Одамлар Орасида

Бир куни шоҳ вазири билан қишлоқни айланиб қолибди. Сайрда икковлон бир кекса чолга рўбарў келдилар. Подшоҳ қария билан салом-аликдан кейин суҳбат бошлади:
— Иккитанинг аҳволи қандай?
— Учта бўлишди.
— Кучлининг аҳволи қандай?
— Заифлашиб қолди.
— Узоқнинг аҳволи қандай?
— Яқин бўлиб қолди.
— Арзонга сотманг.
— Айтиб қўйманг.

Подшоҳ билан қария ўртасида гап шу алфозда давом этар экан, вазир бу гапларнинг бирортасига ҳам тушунмай хайрон бўлиб турарди. Подшоҳ шу ерда суҳбатни тугатиб йўлда давом этди. Подшоҳ шаҳарни айланиб бўлиб қайсрга кириб кетгач, вазир шоша пиша чолни олдига югурди. Подшоҳ билан бўлган гапнинг маъносини билиш учун чолдан бирма бир сўради.
Лекин чол вазирнинг саволига жавоб бериш эвазига пул талаб қилди. Шунда вазир унга минг дирҳам берди. Чол жавоб берди:
— Подшоҳ айтган иккита бу, икки оёғим. Учта бўлди деганим, ёнига асо ҳам қўшилди, деганим.

Иккинчи саволга жавоб бериш эвазига чол яна икки баробар ҳақ тўлашини талаб қилди. Вазир чолга икки минг дирҳам берди.
— Кучли дегани, қулоқ эди. Эшитиш заифлашиб қолди, дедим.

Учинчи саволга жавоб бериш учун чол яна икки баравар пул талаб қилди. Ноилож вазир тўрт минг дирҳам берди.
— Узоқ дегани, икки кўзим, ҳозир яқинни зўрға кўряпти, дедим.

Вазир тўртинчи саволга жавоб сўраганда чол жавоб беришдан бош тортти ва агар бор пулининг ҳаммасини берса, шундагина айтиши мумкинлигини айтди. Вазир ноилож, бор маблағини ҳаммасини чолга берди. Чол:
— Арзон сотмагин дегани, подшоҳ сени мендан ушбу маълумотларни сўраб келишингни билар эди. Шунда бу маълумотларни арзонга сотмагин, деган эди. Мана қимматга сотдим, — деб жавоб берди.

Каналга уланиш учун линк👇
👉Телеграм http://t.me/odamlar_orasida_dastur

instagram👉 instagram.com/odamlar.orasida

ҲАЁТИМИЗНИ БОШҚАРАДИГАН ЕТТИ ҚОИДА

1. Ҳар ишда Аллоҳ розилигига эришишни ният қилиш. Мусулмоннинг ҳаётида ҳамма нарсадан аввал Аллоҳ розилигига эришиш асосий мақсад бўлиши керак.

2. Инсонларни мазах қилмаслик ва ёмон гумонлардан чекиниш:
Инсон атроф-жамият билан боғлиқ бўлгани учун ҳар доим бир-бири билан чиройли муомала қилиши керак. Афсуски, бугунимизда ғийбат, бошқаларнинг нуқсонини мазах қилиш, лақаб қўйиш, гуноҳларни очиш каби хунук ишлар кўпайганидан жамиятнинг иймон-эътиқоди кай даражада эканини кўриш қийин эмас.

3. Яхшилик ва тақвода мусобақалашиш:
Жамиятда ўзаро ишонч ва ҳамжиҳатликни қарор топтириш учун яхшилик ва тақвода ўзаро мусобақалашиш керак.

4. Қавм-қариндош ва йўқсилларни ҳимоя қилиш:
Аллоҳ розилигига эришишнинг йўллари кўп. Улар атрофимиздаги йўқсил-муҳтожлар ва қавм-қариндошларнинг ҳол-аҳволидан хабардор бўлиш, Аллоҳ берган ризқ-насибадан уларга ошкора ёки махфий сарфлаш ва ёмонликка яхшилик билан жавоб қилиш, ўртадан адоват ва кинни ўчириш каби фазилатли амаллар.

