Neft va Gaz Ishi

Эълон

Каналимиздаги талабаларга бир яхши хабар айтмоқчиман, мен ва кўплаб дўстларимизнинг ишга киришимизга сабабчи бўлган, шу йил ҳам бир қанча талабалари турли корхоналарнинг стипендиялар танловида муносиб иштирок этган, устозимиз, техника фанлар фалсафа доктори, доцент Сахатав Баҳодир ака талаба ва хоҳловчи дўстларимизга подготовка ва переработка нефтегаз йўналишлари бўйича курс ташкил этмоқда. Сизларга ҳам бу курсда ўқишни тавсия қиламан. Ўқув курсини тугатгандан сўнг сизга ҳеч қандай сертификат берилмайди, дипломингиз бўла туриб ишга кира олмаган бир пайтда сертификат сизга қандай ёрдам берарди. Олган билимингиз фойда. Билимингиз бўлса ишга киришда суҳбатдан қийналмай ўтасиз. Яна бир гап узтозимизни дарс ўтишига умуман гап йўқ, тингловчи ниманидир ўргансин деб жон куйдириб дарс ўтади. Ишлаб чиқаришда ҳам 10 йилдан кўпроқ тажрибага эга. Марҳамат онлайн курсларда ўқинг, билим олинг ва қулай имкониятдан унумли фойдаланиб қолинг.

Бошланиши: 1-февраль
Вақти: ҳафтада 3 кун
Шакли: онлайн
Тўлов сўммаси: 250.000 сўм

Мурожаат учун,
Телеграм: @B_Gulmurodovich
Телефон: +998914693008

Нефть ва газ иши: @Ngi_Uz

Табиий газдан жудаям қимматли маҳсулотлар ишлаб чиқариш мумкин

Келинг, буни табиий газдан "Графен" ва "Углерод нанотурбиналари" ишлаб чиқарилиши мисолида иқтисодий афзалликларини ҳисоб-китоб қилиб кўрамиз:

1. • 1 тонна графен нархи бозорда унинг сифатига қараб 150.000 дан 200.000 $ гача.

• 1 тонна графен ишлаб чиқариш учун 50.000 м³ табиий газ ишлатилади.

• 50.000 м³ табиий газ энергия қиймати нархи 5000 $ - 15000 $ оралиғида.

• 1 тонна графен ишлаб чиқариш харажати (энергия сарфи, ишчи кучи ва ҳоказо) 50.000 $.

Тахминий ҳисоб-китоб қиламиз:
200.000 $ (150.000 $) - 15.000 $ (5000 $) - 50.000 $ = 135.000 $ (145.000 $)

Энергиявий қийматида нархи 5000 $ - 15000 $ бўлган табиий газдан сифатига қараб тоннаси 150.000 $ - 200.000 $ бўлган графен ишлаб чиқариш орқали 135.000 $ - 145.000 $ соф даромад олиш мумкин.

2. Углерод нанотурбиналарини ҳисоб-китобини ёзмайман, 75.000 $ - 150.000 $ соф даромад олиш мумкин.

Бу билан нима демоқчиман: аслида табиий газни ёқиш ўрнига ундан юқори қийматли маҳсулотлар ишлаб чиқариш иқтисодий жиҳатдан афзал. Шунчаки эслатма бу, афзал, тамом.

Хулоса шуки, агар Алишер Қодиров:

1. Табиий газни ёқиш ўрнига ундан юқори қийматли маҳсулотлар ишлаб чиқариш иқтисодий жиҳатдан афзал эканлигини шунчаки эслатма сифатида айтмоқчи бўлган бўлса - тўғри фикр. Буни кўпчилик билади ҳам.

2. Ҳозирги ҳолатда, фавқулодда барчани бир вақтда табиий газдан узиб, электр энергиясидан фойдаланишга ўтиш керак демоқчи бўлган бўлса - нотўғри фикр. Бунга на аҳоли, на Ўзбекистон энергетика тизими тайёр эмас.

А. Қодиров филолог бўлса-да, доимо фикрларини тўғри етказиб беришда қийналади ёки атай шундай қилади, негадир фақат ҳейтлар учраб юради. Айнан нима демоқчи эканини ўзидан бошқа ҳеч ким билмайди, шу сабабли А. Қодировнинг фикрини на тўғри деб бўлади, на хато. Балки батафсилроқ тушунтирар.

Ҳая, яна бир гап: Алишер Қодиров

"Яшил энергетика келажагимиз"

деган таъкиди билан Ўзбекистонда АЭС қурилишини тезлаштиришга чақираётган бўлиши ҳам мумкин. Агар шуни назарда тутган бўлса, бу умуман бошқа мавзу.

Маълумот учун, Графен замонавий технологияларда, хусусан, электроника, энергия сақлаш (батареялар), нанотехнология ва тиббиёт соҳаларида қўлланилади. Графен пўлатдан 200 марта мустаҳкам, бироқ юмшоқ ва эгилувчан шу билан бирга шафофф ҳамдир. У келажакнинг инқилобий материали сифатида баҳоланади.

Каналга уланиш: @Ngi_Uz

Алишер Қодиров қуйидагича ёзибди:

Газ қиммат ресурс, 1 куб газдан 10 га яқин юқори қийматли, экспортбоп маҳсулот ишлаб чиқариш, хорижга сотиш ва унинг пулига миллионлаб қоракўзларимизга иш ўрни яратиш мумкин.

Тиллақатори миллиардлаб куб газни уй иситиш ва овқат пиширишга ишлатиб юборадиган халқни косаси оқармайди.

