“Temir yo’l ijtimoiy xizmatlar” muassasasi

❓Кучли йўтал билан кечувчи касаллик ёхуд бронхит нимаси билан хавфли?

🌨 Айни кунларда юртимизда совуқ қиш фасли ҳукмронлик қилмоқда. Табиийки, бу пайтда кўпчилик инсонларда нафас йўллари билан боғлиқ хасталиклар кўп кузатилади. Шулардан бири бронхитдир.

❓Хўш, ушбу касаллик келиб чиқишининг энг асосий омиллари нималардан иборат? Унинг қандай белгилари бор?

➡️ Мазкур саволларга олий тоифали шифокор Равшанбек Умаров батафсил жавоб берди.

💬

— Бронхларнинг яллиғланиши

(бронхит)

юқори нафас йўлларининг энг кўп учрайдиган хасталиги, — дейди мутахассис. — Унинг ўткир ва сурункали турлари фарқланади.

📌 Кўпинча об-ҳавонинг ўзгариши, иммун тизимининг сусайиши, ёмон одатларга (ичкиликбозлик, кашандалик) ружу қўйиш ҳамда турли зарарли моддалар (газ, чанг, кучли эфир мойлари)ни нафас орқали ичга ютиш каби ҳолатлар ҳалқум, ҳиқилдоқ ёки трахеяни зарарлаб, ўпка томон тарқалади. Оқибатда бронхит ва зотилжам келиб чиқади.

🤧 Касалликнинг ўткир турида бемор ҳолсизланади, мушаклари қақшайди. Йўтал пайдо бўлади. Кўкрак соҳаси қисилиб, оғрийди. Бироз ўтиб, унга тумов ҳам қўшилади, баъзи ҳолларда эса тана ҳарорати кўтарилиши мумкин.

🩺

Қолаверса, беморни мунтазам равишда йўтал тутиб, йиринг аралаш балғам ажралади. Бронхит тўлиқ даволанмаса, касаллик чўзилиб, сурункали тусга ўтади ва ўзидан оғир асоратлар қолдиради.

🔬 Гайморит, отит ва зотилжам хасталиклари аксарият ҳолларда бронхит қайталаши оқибатида келиб чиқади. Юрак-қон томир тизимида жиддий муаммо бўлган ва қувватдан қолган беморларда бронхит туфайли майда бронхлар ҳам зарарланади.

🤒

Касаллик ривожланганда бемор иситмаси баланд бўлади, ҳаво етишмайди, ҳансирайди. Шунингдек, лаби кўкаради, тез-тез йўталиб, тинка-мадори қурийди.

Йирингли балғам ташлаб, кўкрагида оғриқ

туради. Ҳатто,

ўпкасида майда пуфакчали нам, қуруқ хириллашлар эшитилади.

‼️ Қолаверса, нафас сустлашади, томир уриши тезлашиб, юрак товуши бўғиқ эшитилади. Ҳатто, бронхлар девори ва атрофидаги тўқималар зарарланади. Бундай вақтда беморларни зудлик билан шифохонага ётқизиш лозим.

Соғлиқни сақлаш вазирлиги
Матбуот хизмати.

TEMIR YO'LNING TAJRIBALI VA FIDOYI SHIFOKORLARI

🟦Shifokorlik insondan umr bo'yi ilm o'rganish, izlanish va sabr-toqatni talab qiladigan sharafli kasblardan biridir. Ushbu maqolamizning qahramonlari tibbiyot sohasining ikki xil yo'nalishida bemorlarning dardiga shifo topib, nafaqat temiryo'lchilar va ularning oila a'zolari, balki xalqimizdan ham beminnat xizmatini ayamay kelayotgan aka-uka Erkin hamda Shuhrat Xaytalievlardir.

