Muhammadsodiq || blog

Cash flow

O'zi bu o'yinni o'ynashni boshlaganimga ko'p bo'lmadi, atiga 2 tagina o'yinda qatnashdim. Lekin shu 2 tagina o'yinning o'zi yetarli bo'ldi bu o'yinning inson hayotiga ta'sirini anglab yetishim uchun.

Bu o'yindan siz o'zingizning hayotingiz uchun kerak bo'ladigan ko'p narsalar o'rganishingiz mumkin. Aynan o'zim bu o'yin orqali quyidagi skillarni rivojlantirishimga ishonaman:

Avvalo bu o'yindan tez qaror qabul qilishni o'rganishingiz aniq, chunki har bir kartochka ochilgandan so'ng 1 minut vaqt bo'ladi va bu vaqt oralig'ida siz qaror chiqarishingiz kerak. Bu vaqt davomida sizga sheriklaringizdan va kartochkada yozilgan turli xil takliflar tushadi va siz aynan 1 minut ichida barchasini eshitib, hisoblab va o'zingizning financiviy holatingizdan kelib chiqib qaror chiqarishingiz kerak bo'ladi.

Bu o'yindan o'rganiladigan yana bir muhim skillardan biri muzokara olib borish san'ati. Sizda yetarlicha mablag' bo'lmaganda sherikchilik asosida kartochkadagi taklifni qabul qilishingiz mumkin. Sheriklaringiz aynan siz bilan nega sherikchilik qilishi kerakligini ularga tushuntirib, o'zingizga ishontirishingiz kerak.

Pulni boshqarish bu skill nima uchun kerakligini mandan ham yaxshi tushunasiz deb o'ylayman. O'yinda sizning qo'lingizda cashlar bo'ladi va bu orqali siz turli xil aksiyalar, ko'chmas-mulklar, businesslarni sotib olishingiz, vaqti kelsa qimmatroqqa sotishingiz ham mumkin. Bunda siz qanchadan olib, qanchaga sota olishingizni hisoblab 1 daqiqa ichida qaror chiqarishingiz kerak bo'ladi.

Risk qilish bu ko'proq bo'lajak va hozirgi tadbirkorlarga kerak bo'ladigan skillardan biri deb o'ylayman. Bu o'yinda siz turli xil aksiyalarni, ko'chmas-mulklarni ma'lum bir mablag' evaziga sotib olishingiz kerak, lekin aynan siz sotib olgan narxdan yuqoriroq narxga sota olasizmi yoki yo'q bu o'yin davomida aniq bo'ladi. Ya'ni siz risk qilishingiz kerak bo'ladi hattoki hamma pulingizni tikib bo'lsa ham.

Yana bu o'yin orqali siz nafaqat o'zingizdagi soft skillaringizni oshirishingiz mumkin, qolaversa networkingizni ham kuchaytirishingiz mumkin (albatta begonalar bo'lsa o'yinda😉). O'yin davomida siz sheriklaringizning harakterini, muomilasini, soft skillarini kuzatasiz va o'zingiz uchun "Business partnyor" larni tanlashingiz mumkin.

Agar bu o'yinni o'ynab ko'rish niyatingiz bo'lsa @lu_rxs shu accountga murojaat qilishingiz mumkin.




@Nabijonov_Muhammadsodiq
01.02.2025
Toshkent

Aniqlikning ahamiyati

Udevsda IT PM sifatida ish faoliyatimni boshlaganimda, menga bir loyiha topshirildi. Odatda, yangi kelgan PMga "Testing" holatidagi loyihalar berilardi. Menga ham xuddi shunday loyiha berildi.

Loyiha boshqarishda har bir kichik tafsilotga e’tibor berish naqadar muhim ekanligini anglab yetdim. Mijoz bilan ishlashda har qanday berilgan feedback yoki savolni to‘liq tushunib, aniq harakat qilish kerakligini o‘rgandim.

Bir voqea menga ayniqsa katta saboq bo‘ldi. Loyihani mijoz tomondan test qilish davomida, mijozdan bir sahifada "loading" jarayoni uzoq davom etayotgani, shuni tezlashtirish kerakligi haqida feedback oldim. Lekin, shaxsan o‘zim sahifani sekin ishlayotganini sezmadim, odatiy veb-saytlardagi sahifalar kabi ishlayotgandi.

Shunda bir hamkasbim maslahat berdi:
"Qanchalik tez ishlashi kerak ekan, mijoz aniq vaqtni aytdimi?"

Men hayron bo‘lib, "qanchalik tez?" degan jumlani tushunmagan ohangda qayta so‘radim.

"U qanchalik tez ishlashi kerak ekan mijozga? 2-5-10 soniyami? Buni aniq bilmay turib o‘zgartirishga harakat qilish to‘g‘ri bo‘lmaydi," deb tushuntirdi.