Электр энергияси ишлаб чиқаришни кўпайтириб газ ўрнига электр энергияси ишлатишни ўрганишимиз керак.

Янги қуриладиган уйларда энергия манбаси сифатида фақат электр энергиясини рағбатлантириш таклифини қўллаб-қувватлаймиз.

Яшил энергетика келажагимиз.

———

Алишер Қодировнинг фикрига менинг муносабатим қуйидагича:

Алишер Қодировнинг фикри тўғри бўлар эди, агар:

1. Барча нефть-газ конларимизга ва улардан қазиб чиқарилаётган қазилма бойликларига давлат эгалик қилганида

2. Ёқилғилар танлови кўплигидан заправкаларда ҳеч қандай навбатлар бўлмаса

3. Электр энергияси ишлаб чиқаришда газ ёқиб электр токи олинадиган ИЭСдан ишлаб чиқариладиган электр токи минималлаштирилганда (табиий газ ёқиб, электр энергияси ишлаб чиқаришни камайтириш)

4. Газ ўрнига электр энергиясидан фойдаланишга рағбат адолатли бўлса (ҳозир газлаштирилмаган ҳудудлар яни қишлоқ жойларда электр энергиясидан фойдаланиш учун ҳалигача 50% чегирма бериш мавзуси очиқ турибди)

5. Газни маҳсулот қилиб экспорт қиладиган ишлаб чиқариш заводлари учун кафолатли газ таъминоти бўлганда,

6. Аҳолини яшил энергияга ўтишга имкониятни камайтириш учун яшил энергия ишлаб чиқариш қурилмаларига юқори божлар ўрнатиш ўрнига, имтиёзлар берилса,

7. Янги қуриладиган уйларни фақат электр энергиясидан фойдаланишга ўтказиш бўйича механизмлар тўлиқ ишлаб чиқилган ва аҳоли учун ижтимоий-иқтисодий жиҳатдан самарали бўлса,

8. Электромобилларни олиб киришни сунъий чеклаш учун ишлаб чиқилган қонунлар бўлмаганда...

Ва ҳаказо, рўйхатни кўп давом эттириш мумкин.

Агар юқоридаги шартлар таъминланмаса, газдан воз кечиш орқали электр энергиясига ўтиш нафақат аҳолининг ҳаётини қийинлаштиради, балки кўплаб ижтимоий ва иқтисодий муаммоларни ҳам келтириб чиқариши мумкин. Умуман олганда, ғоя яхши, аммо уни амалга оширишдан олдин барча иқтисодий, ижтимоий ва техник жиҳатларни ҳисобга олиш зарур. Мажбурий тартибдан кўра, рағбатлантириш ва аҳолини англаб етишга етаклаш самаралироқ бўлади, деб ўйлайман.

Каналга уланиш: @Ngi_Uz

#Вакансия

Vektan Chemical компаниясида тажрибали лаборатория ходимини ишга таклиф этади!

2016 йилда Тошкентда ташкил этилган Vektan Chemical компанияси юқори сифатли синтетик мум ишлаб чиқаришда етакчи ҳисобланади. Компания халқаро мижозларнинг эҳтиёжларига мос ечимлар яратиш учун мослашувчан ишлаб чиқариш қувватларига эга.

Ҳозирда компанияда тажрибали лаборатория ходими лавозимига талабгор қидирилмоқда. Кимё соҳасида тажрибага эга бўлган ва илмий-тадқиқот лойиҳаларида иштирок этишга тайёр номзодлар учун бу яхши имконият!

Номзод учун талаблар:

🇺🇿 Ўзбек тили — равон
🇷🇺 Рус тили — равон
🇬🇧 Инглиз тили — ўрта ёки ундан юқори даража

👨‍🔬 Кимё бўйича билим — лаборатория ускуналари ва таҳлил усуллари билан ишлаш тажрибаси
👷‍♂️ Техник кўникмалар — илмий тадқиқот ўтказиш ва маълумотларни таҳлил қилиш
💡 Муаммоларни ҳал қилиш қобилияти — ташаббускорлик ва янгиликлар киритиш
🗣 Мулоқот кўникмалари — жамоа билан самарали алоқа қилиш
🎯 Масъулият — хавфсизлик ва сифат стандартларига риоя қилиш
📚 Ривожланишга интилиш — янги билимларни ўзлаштириш ва лойиҳаларда фаол иштирок этиш.

Боғланиш учун:

📞 Телефон: +998912121823
😎 Telegram: @Adham1823 (Adham)

Иш тартиби ва ойлик маош суҳбат вақтида келишилади.

Кимё соҳасидаги билим ва тажрибангизни амалиётда синаб кўриш имкониятини қўлдан бой берманг!

Каналга уланиш: @Ngi_Uz

Кеча, 10-январь куни Ўзбекистон Миллий Академик драма театрида “Ўзбекнефтгаз” АЖ томонидан 2024 йил якунлари бўйича тадбир ўтказилди, унда турли йўналишлардаги 36 хил номинациялар ғолиблари эълон қилинди ва уларни тақдирлаш маросими бўлиб ўтди!

Юқоридаги постларда самарали меҳнати эътироф этилган хил 36 номинация ғолибларини кўришингиз мумкин. Қидириб кўрингчи, ғолиблар орасида ҳамкасб ёки танишларингиз бормикин, бўлса, албатта ушбу муваффақияти билан табриклаб қўйинг.

Каналга уланиш: @Ngi_Uz