Ҳар замоннинг ўз қаҳрамонлари бор. Тамаддунга таъсир ўтказган шахслар бисёр. Тарих уларни ўз қаърига жо қилган.
Хўш, бугунимизда қаҳрамонлар борми? Дунё минбарларидаги олчоқ сиёсатдонларми? Туман бойликлари бирла турфа рўйхатлардаги пулдорларми? Ҳали уни, ҳали буни топиб бераётган кашшофларми? Одамларни ўзига севдираётган машшоқу тўптепарларми?
Ҳар кимнинг ўзи учун қаҳрамонлари бордир. Мен эса замоним қаҳрамонлари деб шу йигитларни таништираман:
Абдувоҳид Атаметов
Темур Аъзам
Маъруфжон Холдаров
Қахрамонжон Оқилов
Шаҳриёр Бахтиёров
Комилжон Умаров
Абдуқодир Набиев
Адҳам Олимов
Нурмат Одилов
Бахтиёр Султонов
Сардор Баҳромов
Бахтиёр Султонов
Абдулазиз Мирзаев
Миржамол Асқаров
Аъзамжон Эгамбердиев
Камолиддин Илҳомов
Элмурод Қосимов
Абдуворис Мирзаев
Беҳзод Вафоев
Баҳодир Собиров
Исломжон Турсунов
Равшан Тўйчиев
Азамат Ҳакимов
Обиджон Латипов
Умар Мирафзал ўғли Асқаров
Бу исмлар сизга ҳеч нарсани англатмас, аммо мен ва билгувчилар бу йигитларнинг улкан хизматларини яхши биламиз.
Улар пандемия бошланганидан бери бир кун ҳам тинмаган, икки ой давом этган карантин ва
Бир ой давом этган Рамазон қахрамонлари.
Фақат ва фақат Аллоҳнинг розилиги учун хизмат қилган, намозни тўкис адо этган, рамазонда рўзадор ҳолатда тонналаб юк ташиган биродарларим.
Буларнинг орасида кундузи рўзғорлик, кечаси саҳарлик тарқатганлари бор. Улоқни ана ўшалар илиб кетишди.
Икки ой машинаси билан хизмат қилиб, бензин пулини олишга ийманган, қатъий талабдан кейин олиб, "Ака, Аллоҳ учун хизматга чиққанман. Энди савобдан маҳрум бўлмайманми?" - деб кўзи намланган қалби дарёлари бор. Ана ўшалар содиқлардир, ана ўшалар аҳдга вафо қилувчилардир.
Отарчига, қизиқчига, футболчига, ҳокимга қарсак чалаётганингизда уларниям ақалли эслаб қўйинг. Мингларча оилалар рўзғорини бутлаган, очларни тўйдирган, болаларни шодлантирган йигитлар!
Гоҳида хизматига туҳмат эшитган, ноинсофлардан сўкиш эшитсада, йўлидан қайтмаган йигитлар!
Баъзилар ҳар куни фалонча волонтёр фалонча иш қилди, деб кўкрагига уриб, кунига минбарга чиқиб, очко олганида, исмларини айтиш ва юзини кўрсатишни истамаган бериё йигитлар!
Менинг замондошларим!
Менинг миллатдошларим!
Менинг қаҳрамонларим!
http://t.me/boburachannel