NamDU «Press klub»

SIRTQI BO‘LIMDA IKKI MUHIM SANAGA BAGʻISHLANGAN TADBIR BO‘LIB O‘TDI

Namangan davlat universitetining sirtqi bo‘lim yurisprudensiya yo‘nalishi talabalari tomonidan O‘zbekiston Respublikasi Davlat madhiyasi qabul qilingan kunga bag‘ishlanib tantanali tadbir tashkil etildi.

Bayram tadbiri davlatimiz madhiyasi ijrosi bilan boshlandi.
Darhaqiqat, madhiyamiz 32 yildirki, ozod va obod, erkin va farovon Vatanimizda or-nomus, hurlik va g‘urur qo‘shig‘i sifatida yangrab kelmoqda.

Tadbirda davlat madhiyasining qabul qilinishi tarixi, mazmun-mohiyati va shu haqdagi qonun normalari haqida talabalarga batafsil ma’lumotlar berildi.
Shuningdek, tadbirda 1948 yil 10 dekabrda qabul qilingan “Inson huquqlari umumjahon deklaratsiyasi” haqida ham so‘z yuritildi.

Bu borada yurisprudensiya yo‘nalishi katta o‘qituvchisi, professor Ozodaxon Chubayeva qimmatli fikr va ma’lumotlarni keltirdi.

Talabalar o‘zlarini qiziqtirgan savollarga javob oldilar. Tadbir barchada katta taassurot qoldirdi.

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub

ҲАМДАРДЛИК

Вилоят жисмоний маданият ва спорт соҳаси оғир жудоликка учради. Бутун ҳаёти ва меҳнат фаолиятини спорт соҳаси ривожига бағишлаган таниқли мураббий, енгил атлетика бўйича қатор халқаро турнирлар ғолиби, Ўзбекистонда хизмат кўрсатган ёшлар мураббийи Людмила Музаффарова бугун - 6 декабрь куни 75 ёшида вафот этди.
Людмила Музаффарова 1949 йилнинг 17 июлида Наманган шаҳрида туғилди. У умрини жисмоний тарбия ва спорт соҳасида малакали кадрлар тайёрлашга сарфлади.
Людмила Музаффарова тажрибали педагог сифатида фидокорона меҳнат қилди. 50 йилдан зиёд давом этган иш фаолияти мобайнида бой билим ва ҳаётий тажрибасини, куч-ғайратини етук кадрлар тайёрлаш ишига бағишлади. У ўз соҳасининг ҳақиқий билимдони, меҳнатсевар, камтарин ва ватанпарвар инсон сифатида таълим тизимини ривожлантиришга муносиб ҳисса қўшди. Ёшларни она-юртга муҳаббат ва садоқат руҳида тарбиялашда жонбозлик кўрсатди.
Тажрибали мураббий кўплаб иқтидорли шогирдлар тайёрлаб, спорт соҳасини малакали кадрлар билан таъминлаш борасида ҳам ибрат намунасини кўрсатди.
Фидокор, шижоатли, жонкуяр мураббий сифатида шогирдлар меҳрини қозонди.
Наманган давлат университети жамоаси устоз Людмила Музаффарованинг вафоти муносабати билан унинг оила аъзолари ва яқинларига чуқур таъзия изҳор этади.
Марҳуманинг охирати обод бўлсин. Людмила Музаффарованинг ёрқин хотираси қалбимизда ҳамиша сақланиб қолади.

С. Турғунов, Д. Холматов,
Н. Деҳқанов, Р. Имомов,
Т. Файзуллаев

Наманган давлат университети
«Пресс клуб»

Namangan davlat universiteti sirtqi bo‘limida Konstitutsiya qabul qilingan kun munosabati bilan tadbir bo‘lib o‘tdi

Ayni kunlarda mamlakatimizda O‘zbekiston Respublikasi Konstitutsiyasi qabul qilinganining 32 yilligi keng nishonlanmoqda.
Jumladan, Namangan davlat universitetining sirtqi bo‘limi talabalari tomonidan ham «O‘zbekiston Respublikasi Konstitutsiyasi - erkin va farovon hayot garovi» shiori ostida tadbir tashkil etildi.

Tadbirda Yangi tahrirdagi O‘zbekiston Respublikasi Konstitutsiyasi mazmun-mohiyati, Bosh Qomusimizning xalqimiz farovon hayoti, fuqarolarimiz haq-huquqlari muhofazasidagi ahamiyati haqida so‘z bordi.

Tadbirda so‘zga chiqqan o‘qituvchi va talabalar Qomusimiz - xalqimiz irodasini o‘zida ifoda etib, mamlakatimiz mustaqilligi, huquq va erkinliklarimiz, burch va majburiyatlarimizning qonuniy asosi, mustahkam kafolati ekanligi, uning har bir moddasida milliy va umuminsoniy qadriyatlar, xalqimiz manfaatlari aks etganligi, Konstitutsiyamizni o‘rganish, uning moddalarini o‘z hayotiga tadbiq etish har bir fuqaroning burchi ekanligi xususidagi mulohazalarini bayon etdilar.

