NAMANGAN SHAHAR YURIDIK MARKAZ

#Қонунчиликдаги_янгиликлар

❗️Рақамли далиллар билан ишлаш тизими такомиллаштирилади

Президент томонидан имзоланган Қонун (ЎРҚ-1003-сон, 21.11.2024 й.) билан Ўзбекистон Республикасининг айрим қонун ҳужжатларига рақамли далиллар билан ишлаш тизимини такомиллаштиришга қаратилган ўзгартириш ва қўшимчалар киритилди

🔰Қонун билан айрим кодексларга рақамли далиллар тушунчасини, рақамли далилларни тўплаш, тақдим этиш, мустаҳкамлаш, кўздан кечириш, текшириш ва баҳолаш, уларни сақлаш, қайтариш ҳамда йўқ қилиш тартибини белгиловчи ўзгартириш ва қўшимчалар киритилмоқда.

🗓Шунингдек, қонунчиликда рақамли далилларни гувоҳлантириш ва уларни текшириш тартиби назарда тутилмоқда.

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар

❗️Ота-она қарамоғидан маҳрум бўлган ёшлар давлат фуқаролик хизматига танловсиз қабул қилинади

🔰Фармон билан 2025 йил 1 мартдан бошлаб ёлғиз она (ота)га бир нафар фарзанди учун бола(лар) 3 ёшга тўлгунига қадар мактабгача таълим хизматидан фойдаланиш учун БҲМнинг 1 ярим бараваригача (562 минг 500 сўмгача) миқдорда моддий ёрдам берилади. (бунда моддий ёрдам эгизакларнинг ҳар бири учун берилади)

✅2025 йил 1 февралдан бошлаб:

➖оилавий болалар уйини ташкил этиш учун оиланинг эр ва хотиндан иборат тўлиқ оила бўлиши талаби бекор қилинади;

➖30 ёшга тўлган фуқароларга оилавий болалар уйини ташкил этишга рухсат этилади;

➖ижтимоий ҳимояга муҳтож болалар оилага тарбияга (патронат) фақат уларнинг қариндошларига берилади;

➖етим болалар ва ота-она қарамоғидан маҳрум бўлган болаларнинг яшаш харажатлари, оилавий болалар уйини ташкил этган фуқароларга болани тарбиялагани (парваришлагани) учун ажратиладиган маблағлар тарбияланувчилар умумий ўрта, ўрта махсус ва бошланғич профессионал таълим муассасаларини тамомлагунига қадар берилади.

⚖️Фармон билан “Инсон” марказлари боланинг соғлиғини тиклаш ва реабилитацияси учун қўшимча харажатларни бола фойдасига ундириш бўйича судга мурожаат қилганда давлат божини тўлашдан озод этилди.

📃Эндиликда алимент тўлаётган ота ёки онанинг моддий аҳволидан қатъи назар давлат ёки нодавлат муассасаларнинг тўлиқ таъминотида бўлган вояга етмаган болага тўланаётган алимент миқдорини суд томонидан камайтириш ёки уни алимент тўлашдан озод қилинмайди.

🎓Олий таълим муассасаларини тамомлаган етим ва ота-она қарамоғидан маҳрум бўлган ёшлар давлат фуқаролик хизматига танловсиз қабул қилинади.

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар

❗️Ҳомиладор аёллар учун “Оналар маскани” хизмати йўлга қўйилади

“Болаларни ижтимоий ҳимоя қилиш тизимини янада такомиллаштириш чора-тадбирлари тўғрисида”ги Президент Фармони (ПФ-185-сон, 14.11.2024 й.) қабул қилинди

🔰Фармонга кўра, 2025 йил 1 январдан бошлаб:

➖меҳрибонлик уйлари ва болалар уйларига кам таъминланган оилаларнинг фарзандларини вақтинчалик қабул қилиш тартиби бекор қилинади;

➖етим ва ота-она қарамоғидан маҳрум бўлган ёшларга таълим олиш, бандлигини таъминлаш, даволаниш ҳамда уй-жой шароитларини яхшилаш учун ижтимоий ёрдам кўрсатилади;

➖тутинган ота-оналарни тайёрлаш курсларига етим болалар ва ота-она қарамоғидан маҳрум бўлган болаларни фарзандликка олиш истагини билдирган номзодлар ҳам қамраб олинади;

➖босқичма-босқич Андижон вилояти, Тошкент шаҳри ҳамда Самарқанд вилоятида кичик ҳажмли болалар уйи ташкил этилади;

➖“Меҳр дафтари” жамғармалари тугатилади.