Shu vaqtgacha men sahifaning yuklanish tezligini ham tekshirib ko‘rmagan edim. Qancha vaqtda yuklanayotganini aniq bilmasdim.

Shu voqeadan keyin, har qanday feedback, savol yoki e’tiroz haqida qayta-qayta so‘rab, aniq ma’lumot olishni odatga aylantirdim. Bu usul loyihani boshqarishda samaradorlikni oshiradi va muammolarning oldini olishga yordam beradi.




@Nabijonov_Muhammadsodiq
18.01.2025
Toshkent

IELTS oʻqilmaydi olinadi.

Yangi yil kirib kelishi bilan koʻpchilikda yangi yil uchun yangi maqsadlar qoʻyish odat tusiga kirgan. Va bu maqsadlar orasida IELTS olish doim muhim prioritetga ega bo'lib kelgan.

Lekin IELTS ga tayyorgarlik koʻrayotganda koʻpchilik yoshlar orasida notoʻgʻri streotiplar shakllanib qolgan.

Avvalo IELTS soʻzi qayerdan kelib chiqqanini bilib olishimiz kerak. IELTS - International English Language Testing System. Ya'ni ingliz tilini bilish dajarasini aniqlab beradigan tizim.

Koʻpchilik yoshlar IELTS dan yuqori ball olaman deb faqatgina IELTS materiallarini tinmasdan koʻrib chiqishadi. Ya'ni maʼlum bir qolibga moslashtirilgan tizimda tayyorlanishadi va oʻzlariga kerakli boʻlgan yuqori ballni ham olishlari mumkin.

Lekin IELTS certifikati, sizning ingliz tili bilimingizni tekshirib beradigan, oddiy bir qog'oz xolos. Oddiy bir qog'ozga tayyorlanish kerak emas deb hisoblayman, ingliz tilini o'rganing va o'zingizning bilimingizni IELTS orqali aniqlab oling.

Ingliz tili faqatgina IELTS dan iborat emas. Ingliz tili bu - real hayotda ham har qanday mavzuda ingliz tilida gaplasha olishingiz, ingliz tilida hazillar qila olishingiz va hk.

Baʼzi bir tanishlarim bor 6.0, 6,5 olishgan IELTS dan, lekin daily englishda ular ancha qiynalishganini ko'rganman. Ba'zi bir 7.0 olganlarda ham guvohi bo'lganman bunday holatlarni.

Nega chet ellarda yashab, o'qib kelganlar IELTS dan yuqori ball olishadi? Chunki ular daily Englishda ingliz tilini o'rganishgan, faqatgina IELTS dagi savollarga tayyorlanishmagan. To'g'ri IELTS ga ham tayyorlanishgan faqatgina strukturasini tushunib, bilib olish uchun, imtixonga kirganda qiynalmaslik uchun tanishib chiqishgan.

Nima qilish kerak?
Avvalo IELTS o'qishni to'xtatish kerak, maqsadni faqatgina General English o'rganishga qaratish kerak. Sizning General Englishingiz qancha zo'r bo'lsa shuncha yuqori ball ololasiz IELTS dan.

General Englishni mukammal o'zlashtirib olganingizdan so'ng IELTS ga tayyorlanish muommo bo'lmaydi, ko'p vaqt ham olmaydi o'rtacha 1-1,5 oy ketadi. Chunki sizda boshlang'ich baza mustahkam bo'ladi.

General Englishga nimalar kiradi o'zi:
- English Grammar
- Vocabulary
- Reading Comprehension
- Listening skills
- Speaking skills
- Writing skills
- Cultural Understanding

Aynan shu skillarda siz topic based emas, har qanday mavzuda gaplasha olsangiz / yoza olsangiz / eshita olsangiz / o'qib tushuna olsangiz, sizda IELTS olish muommo bo'lmaydi.

Yuqoridagi reading, listening, speaking, writing skillarni rivojlantirish uchun IELTS materiallaridan emas, balki umumiy mavzudagi topiclardan foydalanish maqsadga muvofiq bo'ladi.


P.S: Yuqoridagi barcha fikrlar subyektiv :)



@Nabijonov_Muhammadsodiq
06.01.2025
Toshkent

2024-YIL SARHISOBI

Kirib kelgan 2025-yil barchamizga fayzli, barokatli yil bo'lsin. 2024-yilda erisha olmagan maqsadlarimizga 2025-yilda erishish nasib qilsin.

2024-yil tugab 2025-yilga qadam qo'ygan ekanmiz, har birimiz 2024-yilda nimalarga erishganimizni, nimalar yo'qotganimiz taxlil qilib xulosa chiqarishimiz kerak deb o'ylayman.

