Уйқусизлик ширинликка бўлган иштахани 40% га оширади
Мэттью Уокернинг "Нега биз ухлаймиз?" китобидан уйқу ҳақидаги 32 факт
– Ер юзидаги катта ёшдаги инсонларнинг 30% тавсия этилган 8 соатлик уйқуни таъминлашмайди.
– Инсон — ўзини атайлаб уйқудан маҳрум қиладиган ягона жонзот.
– Кофеиннинг ярим чиқиб кетиш даври 6 соатни ташкил қилади. Масалан, соат 18:00 да бир финжон қаҳва ичсангиз, тун ярмида хам у қонингизда бўлади.
– Уйқудан маҳрум қилиш шунчалик зарарлики, буни Гиннеснинг рекордлар китобидан чиқариб ташлашган.
Уйқу ва тикланиш
– Уйқу самарадорлиги ёш билан пасаяди. Бир хил тикланишга эришиш учун ёш ўтиши билан кўпроқ вақт керак бўлади.
– Ухлатувчи препаратлар таъсиридаги "уйқу" тикловчи хусусиятга эга эмас. Уйқу — бу шунчаки уйғоқликнинг йўқлиги эмас; бу вақтда ақл ва танани тикловчи жараёнлар содир бўлиши керак.
– Бир неча кунлик уйқусизликни дам олиш кунлари ёки таътилда қоплаб бўлмайди. Масалан, 4 кун 6 соатлик уйқудан кейин тикланиш учун 3 кун 8 соатдан ортиқ уйқу керак бўлади.
Уйқу ва очлик ҳисси
– Уйқусиз инсон очликни тез-тез ҳис қилади. Йил давомидаги уйқусизлик ортидан 10-15 кг. дан ортиқ вазн йиғиб олиш мумкин.
– Уйқусизлик ширинликка бўлган иштахани 40% га оширади.
Уйқу ва ўқиш
– Дарсдан олдинги сифатли уйқу мияни ўқишга тайёрлайди.
– Дарсдан кейинги уйқу эса билимларни тўғри сақлашга ёрдам беради. Узоқ муддатли хотира учун янги нарсани ўргангандан кейин 3 кунлик тўлиқ уйқу керак.
– Янги жисмоний кўникма тўлиқ уйқудан кейин 30% яхшироқ эсга тушади.
Уйқу ва соғлиқ
– Яхши уйқу шамоллаш эҳтимолини сезиларли даражада пасайтиради.
– Суткада 6 соатдан кам уйқу юрак касалликлари хавфини 300% га оширади.
– Юнонлик катталар ўртасида ўтказилган тадқиқотлар шуни кўрсатадики, сиеста (қайлула уйқуси ) йўқолганда юрак касалликлари туфайли ўлим хавфи 37% га ошиб боради.
– Уйқуни етарли бўлмаслиги диабет хавфини оширади.
– Парҳез вақтидаги сифатсиз уйқу мушак массасининг катта қисмини йўқотишга ва ёғни эса кам йўқолишига олиб келади.
– Уйқусизлик ошқозон- ичак тизими муаммоларини кучайтиради ва зарарли ичак бактерияларининг ўсишини қўзғовчи кортизол даражасини оширади.
– Ҳафта давомида кунига 5 соатгача бўлган уйқуга чеклов қўйиш эркакларда тестостерон даражасини пасайтиради ва уларни 10-15 йилга "қаритади".
– Аёлларда ҳайз циклининг нотўғри бўлиши, бепуштлик ва биринчи уч ойликда ҳомила тушиш эҳтимоли сезиларли даражада ортади.
– Бир кеча 4 соатлик уйқусизлик рак ҳужайраларига қарши курашадиган киллер ҳужайралар миқдорини 70% га камайтиради.
– Уйқу етарли бўлмаган сичқонларда рак 200% га тезроқ ривожланган.
– Каламушларда тўлиқ уйқусизлик очлик каби тез ўлимга олиб келган.
– Ухлатувчи воситалар мияга салбий таъсир кўрсатади ва уйқуни аслида яхшиламайди.
Уйқу ва жароҳатлар
– Уйқу қисқаргани сари жароҳат олиш эҳтимоли ошади.
– Бир кеча уйқусизлик диққатни йўқотиш ҳолатларини 400% га оширади.
– АҚШда 1,2 миллион автоҳалокат уйқусиз ҳолда ҳайдаш туфайли содир бўлади.
СИФАТЛИ УЙҚУ
– Сифатли уйқу инсонни жисмонан кўркамроқ ва соғломроқ қилиши илмий исботланган.
– Тушлар тунги терапия вазифасини бажаради. Кўп тушлар уйқуни 7-8 соатида кўрилади.
– Меъёрий уйқу ҳиссиётларни яхшироқ идрок этишга ёрдам беради.
– Яхши уйқу ижодкорлик ва муаммоларни ҳал қилиш қобилиятини оширади.
Тунингиз осуда ўтсин!
https://t.me/S_Muratova1
