Marketing | Muzaffar Murodov

CustDev haqida post chiqargandim

Uning foydalarini tepadagi postda batafsil yozganman...

Sizga CustDev'da mijozga beriladigan savollar ro'yxati kerak bo'lsa savollar ro'yxatini alohida file ko'rinishda sodda va tushunarli qilib tuzib chiqaman.

🔥 25 ta reaksiya bo'lsa men sizlarga yuboraman))

@muzaffarmurodov_blog

Marketing sohasiga oid top 3 kitob

Marketing siz uchun emas - Agar siz doimiy o‘rganishdan uzoq bo‘lsangiz, O‘z ustingizda ishlamasangiz, Sohaga oid kitoblarni o‘qimasangiz.

Ishoning, bu kitoblar siz xarid qilgan kurslardan ming marta yaxshiroq, aniq ayta olaman, kitob ichidagi ma’lumotlarni siz o‘qigan kurslaringizda sizga o‘rgatishgan)

2025 - yilda o‘z sohangizda top bo‘lishni istasangiz ushbu kitoblarni tavsiya qilaman, Albatta o‘qing!

1. Bir varaqli marketing reja - Aniq rejalar bilan ishlash, Yangi mijozlar topish, Mavjud mijozlarni ushlab qolish, Boshqalardan ajralib turish, Marketing strategiya - kabi aniq bilimlarga ega bo‘lasiz.

2. Buni marketing deydilar - Marketingni sodda va oson tilda tushunish, To‘g‘ri auditoriyani aniqlash, Kimga nimaga sotish, va haqiqiy marketing qanday bo‘lish kerakligi - haqida bilib olasiz.

3. Sarafan marketing - Og‘zaki reklamaning qudrati, Kompaniyalar qanday qilib boshqalarni o‘zlari haqida gapirtirish - kabi mavzular mavjud.

🎁"Bir varaqli marketing reja" kitobini hadya qilmoqchiman, aynan sizga va nega bu kitob kerakligi haqida menga yozing!

@muzaffarmurodov_blog

Ok kelishdik, Marketing strategiya tuzib keling!

Ko‘pchilikni dovdiratib qo‘yadigan mavzulardan biri bu, Marketing strategiya.

Yangi loyiha oldingiz va biznes egasi sizga ok, marketing strategiyasini tuzib keling, keyin ko‘rib chiqib ishni boshlaymiz dedi - ko‘p mutaxassislar shu joyida nima qilishni bilmay qolishadi.

Aynan yangi loyiha olganda ishni nimadan boshlash va marketing strategiya tuzishni ketma-ketlikda o‘rgatmoqchiman.

Siz ham marketing strategiya qanday tayyorlanishini qidirib yurgan bo‘lsangiz "🔥" reaksiya bosing va men uni sizlarga ulashaman.

@muzaffarmurodov_blog

CustDev - mijozlarni o‘rganish qanchalik muhim?

Marketingdagi eng kuchli va samarali instrumentlardan biri bu Cutomer development ya’ni mijozlarni o‘rganish

Sizning biznesingiz yoki loyihangiz bor, shu loyihangizdagi mahsulotlarga mijozlarning fikri qanaqa ekanligini, sizning mahsulotingizdan nimalar kutayotganini bilish uchun CustDev’dan foydalanishingiz kerak

CustDev foydalari:
- Bozorga yangi mahsulot olib kirish
- Bo‘lajak mijozlaringizni yaxshilab o‘rganish, ularning istaklari, og‘riqlari
- Mijozlar bazasini kengaytirish
- O‘z gipotezalaringizni sinovdan o‘tkazish

Ushbu mavzularda sizga judayam foydali bo‘ladi.

CustDevni amalga oshirishning yo‘llari judayam ko‘p, Masalan men ko‘p xollarda oflayn mijoz bilan jonli intervyu ko‘rinishida amalga oshiraman, va bu samarali hisoblanadi

Undan tashqari, Telefonda gaplashish, Zoom uchrashuvlar, Onlayn formalar orqali ham qilib ko‘rsangiz bo‘ladi.

"Iste’molchini eshitayotgan vaqtingizda, ajoyib fikrlar yuzaga keladi"
Jonatan Mildenholl - Coca Cola’laning marketing strategiya va kommunikatsiyalar bo‘yicha sobiq vitse-prezidenti.

Agar qiziq bo‘lsa, CustDev uchun mijozga beradigan savollar ro‘yxatini to'g'ri tuzishni o‘rgataman

@muzaffarmurodov_blog

Target'dan kelayotgan leadlar sifatsiz-mi?

Hozirgi kunda judayam ko‘p bizneslar target reklamasidan foydalanishadi.

Target orqali kelib tushayotgan leadlar sifatsiz yoki qimmat bo‘lishi ko‘p uchramoqda.

Leadlarni qanday qilib sifatli qilish mumkin?