Shaxsan o'zim 2024-yilda 2023-yil ohirida qo'ygan maqsadlarimning barchasiga erishmagan bo'lsam ham, mani dunyoqarashimni, fikrlashlarimni, kelajakdagi maqsadlarimni butunlay o'zgartirib yuborgan yil bo'ldi deb ayta olaman. Chunki 2023-yil ohirida ham IT Project Manager (IT PM) sifatida karyeramni davom ettiraman, 2024-yilga qo'ygan maqsadlarimni ham aynan IT PM ga moslab tuzgan edim.

2024-yilning Fevral-Mart oylarida "Yosh Manager" dasturiga qatnashdim va aynan shu dasturdan keyin o'z maqsadlarim haqida chuqurroq o'ylab ko'rdim.

Maqsadlarimni qaytadan tuzib chiqdim va o'zim xoxlagan, o'zim uchun, jamiyat uchun kerakli bo'lgan Ta'lim sohasiga kirishga qaror qildim.

2024-yilda Mart oyining ohirida Astrum IT Academyda IT Project Manager va Project Coordinator sifatida ish faoliyatimni boshladim. Aynan Astrumdagi faoliyatim Astrum o'quvchilari bilan bog'liqligi juda mos kelgandi maqsadlarimga.

Lekin ma'lum bir sabablarga ko'ra Astrumni oktabr oyida tark etdim va faoliyatimni to'liqligicha ta'lim sohasida davom ettirishga qaror qildim. Shu tariqa hozirda o'quv markazda ish boshqaruvchi sifatida o'z faoliyatimni davom ettirmoqdaman.

Xulosa qilib aytganda 2024-yilda o'zimni qaytadan kashf qildim, maqsadlarimni aniqlab oldim va shu maqsadlar tomon harakatlanmoqdaman.

P.S: "Yosh Manager" dasturi haqida alohida post chiqadi😉



@Nabijonov_Muhammadsodiq
01.01.2025
Namangan

"Oliy Maqsad"

Abituriyentlik davrlarimda oldimga qoʻygan eng katta "oliy maqsad" im 1-o'rinda Universitetga grantga kirish edi. Universitetdan keyingi hayotni umuman oʻylamagan ekanman.

Ey doʻstim, oʻz "oliy maqsad" iga erishgan inson sifatida shuni ayta olamanki😉, maqsadni hech qachon kichik qoʻymaslik kerak ekan. Maqsadinga erishgandan soʻng oʻz xayot tarzingni yoʻqotib qoʻyasan. Nima uchun ishlayotganingni, oʻqiyotganingni, yashayotganingni aniqlab ol doʻstim.

Undan tashqari Maqsadni hech qachon moddiyatga bogʻlab qoʻyma birodarim. Maqsad toʻgʻri boʻlsa pul albatta topiladi.

Hozirgi aksariyat tengqurlarimizning "Oliy maqsad" lari moshina olish (Qora Gentra), uy olish, toʻy qilish, uylanish va hk.

Inson bu dunyoda oʻrtacha 60-70 yil yashaydi xolos. Vafot etgandan keyin maqsadlari (moshinalari, uyi) unga hech qanday foyda keltirmaydi. Faqatgina umri davomida qilgan yaxshi amallari orqali vafotidan keyin ham savob olib turadi.

Endi shu kichik amallarni kattallashtirib, koʻpaytirib "Oliy maqsad" ga aylantirsakchi!?

Oliy maqsad qoʻyayotganingizda faqat oʻzingizni, oila-a'zolaringizni oʻylab emas, butun bir jamiyatni, millatni oʻylab maqsadlar qoʻyishingizni soʻrab qolardim doʻstim!

Punktuallik!!!

...
- 10:11: Qaydasiz, qanchada kelasiz kalit yo'q qulf ekan.
- 10:11: Yo'ldaman 10-15 minutda boraman.
- 10:11: Ok, tezroq keling 4 kishi kutib turibmiz sizni.

....

- 10:43: Eshik ochildi🔓.

Hayotning har bir jabhasida punktuallik kerak. Har birimiz og'zimizdan chiqayotgan har bir gapga, har bir so'zga javob bera olishimiz kerak. Shundagina bizning boshqa insonlar oldida hurmatimiz oshadi. Shundagina "O'zbekchilik" degan gap-so'zlar yo'qoladi.

Yaponiya deganda birinchi hayolga kimlar keladi? Albatta tartibli, juda intizomli fuqarolar hayolga keladi.

Qachongacha biz kech qolishlarimizni "o'zbekchilikda" deb bee'tibor qoldiramiz?! "O'zbekchilik" deganda faqat yaxshi xislatlar nazarda tutish vaqti kelgandir balki!!!