5. Савдода ҳийла ишлатмаслик:
Ислом таълимотида ўзаро муносабатларда таъкидланган тамойиллардан бири – савдо-сотиқда одамларнинг хақига риоя қилиш. Айни пайтда ер юзида коррупция, порахўрлик кучайиб, инсонларнинг ҳақ-ҳуқуқи топталаётгани, бузғунчиликлар авж олаётгани, йўқсиллар, қашшоқ-фақирлар кўпаяётгани бизни жиддий мулоҳаза қилишга ундаши керак эмасми? Бугун молиявий инқироз жаҳон миқиёсида кўп бехаловатликларга сабабчи бўлаётган экан, инсоният бу муаммога тўғри йўл орқали ечим топиши лозим.

6. Адолат:
Адолатли бўлиш, яхшилик қилиш яқинларга ёрдамлашишнинг биргаликда келиши буларнинг ҳаммаси бир-бири билан боғлиқ эканига ишора, адолатсизлик ва
ёмонлик қилиш эса беҳаёлик деганидир.

7. Ҳаётнинг ҳақиқий мазмунини билиш:
Яшашдан мақсад нималигини билиш ва шу ниятда иймоний умрда яшамоқ керак.

«Иймон ва ҳузун» китобидан.

Каналга уланиш учун линк👇
👉Телеграм http://t.me/odamlar_orasida_dastur

instagram👉 instagram.com/odamlar.orasida

Мен Афғон урушида қатнашганман. Лекин бу урушда ким ютган, ким ютқазганлигини муҳокама қилиш нари турсин, уни хатто эслашни ҳам ҳоҳламайман. Урушни ва ғалабани байрам қилишни эса инсонийликка зид деб биламан. Чунки тасаввур қилинг, икки оила бири бири билан жанжаллашди, бири ютди, бири ютқазди, ютган оила ҳар йили ўз ғалабасини байрам қилиб бошлади. Орадан ун йиллар, юз йиллар ўтди. Лекин бу оила ғалабасини байрам қилишни тўхтатмади. Буларнинг ҳар байрамида иккинчи оиланинг ҳолатини тасаввур қилинг.. Агар ютган оила буни байрам қилишни тўхтатмас экан, бу ҳали ўша урушнинг онгда ва каллаларда тугамаганлигини билдиради. Шунинг учун ҳам хар кандай урушдан, ғалабадан қадрият ясашни, уни байрам килишни қаттиқ қоралайман..

Совет даврида мактабда ўқиб юрган вактимда ҳар йили 9 майда уруш катнашчиларидан кимнидир учрашувга таклиф килишарди. Лекин шу отахонларнинг ҳеч бири уруш ҳақида гапиришниям,  эслашниям ҳоҳлашмасди. Эсимда қолгани, битта отахонга "уруш ҳақида болаларга гапириб беринг" дейишганда, "бу кунларни биз кўрдик, сизлар кўрманглар" деб хар сафар гапни қисқа киларди. Уруш қатнашчиси бўлган шу одамлар эслашни, мақташни ва мақтанишни ҳоҳламаган уруш билан уларнинг авлодлари бунчалик фахр килишларига одам ҳайрон коласан..

