Ro‘ziqul Berdiyev: "Mavsumni g‘alaba bilan boshlash juda ham yoqimli"Nasaf Soʻgʻdiyona uchrashuvidan keyin jamoamiz bosh murabbiyi Roʻziqul Saʼdullayevich bilan sport jurnalistlari oʻrtasida matbuot anjumani boʻlib oʻtdi. Roʻziqul Saʼdullayevich kirish qismini quyidagi gaplar bilan boshladi:Avvalo tabriklar uchun hammaga rahmat! Mavsumni gʻalaba bilan boshlash yoqimli. Ayrim vaziyatlarni aytmaganda, raqib futbolchilariga darvozamiz tomon hujum qilishlariga imkon bermadik. Soʻgʻdiyona jamoasi toʻp bilan oʻynashni yaxshi koʻradi, shu bois ularni yaxshi oʻrganib chiqib, futbolchilarini toʻpsiz qoldirishga harakat qildik. Bizda ham hujumda goldan avval va keyin koʻpgina xavfli vaziyatlar boʻldi, lekin ularni golga aylantira olmadik. Agar shu hujumlarni golga aylantirganimizda yanayam ishonchli gʻalabaga erishgan boʻlardik. Ammo mavsum boshlanishida gʻalabaga erishib, 3 ochko olish bu judayam yaxshi.
Jurnalist savoli: Roʻziqul Saʼdullayevich, yangi kelgan futbolchilar haqida fikringizni bilsak.
- Bilasizmi, aslida jamoamizga kelib qoʻshilgan futbolchilarni hammasini yangi kelib qoʻshilgan deb boʻlmaydi. Chunki Cheran, Eshmurodov, Nurulloyev va Norchayev avval ham jamoamizda toʻp tepishgan, ularning imkoniyatlarini yaxshi bilamiz. Hebay va Vorobeyni esa mavsum davomida kuzatamiz. Jamoamizga ularning foydasi tegadi degan umiddamiz.
- Nasrullayevning jarohati haqida nima deya olasiz?- Nasrullayevda oʻzi oʻyindan avval ham kichik jarohat bor edi, biroq u jamoaga yordam berishni istadi va maydonga tushdi. Ammo oʻsha toʻqnashuvda u jarohatini yangilab oldi va zaxiraga olindi. Tiklanib olishi uchun biroz vaqt kerak boʻladi. U bizning judayam muhim oʻyinchimiz edi, jarohatidan keyin biroz rejalarimiz oʻzgarib ketdi va Bozorovning oʻyinida ham biroz pasayish boʻldi.
-
Jamoaga legioner darvozabon taklif qilinishidan maqsad nima?- Bizda aslida darvozabon taklif qilish rejasi yoʻq edi. Ammo Umid Ergashevning kutilmaganda jamoadan ketish istagini bilganimizdan keyin shunga majbur boʻldik.
- Bobirning boshqa klubga oʻtib ketishi bizni ajablantirdi. Uning qolishi haqida maʼlumotlar chiqib turganda u toʻsatdan boshqa jamoaga oʻtib ketdi. Aslida avvallari Cheran va Bobir tandemi koʻpgina hollarda oʻzini oqlagandi.- Bobir Belarus, Qozogʻiston va Oʻzbekiston chempionatlarida oltin medallarni qoʻlga kiritdi. Balki endi Ozarboyjon chempionligini ham qoʻlga kiritmoqchi boʻlgandir-da (kuladi). U ham boshqa jamoa bilan shartnoma qilgach, biz jamoamizga Husaynni taklif qildik. Oʻylaymanki hozirgi hujumchilarimiz ham raqib himoyachilariga yetarlicha xavf tugʻdira olishadi. Bobirga esa omad tilayman!
📹
https://youtu.be/26f87RJXsf0📱
@fcnasaf