➡️Dastlab E.Xaytaliev haqida ma'lumot bersak. Har doim bemorlarni yuzida tabassum bilan qarshi oladigan, ko'plab temiryo'lchilar dardiga davo topgan, kamtarin va oq ko'ngil inson, “O'zbekiston temir yo'llari” AJ Markaziy poliklinikasining Jarrohlik bo'limi mudiri, oliy toifali shifokor, “O'zbekiston Respublikasi sog'liqni saqlash a'lochisi” ko'krak nishoni hamda “Faxriy temiryo'lchi” nishoni sohibi Erkin Xaytaliev 1974 yil 16 martda Toshkent viloyatida ziyolilar oilasida tug'ilgan. 1991 yil Toshkent tibbiyot akademiyasining “Davolash” fakultetiga talabalikka qabul qilinganidan so'ng, tez tibbiy yordamda navbatchi bo'lib ilk mehnat faoliyatini boshlaydi. 1997 yilda “O'zbekiston temir yo'llari” aksiyadorlik jamiyatining “Markaziy klinik” kasalxonasi Jarrohlik kasalliklari bo'limi internaturasida (o'qishdan keyingi o'qish)da ustozi Jabbor Murodovdan saboq oladi.

– Xirurgiyada Shveysariya soatining mexanizmi kabi aniq ish bo'lishi kerak, agar bitta xatolik bo'lsa, hammasi chappasiga aylanishi mumkin, – deydi shifokor. – Shuning uchun men doimo xodimlarimning har biridan o'z vazifasiga sidqidildan, mas'uliyat bilan yondashib, ishlashini talab qilaman.

➡️E.Xaytaliyev oilada bosh farzand boʻlib, katta ukasi Ravshan Xaytaliyev “Oʻztemiryoʻlmash taʼmir” AJ da faoliyat olib borayotgan temiryoʻlchilardan. Kenja ukasi “Markaziy klinik kasalxonasi”ning Asab kasalliklari boʻlimi boshligʻi Shuhrat Xaytaliyev. 1985-yil 10-oktyabrda Toshkent viloyatida tugʻilgan. Sh.Xaytaliyev oʻrta taʼlim maktabni tugatib, 2003-2011-yillarda 2-Toshkent tibbiyot akademiyasining talabasi boʻldi.
🗓2014-2016-yillarda esa nevrologiya mutaxassisligi boʻyicha klinik ordinaturada tahsil oldi. Uning nevrologiya sohasini tanlashiga sabab ham, avvalo, shifokorlar oilasidan ekanligi boʻlsa, qolaversa, koʻpchilik insonlar umurtqa pogʻonasi disk churrasi ogʻriqlaridan azob chekayotganini koʻrib, ular dardiga davo topish edi. 2011-yildan hozirgi kunga qadar “Oʻzbekiston temir yoʻllari” Aj ga qarashli Markaziy poliklinika va “Markaziy klinik kasalxonasi”da terapevt shifokor, keyinchalik Asab kasalliklari boʻlimishifokori, boʻlim mudiri, boʻlim boshligʻi sifatida faoliyat yuritib kelmoqda.

– Bugun “Temir yoʻl ijtimoiy xizmatlar” muassasasida tibbiy-ijtimoiy islohotlar samara bermoqda, – deydi Sh.Xaytaliyev. – Zamonaviy tibbiyot yoʻnalishlarini kompleks rivojlantirishda bir qancha ishlar olib borilmoqda. Istagim ana shunday ishlarga kamtarona mehnatim bilan munosib hissa qoʻshishdir.

🌍Bu ikki aka-ukani bir-biridan feʼl-atvor jihatidan ajratib boʻlmaydi. Intizomli, tarbiyali oilada tugʻilib oʻsgan, bir umr tarbiyachi boʻlib faoliyat yuritgan ona, qattiqqoʻl otaning tarbiyasini olgan oʻgʻillar oilada farzandlariga ham mehnatsevarlik, vatanparvarlik, bir soʻzlilik, ishiga, kasbiga sadoqatlilik, samimiylik va mardlik kabi hislatlarni singdirib bormoqda.

Bachadon bo'yni saratoni

👏Bachadon boʻyni saratoni oldini olish mumkin boʻlgan yagona saratondir. Oʻzbekistonda onkologiyaning bu turi ayollar orasida keng tarqalganligi boʻyicha ikkinchi, saraton kasalligidan oʻlim sabablari boʻyicha uchinchi oʻrinda turadi.

📈Har yili 1600 nafarga yaqin ayol bachadon boʻyni saratoni tashxisi bilan onkologiya dispanserlarida roʻyxatiga olinadi va har yili 600 ga yaqin ayol kasallikdan vafot etadi. 90% hollarda inson papilloma virusining baʼzi turlari sabab mazkur infeksiya boshlanadi.