XATO!!!

Jahongir Ortiqxo'jayev aytganlaridek bizning har bir qilgan qarorlarimiz xato.

Chunki bir ishni qildik va natijasini oldik, tajriba toʻpladik.

3 yildan keyin oʻsha qarorimizni tahlil qilamiz va 3 yillik tajribamizdan kelib chiqib "bunday qilganimda yaxshiroq boʻlarkan" deymiz.

3 yillik tajribamiz bilan chiqargan qarorimizni 10yillik tajribamiz bilan xatoga chiqaramiz.

Demak bizning har bir qilgan, qilayotgan, qilmoqchi boʻlgan qarorlarimiz xatodir.

Aslida biz xato qarorlar orasida toʻgʻri koʻringanini tanlaymiz.

Qandaydir savollaringiz boʻlsa bemalol berishingiz mumkin,

P.s: Savol egalari anonim, manga ham ko'rinmaydi :(

Sizning g'oyangizni sizdan boshqasi sizchalik qila olmaydi.

Jamiyatga - Faqat oʻzi uchun emas, jamiyatni rivojlantirish uchun harakat qiladigan kuchli kadr kerak;

Ummatga - Kam taʼminlangan oilalarga yordam beradigan, masjidlar qurib beradigan taqvodor boylar kerak;

Ota-onaga - xizmatlariga yaraydigan, solih/soliha farzand kerak;

Doʻstlarga - ogʻir kunida turib bera oladigan chin doʻst kerak;

Turmush oʻrtogʻingizga - xiyonat qilmaydigan, vafodor, sadoqatli erkak kerak.

Bularning barchasi 1 insonda jam bo'lishi kerak, shundagina biz bu dunyodagi missiyamizni bajargan bo'lamiz🙂🙂

Boʻlajak tadbirkor, hech qachon xodim boʻlib ishlay olmaydi :)

Someday something is waiting for me, but not today.

Jack Ma

Bizni o'ldirmaydigan narsa,
Bizni kuchliroq qiladi !!!

O'quv markaz talvasasi

Hozirgi kunda juda koʻp yoshlar ingliz tilini oʻrganish, IELTS olish talvasasida yuribdi. Shunga mos ravishda oʻquv markazlar soni ham kundan kunga koʻpaymoqda. Aslini olganda o'quv markazlar soni koʻpaymoqda xolos, ulardagi oʻqitish tizimi o'quvchilarning ta'lim sifatiga emas, soniga asoslangan holda ish yuritishmoqda.

Qaysi o'quv markazni bilasizki oʻquvchi sonidan koʻra oʻquvchining natijasi haqida koʻproq bosh qotiradi?

Men hozirgacha eshitgan o'quv markazlar ichida faqat 1 tasini ayta olaman, songa emas sifatga e'tibor beradigan. Menimcha bu o'quv markazni vodiylik ko'p yoshlar eshitgan bo'lsa kerak, "Dombit" nomi bilan mashhur "Lang apex" ingliz tili o'quv markazi. "Dombit" o'quv markazini "Dombit" deb obro' yig'ishiga ham kam muddat ketmadi, kamida 4-5 yil ketgan. Bu markazga kamida 18-20 ta guruhlar 1-bosqichga qabul qilinadi, har bir guruhda maximum 12 tadan oʻquvchi boʻladi. Lekin bu oʻquv markazning 6-etapiga atiga 1 ta guruhgina yetib boradi va bu guruhda nechta o'quvchi bo'lishning ahamiyati yoʻq. Bu o'quv markazni 6-etapini bitirib chiqqanlar nafaqat IELTS dan 7,5+ oladi, balki fikrlashi, dunyoqarashi ancha o'sgan bo'ladi. Biologiya, Zoologiya, Anatomiyadan bilimlari TashMIni bitirib chiqqan uncha muncha studentdan yaxshi bo'ladi deb bemalol ayta olaman.

O'quv markazlarda tartibni kuchli qilish kerak deb o'ylayman, 3 marta dars qoldirgan yoki 3 marta vazifa qilib kelmagan o'quvchini quyi bosqichga o'tkazish yoki o'quv markazdan haydash kerak. Sababi vazifa so'ralmagan yoki vazifasi yo'q o'quvchiga 10 minut tik turgizib jazo beradigan joyda hech qachon oʻsish, rivojlanish bo'lmaydi. Chunki tartib bor joyda rivojlanish boʻladi. O'zbekchilik deb ko'z yumish, ko'ngil bo'shlik degan tushunchalar bizni, bizning biznesimizni xonavayron qiladigan tushunchalardir. Tartibni kuchli qilish kerak, unga amal qilmaganlarni jazolash kerak.

@Nabijonov_Muhammadsodiq