NUROTA.UZ |НУРОТА ТУМАНИ ҲОКИМЛИГИ🇺🇿

QIZILTEPADA 101 GEKTARLI YANGI BOGʻ BARPO ETILA BOSHLANDI

Bugun Mamlakatimiz Prezidenti Shavkat Mirziyoyev Toshkent atrofida "yashil" belbog‘ barpo etish doirasidagi daraxt ekish tadbirida ishtirok etdi. Tadbirni videoaloqa orqali Qoraqalpog‘iston Respublikasi va viloyatlar jamoatchiligi ham kuzatdi.

Shu jumladan, Navoiy viloyati uchun Qiziltepa tumanining Malikobod mahallasida yangi barpo etilayotgan "Alisher Navoiy" bog‘i tanlanib, bu yerda viloyatdagi tuman va shaharlar hokimlari, viloyat faollari, nuroniylar, yoshlar, deputatlar va keng jamoatchilik ishtirokida manzarali daraxt ko‘chatlari ekildi.

Ma’lumot uchun: Malikobod mahallasi hududida tashkil etilayotgan "Alisher Navoiy" bog‘ining umumiy maydoni 101 gektar bo‘lib, "Yangi O‘zbekiston" massivi ro‘parasida qad rostlaydigan mazkur yashil hududga 100 ming tup manzarali daraxtlar ekilishi rejalashtirilgan.

Mahalla yoshlari uchun sport bayrami: Ichki ishlar vaziri kubogi yakunlandi

Besh tashabbus olimpiadasi doirasida oʻtkazilgan Ichki ishlar vaziri kubogi respublika final bosqichi haqiqiy sport bayramiga aylandi. Turli hududlardan kelgan jamoalar gʻoliblik uchun murosasiz kurash olib bordi.

16-21 yosh toifasi:

1-oʻrin: Samarqand viloyati, Qoʻshrabot tumani jamoasi
2-oʻrin: Navoiy viloyati, Nurota tumani Eshon Sudur MFY jamoasi
3-oʻrin: Surxondaryo viloyati, Sherobod tumani jamoasi

22-30 yosh toifasi:

1-oʻrin: Navoiy viloyati, Xatirchi tumani jamoasi
2-oʻrin: Samarqand viloyati, Bulungʻur tumani jamoasi
3-oʻrin: Qashqadaryo viloyati, Kitob tumani jamoasi

Musobaqa sportni ommalashtirish, yoshlarni sogʻlom hayotga jalb etish va iqtidorlarini namoyon qilishda muhim ahamiyat kasb etdi.

Gʻolib jamoalar diplom, medal va qimmatbaho sovgʻalar bilan taqdirlandi.

Nurota tumani hokimligi
axborot xizmati

✅Web|🕊Telegram|📱Facebook| 📱Instagram|📺Youtube |🕊Twitter

"AVAZSOY" MAHALLASIDA YANGI FUTBOL MAYDONI FOYDALANISHGA TOPSHIRILDI

Soʻnggi yillarda yurtimizda aholini, ayniqsa, yoshlarni sportga keng jalb etish, ularning sogʻlom hayot kechirishlarini taʼminlash masalasi davlat siyosatining ustuvor yoʻnalishlaridan biriga aylandi.

Shu munosabat bilan Nurota tumanida jismoniy tarbiya va sportni rivojlantirishga alohida eʼtibor qaratilib, zamonaviy sport inshootlari qurib, foydalanishga topshirilmoqda.

"Avazsoy" MFY Oqtepa qishlog'ida joylashgan 25-umumtaʼlim maktabida “Tashabbusli byudjet” loyihasi orqali qurilgan ochiq sunʼiy qoplamali futbol maydonchasi foydalanishga topshirildi.

Ushbu inshootning ochilish marosimida tuman hokimi o‘rinbosari Sh.Vafoyev, maktab jamoasi hamda keng jamoatchilik vakillari ishtirok etib, ochiq sunʼiy qoplamali futbol maydonchasining ramziy lentasi kesildi.

Shuningdek, tadbirda so‘z olganlar “Tashabbusli byudjet” orqali ahil-inoq mahalladoshlarning bir yoqadan bosh chiqarib, mazkur loyihada gʻoliblikni qoʻlga kiritganlari hamda hudud infratuzilmasi bilan bogʻliq koʻplab muammolar hal etilayotganligi alohida taʼkidlab oʻtildi.

Nurota tumani hokimligi
axborot xizmati

✅Web|🕊Telegram|📱Facebook| 📱Instagram|📺Youtube |🕊Twitter