❗️Bachadon boʻyni saratoni rivojlanishining toʻrtta omili:
• inson papillomavirusining onkogen turlari (OPV);
• bachadon boʻynida virusning uzoq vaqt mavjudligi;
• erta turmush qurish, infeksiyalar, tez-tez tugʻish;
• immunitet tanqisligi.

🔺Ushbu kasallik 15−30 yoshdagi insonlarning 80 foizida uchraydi. Odatda viruslar 2−3 yil ichida tanani “tark etadi”. Bachadon boʻynida virusning uzoq vaqt qolishi saraton rivojlanishiga olib kelishi mumkin. Pap yoki DNK testini oʻtkazish mazkur saratonga chalingan inson hayotini saqlab qolishi mumkin. Buning uchun atigi 5 daqiqa vaqt ketadi.

☠Bachadon bo‘yni saratonini oldini olish uchun uchta oddiy profilaktika choralari:
1. Emlash (9−26 yosh)
2. PAP testi (Agar siz 21 yoshda boʻlsangiz, bachadon boʻyni virusli holatlarini aniqlash uchun Pap testini oʻtkazishingiz mumkin. Natija ijobiy boʻlsa, test har 3 yilda bir marta takrorlanishi kerak.)
3. DNK testi (30−65 yosh)
Agar DNK va Pap testi mavjud boʻlmasa, shifokor sirka kislotasi yoki yod eritmasi bilan vizual testlarni oʻtkazishi mumkin.

📌Vizual testlar saratondan oldingi va bachadon boʻyni saratonini erta bosqichda aniqlashi mumkin.Agar siz 65 yoshda boʻlsangiz va soʻnggi 10 yil davomida skrining natijasi salbiy chiqqan boʻlsa, bachadon boʻyni saratoni uchun skrining tekshiruvlarini toʻxtatishingiz mumkin boʻladi.

Markaziy klinik kasalxonasi ginekolog shifokori — Shukurullayeva Shaxnoza Jalolovna

🌐Site 🌐Telegram 🌐Facebook 🌐YouTube 🌐Instagram

🫧Ozon terapiyasi viruslar va bakteriyalarga qarshi eng samarali quroldir:
- ozon bakteriyalar va viruslarni yo'q qiladi; 
- organizmga umumiy sog'liq uchun ta'sir ko'rsatadi; 
- immunitet himoyasini rag'batlantiradi; 
- to'qimalarning kislorod bilan ta'minlanishini oshiradi 
- qon mikrosirkulyatsiyasini kuchaytiradi; 
- tananing barcha organlari va tizimlarining hayotiy faoliyatini faollashtiradi; 
- organizmni to'plangan toksinlar va shlaklardan xalos qiladi; 
- surunkali charchoq sindromini yengillashtiradi;  
- yurak-qon tomir kasalliklarining oldini oladi
- ozon ajoyib antitrestdir;  

🟦Ozon tibbiyot va kosmetologiyaning turli sohalarida keng qo'llaniladi. Bir qator kasalliklarni davolashda u patogen florani bostirishga, ko'plab asoratlarni dori-darmonlarsiz davolanishga yoki dori dozasini kamaytirishga imkon beradi.
Ozon urologiya,ginekologiya (bepushtlik, homilador ayollarda FPN va boshqalar doirasida), dermatologiya,infektsion terapiya, jarrohlik, stomatologiya, gastroenterologiyada yuqori talabga ega. Vena ichiga, mushak ichiga, teri ostiga va tashqi tomondan qo'llaniladi.

🌍Immunitetni oshirish har kuni turli xil viruslar va kislorod yetishmovchiligiga duch kelishga majbur bo'lgan shahar aholisi uchun dolzarb muammodir. Zamonaviy tibbiyot ushbu muammoni hal qilishning samarali usulini taklif etadi.

