Namangan viloyat prokuraturasi

Уйчи туманида Ўзбекистон Республикаси Президентининг 03.01.2025 йилдаги “2025 йилда Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги
ПҚ-1-сонли қарори ижроси юзасидан муайян ишлар амалга оширилмоқда.

Хусусан, вилоят прокуратураси бўлим бошлиғи А.Низамов, туман прокурори ўринбосари О.Жураев ва бошқа масъул ташкилот раҳбарлари томонидан “Овчибулоқ” ва “Ўнҳаят” МФЙларда содир этилган жиноятлар муҳокама қилиниб, ижтимоий профилактикани амалга оширувчи шахсларга тушунтиришлар берилди.

Назорат тадбирлари давом эттирилмоқда.

Бугун Тўрақўрғон тумани прокурори А.Юсупов 2-сектор ҳудудидаги Ширинбулоқ маҳалласида аҳоли вакиллари билан сайёр қабул ўтказди.
Унда фуқаролар томонидан ободонлаштириш, моддий ёрдам ажратиш, кредит ҳамда бошқа соҳаларга оид муаммо ва таклифлар билдирилди.

Мурожаатларнинг асосий қисми қабул давомида жойида қаноатлантириш ва тушунтириш бериш орқали ҳал этилди. Қўшимча ўрганиш ва муддат талаб этадиган мурожаатлар бўйича чора-тадбирлар белгилаб олинди.

Шунингдек, маҳаллада 14-30 ёшдаги ёшлар ўртасида ўтказилган ҳатлов жараёнида хорижга ишлаш учун чиқишни режа қилган ёшлар билан суҳбатлашилди.

Туман прокурори томонидан ёшларга миграция масаласидаги ўзгаришлар, айниқса, чет элда ишлаш истагидаги фуқаролар, аввало, ўша давлатнинг тили, қонунларини билиши, халқнинг урф-одат ва анъаналарини ҳурмат қилиши зарурлигини, дунё миқёсида турли келишмовчиликлар юз бераётган бир пайтда огоҳ ва ҳушёрликда юришлари лозимлиги тушунтирилди.

Норин туманида жиноятчиликка қарши кураш ва ҳуқуқбузарликларни олдини олиш борасида тарғибот тадбирлари ўтказиб борилмоқда.

Шундай тадбирлардан бири Норин тумани "Қўшариқ" МФЙ ҳудудида ўтказилиб, маҳалла ҳудудида содир этилган жиноят ва ҳуқуқбузарликларни келиб чиқиш сабаблари муҳокама қилинди.

Унда туман прокурори А.Турғунов ва масъул ташкилотлар рахбарлари, маҳалла фаоллари ҳамда кенг жамоатчилик вакиллари иштирок этдилар.

Муҳокамада жиноятчилик ва ҳуқуқбузарликларнинг келиб чиқиш сабаблари ҳамда уларнинг салбий оқибатларини бу жойда иштирок этганларнинг барчаси оила аъзолари, қариндош-уруғлари ҳамда таниш-билишларига ибрат олиш мақсадида етказишлари кераклиги таъкидланиб,  мутасаддиларга тавсиялар берилди.

Бугун Янгиқўрғон туман прокурори О.Рахмонов томонидан “Гулистон“ маҳалласида яшовчи фуқаролар билан оммавий сайёр қабул ўтказилди.

Қабулда 10 нафар фуқароларнинг моддий ёрдам олиш, бандлигини таъминлаш ва ичимлик сув таъминоти масалалари бўйича мурожаатлари тингланди.

Сайёр қабул натижасида 3 нафар фуқаролар мурожаатлари ижобий ҳал қилиниб, 7 нафарининг мурожаатини ўрганиш учун мутасадди ташкилотларга юборилиб, ижроси назоратга олинди.

Давлат раҳбарининг ташаббуси билан мамлакатимиз бўйлаб кенг кўламда ўтказилаётган “Яшил макон” умуммиллий лойиҳаси доирасида Наманган вилоятининг барча ҳудудларида баҳорги дарахт экиш мавсумига тайёргарлик ишлари жадаллик билан олиб борилмоқда.

Бугун вилоят прокурорининг ўринбосари А.Нурматов томонидан Тўрақўрғон ва Чуст туманларида лойиҳа доирасида ташкил этилган “яшил белбоғ”лар ва баҳорги мавсумда кўчат экиш ишларига тайёргарлик жараёнлари кўздан кечирилиб, якуни бўйича мутасаддиларга тегишли кўрсатмалар берилди.

Президентимиз томонидан 2025 йил “Атроф - муҳитни асраш ва яшил иқтисодиёт йили” - деб эълон қилинганлиги муносабати билан “Тўрақўрғон” иссиқлик электр станцияси ҳамда “Наманган цемент” МЧЖлар томонидан замонавий чанг-газ тозалаш ускуналари ва қуёш панели ўрнатилиши соҳа мутахассислари билан биргаликда ўрганилди.

Ҳозирда вилоят прокуратураси томонидан экология соҳасидаги амалий ишлар давом эттирилмоқда.

Ўзбекистон Республикаси Президентининг 23.09.2024 йилдаги “Камбағалликни қисқартириш ва аҳоли турмуш фаровонлигини ошириш борасидаги чора-тадбирларни янги босқичга олиб чиқиш тўғрисида”ги ПФ-143-сонли Фармони ижроси юзасидан Чортоқ тумани прокурори З.Бойзоқовга бириктирилган “Истиқлол” МФЙда яшовчи 5 та оилаларнинг яшаш ва оилавий шароитлари ҳамда эҳтиёжлари ўрганилди.

Ўрганишда аниқланган муаммоларни ҳал этиш бўйича масъулларга топшириқлар берилди.