Ҳикмат Матниёзов

Каналга уланиш учун линк👇
👉Телеграм http://t.me/odamlar_orasida_dastur

instagram👉 instagram.com/odamlar.orasida

Ким ортиқча сўзларни тарк этса, унга ҳикмат берилади.
• Ким ортиқча қарашни тарк этса, унга қалб хушуъи берилади.
• Ким ортиқча таомни тарк этса, унга ибодат лаззати берилади.
• Ким ортиқча кулишни тарк этса, унга ҳайбат берилади,
• Ким мазахни тарк этса, унга баҳо берилади.
• Ким дунё муҳаббатини тарк этса, унга охират муҳаббати берилади.
• Ким бошқалар айби билан машғул бўлишни тарк этса, унга ўз айбини ислоҳ қилиш берилади.
• Кимнинг кулгуси кўпайса, ҳайбати озаяди.
• Кимнинг сўзи кўпайса, унинг хатоси кўпаяди.
• Ким инсонларни камситса, ўзи хам камситилади.
• Ким бирор нарсага кўп машғул бўлса, шу касби билан танилади.
• Кимнинг кибру-ҳавоси кўпайса, ҳаёси камаяди.
• Кимнинг ҳаёси камайса, тақвоси камаяди.
• Кимнинг тақвоси камайса, қалби ўлади.

_Ҳазрати Умар_

Каналга уланиш учун линк👇
👉Телеграм http://t.me/odamlar_orasida_dastur

instagram👉 instagram.com/odamlar.orasida

Муваффақиятли инсонларнинг ўзига хос 20 та хислати.

1. Бошқалар қила олмаган ишни, улар йўлини қидиришади шунчаки қўл силтаб кетишмайди.

2. Бошқалар омадсизлик деб билган нарсаларни, улар ҳаёт сабоқлари деб ҳисоблашади.

3. Улар аниқ ўйланган режаларни қабул қилишади.

4. Бошқалар омадни кутиб ўтирса, улар омадни ўзлари қидиришади.

5. Бошқалар каби уларда ҳам қўрқув бор. Лекин қўрқув уларни бошқаришига йўл қўйишмайди. Улар қўрқувни шунчаки ҳавотирланиш деб ҳисоблашади.

6. Улар шундай саволлар берадики, жавоби инсонни чуқур ўйлашга мажбур қилади.

7. Улар арз қилмайди - арз қилиш ортиқча куч сарфлаш деб ҳисоблашади.

8. Улар бошқаларга айб юклашмайди. Аксинча барча қилган ҳаракатлари ва уларнинг натижалари учун тўлиқ маъсулиятни ўз бўйнига олишади.

9. Уларда ғайритабий талант бўлмаслиги мумкин, лекин улар ҳар доим муоммони ҳал этиш учун максимал ечим топа оладилар. Улар ўзларидан кўпроқ нарсани талаб этишади.

10. Улар жуда банд, самарали ва пунктуал инсонлардир. Қаерда бўлмасин улар атрофдагиларнинг ўзларини ҳудди ишлаётгандек тутиб вақт ўказишаётганини муҳокама қилмасдан, чин дилдан берилиб ишлашади.

11. Улар ўз  мақсадларига етишишда атрофига энг самарали таъсир кўрсатадиган бир фикрли инсонларни йиғишади.

12. Улар ўзларига "нега энди мен эмас" деган саволни беришади. Бу эса оқим бўйича сузмасликга ёрдам беради.

13. Бошқалар ўз ҳаётини четдан кузатаётган бир пайтда, улар ҳаётларини қандай бўлишини аниқ тасаввур қила оладилар ва шундай бўлишига ҳаракат қиладилар

14. Улар тақлид қилмайдилар, балки ўз йўлларини кашф қиладилар.

15. Улар ўз ишларини ортга сурмайдилар, бундан кўринадики улар ҳаётда бирор нарсани кутиб яшашмайди.

16. Улар бутун умр ўрганишда чарчамайдилар. Ҳар қандай ҳаётий тажриба улар учун дарсдир.

17. Улар оптимист одамлар, шу сабабли ҳар нарсани фойдали томонини кўра олишади.

18. Улар ўзларини қандай ҳис қилишларидан қаттий назар, қилишлари керак бўлган ишни қиладилар.

19. Улар молиявий, ҳиссий, касбий ва руҳий томонлардан таваккал қилишдан қўрқишмайди.

20. Улар муаммолардан қочишмайди, аксинча уларга тик қарашади.

Каналга уланиш учун линк👇
👉Телеграм http://t.me/odamlar_orasida_dastur

instagram👉 instagram.com/odamlar.orasida