🤝Temir yo'l poliklinikasida biz Germaniyaning eng yangi Medozon compact apparati bilan ishlaymiz.  
Klinikamizda ozon terapiyasi kursini o'tashning ta'siri:
- organizmning viruslarga qarshilik ko'rsatish qobiliyatini oshirish.
- antibiotiklar yoki boshqa dorilarni ishlatmasdan tanadagi yallig'lanish jarayonlarini kamaytirish.  
- surunkali infektsiyalarning patogenlarini bostirish.
- kasallik holatida tez tiklanish jarayoni.  
- umumiy holatni yaxshilash.
- o’smalardan himoya qilish.  
- jismoniy faollikni oshirish va boshqalar.
1-2 muolajadan so'ng siz holatingizning birinchi yaxshilanishini va ish qobiliyatining oshishini his qilasiz. Bizning shifokorlarimiz sizga muolajalar va kurslar sonini aniqlashda yordam beradi. Qoida tariqasida, yiliga ikki marta 6-10 muolajadan iborat kursni o'tkazish tavsiya etiladi. Ozon terapiyasi muolajalari yaxshi qabul qilinadi va sizga hech qanday noqulaylik tug'dirmaydi. Ozon terapiyasi kursi iloji boricha samarali bo'lishi uchun uni yuqori malakali mutaxassislar bilan o'tkazish muhimdir.

👨‍🏫Bizning temir yo'l poliklinikamizda Sizning sog’lig’ingiz bilan qiziqadigan ko'p yillik tajribaga ega shifokorlar ishlaydi.

🧍‍♀️“Temir yo‘l ijtimoiy xizmatlar” muassasasi Markaziy poliklinika shifokori — Usmanova Gulnora Xaydarovna

Iqtidorli hamshiramizning yutuqlari

🗓Bugungi sahifamiz mehmoni — “O’zbekiston temir yo’llari” AJ Markaziy poliklinikasida 2010-yildan beri hamshiralik lavozimida faoliyat yuritib kelayotgan, 2 nafar shirin farzandlarning onasi, mehnatkash, samimiy, mas’uliyatli, namunali xulqi va kasbiy malakasi bilan hamkasblari orasida hurmatga sazovor bo’lib kelayotgan — Shohsanam Ismailova.

🧍‍♀️Shohsanam Ismailova o’z mualliflik ijodiy ishi bilan 2024-yilning 20-dekabr kuni Toshkent shahrida Milliy Gvardiyaning Ma’naviyat va Ma’rifat markazida bo’lib o’tgan “Yilning eng yaxshi ilmiy izlanuvchilari” nomi ostida “Quality publication” MCHJ ilm-ma’rifat markazi tomonidan o’tkazilgan Fransiya konferensiya bilan hamkorlikdagi xalqaro forumda ishtirok etib, faxriy o’rin sohibasiga ega bo‘ldi. Esdalik ko’krak nishoni, statuetka va maxsus guvohnoma bilan taqdirlandi.

✒️Bundan tashqari, Shоhsanam Ismailovaning “Hayotingizga quvonchni qaytaring” nomli maqolasi Google Scholarda Indekslanib maxsus sertifikatga ega bo’ldi. Ushbu maqolada hozirgi kunda jadal rivojlanayotgan zamonamizda insonlar o’zining tana-kasalliklari bilan ovora bo’lib, ruhiy holati, atrofdagi go’zalliklar, samimiy quvonch hissini unutib borayotganligi, ko’plab tanadagi kasalliklar inson ruhiyati bilan bog’liqligi, kasalliklarni rivojlanishida turmush tarzini ham muhim ahamiyatga ega ekanligi to’g’risida keng qamrovli ma’lumot berib o’tilgan. Hozirgi kunga kelib kundalik turmushda jismoniy faollik susayib, uning o’rniga odamlarning gadjetlar dunyosida uzoq muddat bir joyda o’tirgan holda kompyuter yoki telefonda ishlayotganligi, to’g’ri ovqatlanish qoidalariga rioya qilinmayotganligi va shukronalik tuyg’usini unutib qo’yayotganligi yoritib berilgan.

📌Iqtidorli hamshira Shohsanam Ismailovaning aytishicha, bu ilmiy izlanishlar xalqaro forumga qatnashishni ilk qadamlari, rejada hali ko’plab xalqaro maydonlarda qatnashib, nafaqat
hamshiralikning qirralarini namoyon etish, balki “O’zbekiston temir yo’llari” AJ Markaziy poliklinikasi dovrug’ini xalqaro maydonga olib chiqish niyatida ekanliги va shu bo’yicha yana bir loyihada qatnashayotganligi to‘g‘risida ma’lumot berib o’tdi.