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub

Наманган давлат университети профессорларининг мақолалари дунёнинг энг нуфузи баланд журналида чоп этилди

Наманган давлат унверситетининг физика кафедраси профессорлари - Фозилжон Байматов, Аброржон  Давлатов ва Баҳромжон Абдулазизовларнинг илмий мақолалари дунёдаги энг нуфузли журнал -  «Scopus» базасидаги Q2 кварталиги кирувчи журналда чоп этилди.

Бу ўтган бир ойда чоп этилган иккинчи мақолалар бўлса, йил бошидан буён Q1 ,Q2 вa Q3 кварталидаги журналларда нашр этилган мақолалар сони ўн бештадан ортди. Жаҳоннинг энг кучли олимлари фойдаланадиган ва кузатиб борадиган журналлардаги чиқишлар Наманган давлат университетида халқаро алоқаларнинг мустаҳкамланиб бораётганидан ва университет олимларининг наноструктуралар йўналишида ҳам кучли салоҳиятга эга эканлигидан далолат беради.

Қолаверса, буни ўтган ойда Наманган давлат университетида ўтказилган «Физиканинг замонавий муаммолари ва ривожланиш истиқболлари» мавзусидаги халқаро анжуманнинг амалий натижаси дея баҳолашимиз ҳам мумкин. Эътиборлиси, юқоридаги журналлар «Web of seines»,  «Scopus va Springer» базаларида индексацияланади.

Профессорларимизни бундай юксак муваффақият билан табриклаймиз!

Батафсил

Батафсил

⌛ Наманган давлат университети
«Пресс клуб»

➡️Каналга обуна бўлинг
😀https://t.me/namdupressklub

Namangan davlat universiteti boshlang‘ich ta’lim yo‘nalishi sirtqi bo‘limida «Xalqaro nogironlar kuni»ga bag‘ishlanib tadbir o‘tkazildi

Oramizda nogironligi bo‘lgan shaxslar ozmuncha emas. Ular ham sog‘lom insonlar bilan bir xil huquqlarga ega. Ularning ko‘nglini ko‘tarish, ular doimo e’tibor va mehr og‘ushida ekanini yana bir bor ta’kidlash maqsadida mamlakatimizda har yili 3 dekabr sanasi «Xalqaro nogironlar kuni» keng nishonlanadi.
Darhaqiqat, nogironligi bo‘lgan kishilar uchun ochiq va do‘stona bo‘lgan jamiyat qurish - davlatimiz siyosatining asosiy yo‘nalishlaridan biri.

“Xalqaro nogironlar kuni”ga bag‘ishlanib, bugun Namangan davlat universitetining sirtqi bo‘lim boshlang‘ich ta’lim yo‘nalishi 5-bosqich talabalari tomonidan «Sizning borligingizning o‘zi baxt!» nomli tadbir o‘tkazildi.

Tadbirda nogironlarga ijtimoiy yordam ko‘rsatish, moddiy va ma’naviy qo‘llab-quvvatlash, ularning jamiyatda o‘z o‘rinlarini egallashlariga imkoniyat yaratish borasida respublikamizda amalga oshirilayotgan ishlar, bu borada Prezidentimiz tomonidan nogironlarga ko‘rsatilayotgan g‘amxo‘rlik, keng jamoatchilikning ham bu savobli ishlarda faol ishtiroki sezilayotganligi haqida so‘z bordi.

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub

ОАВ - биз ҳақимизда

«Тиббиёт ва замон» журналида тиббиёт факультети фаолияти ёритилди

Вилоят соғлиқни сақлаш бошқармаси муассислигида чоп этилаётган «Тиббиёт ва замон» журнали Наманган давлат университети тиббиёт факультетининг яқин ҳамкори ҳисобланади.

Журналнинг шу йил 5-сонида тиббиёт факультети фаолиятига доир «Таниқли олим-шифокорлар НамДУ тиббиёт факультетида» ҳамда «Нуронийларни ҳурматлаш - ёшларга ибрат» сарлавҳали мақолаларнинг чоп этилгани фикримиз далили бўла олади.

«Пресс клуб» раҳбари Санжарбек Ҳамидов ва тиббиёт факультети декани маслаҳатчиси Гўзалхон Баятова муаллифлигидаги мақолаларда факультетда таниқли олим-шифокорлар билан бўлиб ўтган эътиборга молик учрашувлар ва «Кексалар ҳафталиги» доирасида эзгу ишлар ҳақида батафсил сўз юритилган.

⌛ Наманган давлат университети
«Пресс клуб»

➡️Каналга обуна бўлинг
😀https://t.me/namdupressklub