* * *

Бир маромда ташланар қадам,
Бир маромда ғичирлайди қор.
Фақат мени юрагим нотинч,
Фақат исминг пичирлайди қор.

Кипригимга қўнади бир-бир,
Бир-биридан совуқ парчалар.
Юзларимни аёз чимчилаб,
Парча дилни яна парчалар.

Ишқдай азиз оғриқдан титраб,
Қор кетидан югурар хаёл.
Сени эслаш, эслаб ўртаниш,
Юрагимга келмайди малол.

'https://t.me/dilgamaktublar/4564?comment=11673' rel='nofollow'>Audio