🌍"Temir yo‘l ijtimoiy xizmatlar" muassasasi o’z hamkasblari yutug’idan mamnun holda Shоhsanam Ismailovaning yutug’i bilan chin yurakdan tabriklamoqda va kelgusidagi xalqaro loyihalarda ulkan zafarlar tilab qoladi.

Kasb bilan bog'liq bo'lgan neyrosensor karlik

🎧Kasb bilan bog'liq bo'lgan neyrosensor karlik –bu ish vaqtida uzoq vaqt davomida ta'sir qiladigan shovqin ta'sirida eshitish qobiliyatining pasayishi yoki umuman yo'qolishidir.
❗Kasb bilan bog'liq bo'lgan neyrosensor karlik kasb patologiyalari o'rtasida 4-o'rinni egallab, barcha kasb kasalliklarining 9 – 12 % ini tashkil etadi.

👥Ish joyida shovqin darajasi 70 – 95 dB(desibell) dan yuqori bo'lmasligi kerak bo'lib, bu darajadan ziyod shovqin eshitish a'zolari uchun salbiy ta'sir ko'rsatadi. Turmush sharoitidagi shovqin 45 – 60 dB ni tashkil etadi. Katta ko'chalardagi shovqin 85 dB gacha, kuchli dvigatellarning ish faoliyatidagi shovqin 120 – 150 dB ni tashkil etadi.

📨Neyrosensor karlik ichki quloqdagi sezuvchan asab hujayralarining shikastlanishida, eshitish nervi yoki bosh miya eshitish tizimi markazi shikastlanishida kuzatilib, uning morfologik asosini degenerativ – distrofik o'zgarishlar tashkil etadi.
☑️Kasb bilan bogʻliq boʻlgan neyrosensorkarlik yuzaga kelgandagi bemorlarning shikoyatlari:
- eshitish qobiliyatining pasayishi;
- quloqdagi shovqinlar;
- bosh aylanishi, gandiraklash boʻladi;
-mushaklar kuchining pasayishi, barmoqlarning qaltirashi;
- gipergidroz, qoʻl va oyoq kaftlarining muzlashi.
✴️Koʻpincha neyrosensor karlik vestibulyar oʻzgarishlar bilan kechadi( bosh aylanishi, gandiraklab ketish, koʻngil aynishi, qusish kabi)
🧑‍💻Eshitish qobiliyati susaygan ishchi – xodimlar shifokor - otolaringologning doimiy nazoratida boʻlishlari, davriy koʻrik va davo kurslarini oʻtishlari shart hisoblanadi.
Samarqand bekati shifoxonasi LOR shifokori, oliy toifali shifokor—Olga Valerevna Ismatova

🇺🇿14-yanvar — Vatan himoyachilari kuni

🇺🇿Avvalo, o‘z hayotini ona yurtimizni himoya qilishdek ulug‘ va olijanob ishga bag‘ishlagan siz, azizlarni, O‘zbekiston Respublikasi Qurolli Kuchlari tashkil etilganining 33 yilligi va Vatan himoyachilari kuni bilan tabriklayman

🌍Vatanni himoya qilish, uni ko‘z qorachig‘idek asrab-avaylash yurtning har bir farzandining vazifasidir. Shu jumladan, Ona Vatan tinchligi, sarhadlarimiz mustahkamligi, xalqimiz farovon hayoti yoʻlida mamlakatimizda olib borilayotgan islohotlarga ilm ahli, jumladan temiryo‘lchilar ham oʻz hissasini qoʻshib kelayotganidan faxrlanamiz!

🏅Yurtimiz tinchligi uchun mardonavor xizmat qilayotgan mard va jasur vatanparvar yigitlarni bayram bilan chin qalbdan tabriklayman!

Hurmat bilan,
“Temir yo‘l ijtimoiy xizmatlar”muassasasi boshlig’i Mamasidikov M.M.

🌐Site 🌐Telegram 🌐Facebook 🌐YouTube 🌐Instagram