Navoiy davlat konchilik va texnologiyalar universiteti

#Eʼtirof

NAVRO‘ZGA BAG‘ISHLANGAN “ENG YAXSHI RASMLAR” TANLOVI G‘OLIBLARI ANIQLANDI

NDKTUda “Qadriyatlaring boqiy bo‘lsin, Navro‘z!” shiori ostidagi “Eng yaxshi rasmlar” tanlovi tashkil etilib, barcha fakultetlardan 30 dan ortiq ijodiy ishlar qabul qlindi.

Bugun mazkur asarlarni baholash tadbiri bo‘lib o‘tdi. G‘oliblarni aniqlashda rasmda Navro‘z qadriyatlarini aks ettiruvchi elementlar mavjudligi, kompozitsiyadagi milliy jihatlar bilan uyg‘unlik hamda badiiy g‘oyaning originalligiga alohida e’tibor qaratildi.

Natijalarga ko‘ra, Konchilik fakulteti 3-kurs talabasi Shaxzod Ismatullayevning “O‘zbek milliy raqsi” asariga 1-o‘rin, Enego-mexanika fakulteti 1-kurs talabasi Abduhalim Hakimovning “Doira chalayotgan yigit” obraziga 2-o‘rin hamda Konchilik fakultetining 1-kurs talabasi Diyorbek Abdumalikovning “Navro‘z sayli” kompozitsiyasiga 3-o‘rin taqdim etildi. Barcha g‘oliblarni tabriklaymiz!

© NDKTU Axborot xizmati

Bizni kuzatib boring:

NDKTU RASMIY KANALI

#Maʼrifat_darsi

REKTOR ISHTIROKIDAGI “MA’RIFAT DARSI”DA TALABA YOSHLAR DOLZARB BILIM VA UNUTILMAS TAASSUROTLARGA EGA BO‘LDI

Navoiy davlat konchilik va texnologiyalar universiteti rektori, professor B.Mardonov bugun Energo-mexanika fakulteti 1-bosqich talabalariga "Ma'rifat darsi" mashg‘uloti o‘tdi.

Universitet rahbari O‘zbekistondagi muhim ijtimoiy-iqtisodiy va siyosiy jarayonlar xususida batafsil to‘xtalarkan, yoshlarga yaratib berilayotgan imkoniyatlar, ularning g‘oya va tashabbuslarini ro‘yobga chiqarishga qaratilgan dasturlarga alohida e’tibor qaratdi.

Dars davomida yurtimizning do‘stona tashqi siyosati — Fransiya, Birlashgan Arab Amirliklari kabi davlatlar bilan yaqin hamkorlik aloqalari, mamlakatlar liderlarining uchrashuvlari haqida batafsil tushunchalar berildi. Dars mashg‘uloti davomida talabalarning ham fikr-mulohazalari tinglandi. Mazkur amaliy muloqot yoshlar hayotida unutilmas bilim va taassurotlar qoldirdi.

© NDKTU Axborot xizmati

Bizni kuzatib boring:

NDKTU RASMIY KANALI

#Jarayon

PAYSHANBA — PROFILAKTIKA KUNI DOIRASIDA NAVBATDAGI HUQUQIY-MA'RIFIY UCHRASHUVLAR BO‘LIB O‘TDI

Navoiy davlat konchilik va texnologiyalar universitetida payshanba — profilaktik tadbirlar kuni doirasida tegishli mas’ullar ishtirokida auditoriyalarda talabalar bilan profilaktik uchrashuvlar tashkil etildi.

Mazkur muloqotlarda yoshlar orasida jinoyatchilik va huquqbuzarliklarning oldini olish, internetdan foydalanishda ehtiyotkorlikka rioya qilish, har bir bosilgan qadamning oqibatlarini o‘ylash zarurligi ta'kidlandi. Talabalarning kiberxavfsizlik, korrupsiyaviy jinoyatlarga oid savollariga batafsil javoblar berildi.

Mazkur sa’y-harakatlar samaradorligini yanada oshirish maqsadidagi yuzma-yuz muloqotlar, talabalar bilan ijtimoiy-huquqiy va boshqa manzilli tadbirlarning muntazam o‘tkazib borilishi oliy ta’lim muassasalarida turli yot g‘oyalar targ‘iboti va huquqbuzarliklar sodir etilishining oldini olishga xizmat qilmoqda.

© NDKTU Axborot xizmati

Bizni kuzatib boring:

NDKTU RASMIY KANALI

#Eʼlon

“MAHMUDXO‘JA BEHBUDIY SABOQLARI” MAVZUSIDA INSHOLAR TANLOVI O‘TKAZILADI

Davlatimiz Rahbarining “Turkiston jadidlik harakatining asoschisi, atoqli adib va jamoat arbobi, noshir va pedagog Mahmudxoʻja Behbudiy tavalludining 150-yilligini keng nishonlash toʻgʻrisida”gi qarori ijrosi yuzasidan “Mahmudxo‘ja Behbudiy saboqlari” mavzusida insholar tanlovi o‘tkazilmoqda.

Xususan, joriy yilning 25-mart sanasida NDKTU talabalari o‘rtasida mazkur tanlov tashkil etilib, g‘oliblar hududiy va Respublika bosqichi yo‘llanmasini qo‘lga kiritadi. Insho aniq, ravon va tushunarli bo‘lishi, fikrlar izchil ravishda ifodalanib, ilmiy va adabiy tilda yozilishi lozim.

Talabaning ijodiy va original fikrlari yuqori baholanadi. Ishtirok etishni istaganlar Yoshlar masalalari va ma’naviy-ma’rifiy ishlar bo‘yicha dekan o‘rinbosarlariga hozirdan murojaat qilishlari mumkin.

© NDKTU Yoshlar bilan ishlash, ma’naviyat va ma’rifat bo‘limi

Bizni kuzatib boring:

NDKTU RASMIY KANALI

#Jarayon

“INSON QADRI UCHUN, INSON BAXTI UCHUN” TAMOYILI ASOSIDA BIR GURUH OILALARGA BAYRAM SOVG‘ALARI ULASHILDI

Navoiy davlat konchilik va texnologiyalar universiteti rahbariyati tomonidan turli bayramlarda mahallalardagi ehtiyojmand oilalarni qo‘llab-quvvatlash sa’y-harakatlari an’anaga aylangan. Navro‘z arafasida Navoiy shahridagi bir guruh oilalarning bayram dasturxoni uchun oziq-ovqat jamlanmalaridan iborat sovg‘alar taqdim etildi.

Yurtboshimizning “2025-yilgi Navro‘z umumxalq bayramiga tayyorgarlik ko‘rish va uni o‘tkazish to‘g‘risida”gi qarorida ham Navro‘z va Ramazon oyini uyg‘un holda xayr-u saxovat va mehr-oqibat ayyomi sifatida nishonlash alohida qayd etilgan.

Yurtimiz bo‘ylab keng nishonlanayotgan umumxalq bayrami arafasidagi mazkur ezgu amallar keyingi yillarda Vatanimizda olib borilayotgan “Inson qadri uchun, inson baxti uchun”, degan olijanob g‘oyaning yana bir ifodasi sanaladi.

© NDKTU Axborot xizmati

Bizni kuzatib boring:

NDKTU RASMIY KANALI