Navoiy davlat konchilik va texnologiyalar universiteti

#Muloqot

"OLIM VA TALABA YOSHLAR UCHRASHUVI": MUVAFFAQIYAT KALITI SAMARALI MEHNAT VA O‘Z USTIDA TINIMSIZ ISHLASHDA…

Ayni vaqtda Navoiy davlat konchilik va texnologiyalar universiteti “Iqtisodiyot va menejment” kafedrasi negizidagi Iqtisodiyot yo‘nalishi dasturlarida 400 nafardan ortiq yosh mutaxassis tahsil olmoqda.

Bugun mazkur talabalar bilan "NKMK" AJ Byudjetlashtirish va kontrolling bo‘limi boshlig‘i, professor U.Kostayev hamda Moliya-iqtisod ishlari bo‘yicha prorektor, professor N.Ashurova ishtirokida uchrashuv bo‘lib o‘tdi.

Unda olimlar o‘z hayot yo‘li, talabalik yillari va undan keyingi faoliyati haqida batafsil gapirarkan, mutaxassislik diplomini olish barobarida aynan talabalikda kamida bitta xalqaro sertifikatga ham ega bo‘lishga intilish lozimligi haqida tavsiyalar berib o‘tishdi.

Universitet talabalarining o‘z sohasida muvaffaqiyat qozongan turli soha vakillari bilan xuddi shunday uchrashuvlari davom etmoqda.

© NDKTU Axborot xizmati

Bizni kuzatib boring:

NDKTU RASMIY KANALI

#Xalqaro_hamkorlik

OLIMLARIMIZ BUYUK BRITANIYANING KEMBRIJ UNIVERSITETIDA MALAKA OSHIRMOQDA

Navoiy davlat konchilik va texnologiyar universiteti “Metallurgiya” kafedrasi olimlari X.Xamidov, O.Fuzaylov, J.Narzullayev Buyuk Britaniyaning Kembrij universiteti Kavendish laboratoriyasida “Noyob minerallar va energiya materiallarini ilg'or tavsiflash salohiyatini oshirish” (“Capacity Building for Advanced Characterization of Critical Minerals and Energy Materials”) xalqaro loyihasi doirasida stajirovka o‘tamoqda.

Tadqiqotchilar zamonaviy muhandislik tahlillari asosida turli eksperimental tajribalar o’tkazishayapti. Xususan, laboratoriyalarda termik ishlov berishning zamonaviy texnologiyalari, kimyoviy termik ishlov berish uchun yangi avlod jihozlari va texnologiyalari, raqamli dasturda boshqariladigan dastgohlarni dasturlash, metallarni eritish va tahlil qilish kabi vazifalar amalga oshirilmoqda.

© NDKTU Xalqaro hamkorlik bo‘limi

Bizni kuzatib boring:

NDKTU RASMIY KANALI

#Tabriknoma

Bugun, 15-fevral Navoiy davlat konchilik va texnologiyalar universiteti “Oliy matematika va axborot texnologiyalari” kafedrasi mudiri Ishmamatov Matlab Raxmatovich tavallud topgan kun.

M.Ishmamatov 1962-yil Samarqand viloyati, Urgut tumanida tug‘ilgan. Bo‘lajak olim 1988-yil Samarqand davlat universitetini tamomlab, shu yili Toshkent politexnika instituti Navoiy filiali, bugungi Navoiy davlat konchilik va texnologiyalar universitetida assistent sifatida mehnat faoliyatini boshlagan. Zabardast pedagog qariyb 40 yildan buyon mazkur oliy ta’lim muassasasida muvaffaqiyatli faoliyat yuritib kelmoqda.

Fidoyi ustozni shogirdlari nomidan bugungi qutlug‘ sana — muborak 63 yoshni qarshi olgani bilan qizg‘in muborakbod etamiz. Sihat-salomatlik, oilaviy xotirjamlik va shogirdlar mehri Sizni sira tark etmasin!

Bizni kuzatib boring:

NDKTU RASMIY KANALI

#NDKTU_sport

SPORT BILAN DOIMIY SHUG‘ULLANISH — SALOMATLIK VA JISMONIY FAOLLIK GAROVI

Mamlakatimizda aholining barcha qatlamlari o‘rtasida jismoniy tarbiya va sportni ommalashtirish orqali jismoniy qobiliyat va harakat faolligini takomillashtirish hamda zararli odatlar va turli kasalliklarning oldini olish, shuningdek, sog‘lom turmush tarzi ko‘nikmalarini shakllantirish va jismoniy tayyorgarlik darajasini oshirishga alohida e’tibor qaratilib kelinmoqda.

Xususan, Navoiy davlat konchilik va texnologiiyalar universitetida ham 600 nafardan ortiq professor-o‘qituvchi va ishchi-xodimlar mehnat qilayotgan bo‘lib, ularning 90 foizi oliy ta’lim muassasasi sport majmuasida bir qator sport turlari bilan doimiy shug‘ullanmoqda.

Bugun bu boradagi tizimli ishlar doirasida “Konchilik elektr-mexanikasi” kafedrasi jamoasi o‘rtasida futzal bo‘yicha musobaqa tashkil etildi.

© NDKTU “Konchi” sport klubi

Bizni kuzatib boring:

NDKTU RASMIY KANALI