O'zMU | Rasmiy kanal

Sayyoralar paradi hodisasi teleskop orqali kuzatildi

⏺Bugun, Fizika fakulteti binosi oldida talabalar noyob astronomik hodisalardan biri — sayyoralarning katta paradi hodisasini teleskop orqali kuzatishdi.

⏺Dastlab, professor-o‘qituvchilar tomonidan ushbu noyob hodisa haqida talabalarga ma’lumot berildi. So‘ng Venera, Mars, Yupiter va Saturn sayyoralari joylashuvi tomosha qilindi.

⏺ Sayyoralar paradi — bu astronomik hodisa bo‘lib, unda Quyosh tizimidagi bir qator sayyoralar Quyoshdan farazan qaralganda 20-30° tashkil qilgan sektorda joylashadi.

Eng mashhur paradlar:

• 2000-yil: 5 ta sayyora (Merkuriy, Venera, Mars, Yupiter, Saturn) yaqin joylashgan.
• 2022-yil iyun: Merkuriyning ko‘rinishi bilan 5 ta sayyora bir-biriga yaqin joylashgan.
• 2161-yil: To‘liq sayyoralar paradi kutilmoqda.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube

#Hamkorlik #Uchrashuv

Inom Madjidov “O‘zsanoatqurilishbank” vakillari bilan ta’lim sohasidagi hamkorlik yuzasidan uchrashuv o‘tkazdi

Uchrashuv davomida biznes jarayonlar va boshqaruv sifatini oshirish va optimallashtirish hamda bank tizimida raqamli texnologiyalarni keng joriy etish, talabalarning ishlab chiqarish amaliyotlarini tashkil etish, bank sohasi uchun analitik, kiberxavfsizlik va dasturiy ta’minotlar yaratish bo‘yicha malakali kadrlar tayyorlash yuzasidan hamkorlikni yo‘lga qo‘yish bo‘yicha fikr almashildi.

Shuningdek, O‘zbekiston Milliy universitetida “O‘zsanoatqurilishbank” bilan hamkorlikda tashkil etilgan “Kiberxavfsizlik” laboratoriyasini yanada boyitish, iqtidorli talabalar uchun bank stipendiyasini ta’sis etish, bank tomonidan talabalarning startap loyihalarini qo‘llab-qo‘vvatlash, matematika, kiberxavfsizlik va dasturlash bo‘yicha olimpiadalar tashkil etishga kelishib olindi.

Batafsil 👉 nuu.uz

👉 На русском
👉 In English


Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube

#Hamkorlik

Ozarbayjon davlat iqtisodiyot universiteti bilan hamkorlik aloqalari yo‘lga qo‘yilmoqda

Bugun, 24-yanvar kuni O‘zbekiston Milliy universiteti rektori Inom Madjidov Ozarbayjon davlat iqtisodiyot universiteti rektori Adalat Muradov boshchiligidagi delegatsiyani qabul qildi.

Ikki universitet o‘rtasidagi istiqbolli hamkorlik yo‘nalishlari, ikki tomonlama diplom berish dasturini yo‘lga qo‘yish, ta’lim tizimini muvaffaqiyatga olib keladigan yondashuvlar, sohani raqamlashtirish, zamonaviy ta’lim texnologiyalarini qo‘llash va bunda xalqaro hamkorlikning ahamiyati xususida fikr almashildi.

Uchrashuv nihoyasida ikki universitet o‘rtasida hamkorlik memorandumi imzolandi. Tomonlar turli yo‘nalishlardagi hamkorlikni soha prorektorlari va tegishli mutaxassislar orqali bosqichma-bosqich amalga oshirishga kelishib oldilar.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube