқларимиз бахтли бўлишсинми ёки бизга қулайми?

4. Отадан меҳр кўрган қизлар бахтли бўлишади.

5. Фарзанд тарбиясида асосий 7 та сир.

6. Фарзандингиз нега қулоқ солмайди?

7. Болаларга ҳаддан ортиқ меҳр бериш ёмонми?

8. Болаларда агрессия.

9. Болаларнинг қўрқувлари

10. Болаларнинг рашки.

11. Иқтидорли боланинг 9 белгиси.

12. Бола ҳаётида отанинг роли.

13. Болани эркалатиш керакми?

14. Ўзи нима учун болалар ёлғон гапирадилар?

15. Болаларнинг асаб тизими ривожланишига ота-оналарнинг таъсири.

16. Боларнинг мактабга боришни истамаслик сабаблари.

17. Болалар боғчага мослашмаган бўлса нима бўлади?

18. Фарзандингиз мактаб ўқувчиси бўлса, нималарга эътибор бериш керак?

20. Болаларни кўпроқ нималар хавотирга солади?

21. Болалар гаджетдан қандай фойдаланишлари учун ота-оналарга маслаҳатлар.

22. Нега болалар ҳеч нимага қизиқмай қўйишади?

23. Фарзандингизни нима учун яхши кўрасиз?

24. Болаларда кўз учиши, елка, мушакларини, лаб, бурун атрофи мушаклари ихтиёрсиз ҳаракатлари, сабабсиз йўталиб қўйиш нимадан далолат?

25. Оилавий муносабатлар боланинг тақдирини белгилайдими?

26. Оилада жанжалларнинг бола миясига таъсири.

27. Биргина ўпич фарзандимни ўзгартирди.

28. Оналар учун психологдан маслаҳатлар.

29. Фарзандингизга меҳр берсангиз эркаланиб кетишидан қўрқасизми?

30. Компьютер ўйинларининг бола психикасига салбий таъсири.

Юқоридаги истаган мавзу устига босиб, шу тўғрисида мақолани ўқишингиз мумкин!
Ва албатта яқинларингизга улашиб қўйишни унутманг!!!

https://t.me/bolalarpsixologiuz