🗓2025 йил 1 февралдан бошлаб фарзандини тарбиялашдан воз кечмоқчи бўлган оналар, шу жумладан, ҳомиладор аёллар учун болалар уйларида “Оналар маскани” хизмати йўлга қўйилади.

➡️“Оналар маскани”да:

🔹оналар ва уларнинг болалари (4 ёшга тўлмаган) 1 йилгача бўлган муддатга ижтимоий шартнома асосида вақтинча бошпана билан таъминланади;

🔹ижтимоий, ҳуқуқий, психологик ва тиббий хизматлар кўрсатилади, оналик ва касбий кўникмалар шакллантирилади;

🔹оналарнинг касб-ҳунар эгаллаши ва бандлигини таъминлашга кўмаклашади.

Каналга уланиш👇👇👇
https://t.me/huquqiyaxborot

● Конституция сўзнинг маъноси нима?
Конституция — лотинча сўз бўлиб, constitutio — «тузилиш», «тузук» деган маънони англатади ва давлатнинг асосий қонуни ҳисобланади. Конституция давлат тузилишини, ҳокимият ва бошқарув органлари тизимини, уларнинг ваколати ҳамда шакллантирилиш тартиби, сайлов тизими, фуқароларнинг ҳуқуқ ва эркинликлари, шунингдек, суд тизимини белгилаб беради. Конституция барча жорий қонунларнинг асоси ҳисобланади.
● Конституция қачон қабул қилинган?
Ўзбекистон Конституцияси 1992-йил 8-декабрь куни Ўзбекистон Республикаси Олий Кенгашининг 11-сессиясида қабул қилинган. Шу кундан эътиборан, 8 декабр, ҳар йили Ўзбекистонда Конституция куни сифатида нишонланиб келинади.
● Янги таҳрирдаги Конституция қачон қабул қилинган?
2023-йилнинг 30-апрел куни Ўзбекистонда Конституцияни янгилаш мақсадида умумхалқ референдуми бўлиб ўтди. Унга кўра, референдумда 19 722 809 нафар фуқаро, яъни, овоз бериш ҳуқуқига эга фуқароларнинг 84,5 фоизи иштирок этган. Янги Конституция 2023-йилнинг 1 май санасидан кучга кирган.
● Конституция неча моддадан иборат?
Янги таҳрирдаги Конституция 6 бўлим, 27 боб ва 155 моддадан иборат. Унинг таркибий тузилиши эса, қуйидагича:
-Муқаддима;
-Биринчи бўлим. Асосий принциплар;
-Иккинчи бўлим. Инсон ва фуқаронинг асосий ҳуқуқлари, эркинликлари ва бурчлари;
-Учинчи бўлим. Жамият ва шахс;
-Тўртинчи бўлим. Маъмурий-ҳудудий ва давлат тузилиши;
-Бешинчи бўлим. Давлат ҳокимиятининг ташкил этилиши;
-Олтинчи бўлим. Конституцияни ўзгартириш тартиби.

❇️ Олий Мажлис йиғилишида мамлакат президент томонидан янги Ўзбекистон янги парламенти билан бирга ўз тараққиётининг ҳал қилувчи босқичига қадам қўяётганини таъкидлади. Бу янги даврда кечаги талаб ва мезонлар билан, эскича ишлаб бўлмаслиги қайд этилди. Шу боис ҳукумат ўз фаолиятини мутлақо янгича асосда ташкил этиши керак, бунинг учун унга кучли раҳбар, яъни, бош вазир зарур.
❇️ Давлат раҳбари бу масалани атрофлича ўйлаб, Ўзбекистон Республикаси бош вазири лавозимига Абдулла Ниғматович Арипов номзодини кўрсатишга қарор қилганини айтди.
❇️ Ушбу номзод бугун ҳукумат олдига қўйилган, кўлами ва миқёси бениҳоя катта бўлган муҳим вазифаларни ҳал этишда Вазирлар Маҳкамаси фаолиятини самарали ташкил қилиши, ҳукумат аъзолари, вазирлик ва идоралар раҳбарларини бирлаштириб, ягона мақсад сари сафарбар эта олишига ишонч билдирилди.
❇️ Президент Абдулла Арипов номзодини депутатлар муҳокамасига тақдим этди.
❇️ Арипов Вазирлар Маҳкамасининг яқин муддатга ва узоқ истиқболга мўлжалланган ҳаракатлар дастурини тақдим этди.
❇️ Депутатлар ва фракциялар раҳбарлари сўзга чиқиб, номзод ва дастур юзасидан ўз фикрларини билдирди.
❇️ Номзод ва Ҳукуматнинг дастури кўриб чиқилгач, Бош вазир лавозимига номзодни маъқуллаш масаласи овоз беришга қўйилди.
❇️ Яширин овоз бериш йўли билан депутатлар Абдулла Ариповни Ўзбекистон Республикаси Бош вазири лавозимига маъқуллади.
❇️ Эслатиб ўтамиз, 63 ёшли сиёсатчи 2016-йил 13-сентярдан буён Ўзбекистон Ҳукуматини бошқариб келмоқда.

