NAVOIYSHUNOSLIK

#Ğazal_tahlili_dars

Tahlil:
3. Lolatek ruxsorasinda anbarin xoli uchun,
Nofayi mushki Xo‘tan yo‘qturki, lolo bo‘lmadi.

Lug‘at:
Anbarin – muattar, xushbo‘y;
Nofa – mushkdon;
Lolo – qimmatbaho tosh, marvarid.

Nasriy bayon:
Loladek yuzidagi muattar xoliga Xo‘tanning muattar mushklari, hatto qimmatbaho marvaridlar ham teng bo‘lmadi.

Badiiy san’atlar:
Tashbeh – lolatek ruxsor, anbarin xol;
Talmeh – Xo‘tan;
Tanosib – ruxsor, xol.

Odiljon Rahmatulloh

KANALGA ULANISH:
👇👇👇
https://t.me/navoiyshunoslik_rasmiy

#Ğazal_tahlili_dars

Tahlil:
2. Gul yuzindin munfail nasrin Eram bo‘stonida,
Qomatindin to‘biyi firdavs a’lo bo‘lmadi.

Lug‘at:
Munfail – xijolatli, uyalgan;
To‘biyi firdavs – jannat daraxti.

Nasriy bayon:
Bog‘i Eramdagi nasrin yorning gul yuzi oldida xijolat tortadi, jannat daraxti esa uning qomatidan a’loroq bo‘lolmadi.

Badiiy san’atlar:
Tashbeh – gul yuz;
Tanosub – gul, nasrin, bo‘ston;
Talmeh – Bog‘i Eram.

Odiljon Rahmatulloh

KANALGA ULANISH:
👇👇👇
https://t.me/navoiyshunoslik_rasmiy

#Ğazal_tahlili_dars

Tahlil:
1. Og‘zining fikrinda ko‘nglum bore paydo bo‘lmadi,
Zulfidin boshimda juz tashvishi savdo bo‘lmadi.

Lug‘at:
Bore – hech bo‘lmasa, endi;
Juz – yuz;
Savdo – havas, xayol.

Nasriy bayon:
Yor zulfi tufayli boshimga yuz tashvish-u mojaro tushdi, og‘zining xayoli g‘amidan ko‘nglim ham hech yorishmadi.

Badiiy san’atlar:
Tanosib – og‘iz, ko‘ngil, bosh, zulf;
Kalomi jome’ – shikoyat;
Epifora – bo‘lmadi.

Odiljon Rahmatulloh

KANALGA ULANISH:
👇👇👇
https://t.me/navoiyshunoslik_rasmiy

#Ğazal_tahlili_dars
#umumiy

Atoyi g‘azali

Og‘zining fikrinda ko‘nglum bore paydo bo‘lmadi,
Zulfidin boshimda juz tashvishi savdo bo‘lmadi.

Gul yuzindin munfail nasrin Eram bo‘stonida,
Qomatindin to‘biyi firdavs a’lo bo‘lmadi.

Lolatek ruxsorasinda anbarin xoli uchun,
Nofayi mushki Xo‘tan yo‘qturki, lolo bo‘lmadi.

La’lining Iso dami tarsochining zunnoridin,
Qolmadi bir zohidi obidki, tarso bo‘lmadi.

Zehni noziklar muammo istilohin tuzgali,
Og‘zitek mushkilkusho hargiz muammo bo‘lmadi.

Ukrana olmas raqibi birla ul ilmi vafo,
Ore, bexurshidi tobon zarra paydo bo‘lmadi.

Yorsiz munglug‘ Atoyining vujudidur adam,
Kimki nodonga musohib bo‘ldi, dono bo‘lmadi.

Vazni:
– V – – / – V – – / – V – – / – V – /
Foilotun / foilotun / foilotun / foilun /
Ramali musammani mahzuf

O‘qilishi:
Og‘-zi-ning-fik / rin-da-ko‘ng-lum / bo-re-pay-do / bo‘l-ma-di: /
Zul-fi-din-bo / shim-da-juz-tash / vi:-shi-sav-do / bo‘l-ma-di: /

Qofiya: paydo, savdo, a’lo, lolo, tarso, muammo, paydo, dono.
Raviy: “o” unlisi.
Qofiya turi: muqayyad.
Radif: “bo‘lmadi”.

KANALGA ULANISH:
👇👇👇
https://t.me/navoiyshunoslik_rasmiy