❇️ Ҳужжатда таъкидланганидек, сўнгги йилларда амалга оширилаётган профилактик тадбирларга қарамай, пробация назоратида бўлган шахслар томонидан содир этилаётган ҳуқуқбузарликлар ошиб бораётгани кузатилмоқда. Бу эса ушбу йўналишда ҳуқуқий таъсир чораларини қайта кўриб чиқишни талаб этмоқда.

❇️ Маъмурий жавобгарлик тўғрисидаги кодексга маъмурий ва пробация назоратида бўлган шахсларга нисбатан таъсир чораларини кучайтиришни назарда тутувчи ўзгартиш ва қўшимчалар киритилмоқда. Хусусан, 206-модда билан маъмурий назорат ўрнатилган шахс томонидан маъмурий назорат қоидаларини бузиш – 1 БҲМдан 3 БҲМгача жарима ёки 15 суткагача маъмурий қамоқ жазосига тортилиши белгиланди.

❇️ Бундан ташқари, пробация назоратида бўлган шахслар томонидан ҳуқуқбузарликлар содир этилишининг олдини олиш бўйича тезкор ва самарали чораларни таъминлаш учун ички ишлар органлари пробация бўлинмалари ходимларига қўшимча ваколатлар берилди. Энди улар маъмурий ҳуқуқбузарлик тўғрисидаги ишларни кўриб чиқиш ва ички ишлар органлари номидан маъмурий жазо чораларини қўллаш ҳуқуқига эга.

❇️ Ҳужжат Қонун ҳужжатлари маълумотлари миллий базасида эълон қилинган ва 15.11.2024 йилдан кучга кирди.

❇️ Қонун билан қуйидагилар белгиланган:
●Омбудсман фаолиятининг асосий тамойиллари;
●Омбудсман лавозимига номзодга қўйиладиган талаблар;
●сайлаш тартиби;
●Омбудсманнинг асосий вазифалари, ҳуқуқлари, мажбуриятлари ва фаолият кафолатлари;
●Омбудсман томонидан мурожаатларни кўриб чиқиш тартиби.

❇️ Омбудсманнинг асосий вазифалари:
●инсон ҳуқуқлари, эркинликлари ва қонуний манфаатларига оид давлат сиёсатини амалга оширишда иштирок этиш;
●ташкилотлар ва мансабдор шахслар томонидан инсон ҳуқуқлари ва эркинликлари тўғрисидаги қонун ҳужжатларига риоя этилиши устидан парламент назоратини амалга ошириш;
●жисмоний ва юридик шахсларнинг инсон ҳуқуқлари, эркинликлари ва қонуний манфаатлари бузилиши тўғрисидаги мурожаатларини кўриб чиқиш;
●инсон ҳуқуқлари ва эркинликлари тўғрисидаги қонун ҳужжатларининг амалиётда татбиқ этилишини ўрганиш ва уларни такомиллаштириш юзасидан таклифлар тайёрлаш;
●махсус муассасаларда қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш ҳолатларининг олдини олиш бўйича тегишли чоралар кўриш;
●аҳоли ўртасида инсон ҳуқуқлари ва эркинликлари тўғрисидаги халқаро ва миллий қонун ҳужжатлари нормаларини тарғиб қилиш;
●инсон ҳуқуқлари ва эркинликлари соҳасида халқаро ҳамкорликни ривожлантириш.

❇️ Ҳужжат Қонун ҳужжатлари миллий базасида эълон қилинган ва 18.11.2024 йилдан кучга кирди.