Ro‘yxatdan o‘tish bosqichi (forma) qiyin bo‘lishi kerak, Potensial mijoz formani oxirigacha borib ariza qoldiradi. Potensiali yo‘q mijoz esa formani yarmida qolib ketadi va ariza qoldirmaydi.

Bu bosqichda tushayotgan leadlar qimmat bo‘lishi tabiiy, sababi sizga tayyor filtrdan o‘tib keladi.

1000 ta sifatsiz lead 1$ dan tushgandan ko‘ra
500 ta sifatli lead 2$ dan tushgani sizga har tomonlama yaxshiroq.

Ushbu usulni sinab ko‘ring. Albatta foydasi tegadi.

Marketing sohasidagi tanishlaringizga ushbu postni yuboring.

Tushunarli bo'ldi - 🔥
Tushunarsiz bo'ldi - 🤝

@muzaffarmurodov_blog

Instagramda blogni aktiv tarzda yuritishni boshladim

4 ta yangi post chiqarishga ham ulgurdim)

1. O'zim haqimda, Blog maqsadi
2. Qimmatroq xodim sifatida o'zini sotib, ko'proq pul topish
3. Kambag'allikdan chiqib ketish uchun top sabablar
4. Mijozlarni yo'qolib ketishni oldini olish

Shu 4 ta mavzuda blog'da post tayyor

Instagrma orqali kuzatishni boshlang, eng kerakli va foydali ma'lumotlarni ulashib boraman.

Instagram manzil:
https://www.instagram.com/muzaffarmx

@muzaffarmurodov_blog

Marketing va Savdo bo‘limi

Marketing bo‘limi asosan brendni tanitish, productni tanitish, va undan keyin mahsulotga xohish uyg‘otish orqali yangi leadlar jalb qilinadi.

Lead ikki xil ko‘rinishda bo‘ladi. Onlayn va Oflayn, Call centerga tushgan leadlar bu onlayn hisoblanadi. Sotuv bo‘limiga o‘tkazilgan leadlar esa oflayn.

Call center asosan birlamchi ma’lumotlar berib mijozlarni qizdirib sotuv ofislariga jalb qilish bilan shug‘ullanishadi. Sotuv bo‘limi esa ofisiga tashrif buyurgan mijozlarga mahsulot haqida ma’lumot berib mahsulotni sotishadi.

Ushbu jarayondan kelib chiqib, xulosa qilsangiz bo‘ladi Marketing hamda Savdo bo‘limi qaysi jarayonda qotib qolyabdi?

Marketing‘chilar yangi mijozlarni jalb qilib berolmayaptimi yoki Sotuv bo‘limi kelgan mijozlarga mahsulotni sota olmayaptimi?

@muzaffarmurodov_blog - marketing va sotuv haqida

Qaysi reklama turidan foydalangan yaxshi? Bloger yoki Target

1. Target
Agar sizning mahsulotingiz odatiy, kunlik foydalanadigan, narxi arzonroq bo‘lsa bu holatda sizga target yordam beradi.

Buning yana katta plyus tomoni, sizning reklamaga byudjetingiz ko‘p bo‘lishi shart emas.

2. Bloger
Sizning mahsulotingiz qimmat, luxury bo‘lsa sizga eng yaxshi reklama orqali sotish yo‘li bu to‘g‘ri analiz qilingan blogerlar.

Sababi qimmat mahsulotlar ko‘pincha ishonch orqali sotiladi. Ishonchni rivojlantirish uchun bloger yaxshi yechim

Shohsaroy uylari kompaniyasi uchun marketing strategiyasidan kelib chiqib bloger hamda targetni bir vaqtning o‘zida ishlatamiz, ikkalasi ham yaxshi natija olib keladi.

@muzaffarmurodov_blog

Kambag‘allikdan chiqib ketish uchun 3 ta tavsiya

1. Xarajatlarni qisqarting:
Qancha ko‘p daromad qilsangiz, xarajatlar ham shuncha oshib boraveradi. Agar xarajatlarni kamaytirmasangiz ko‘p pul topsangiz ham foydada bo‘lmaysiz.

2. Yangi bilimlar o‘rganish
Qancha ko‘p yangi bilimlar o‘rgansangiz, O‘z sohangizda kuchli mutaxassis bo‘lib boraverasiz.

3. Ehson qiling.
Allohni va’dasi bor, qancha ko‘p bersang shuncha ko‘p olasan

Yaqinlaringizga ushbu ma'lumotni ulashib qo'ying

@muzaffarmurodov_blog

Boshqalardan bir bosh ustun bo'lish.

1. O’rganishdan hech qachon to'xtamang
Maslahat: Raqobatbardosh bo'lish uchun doimiy ravishda o'qib, yangi sharoitlarga moslashing. O'qish va yangi ko'nikmalarni rivojlantirish uchun vaqt va resurslarni ayamang.

2. Netvorkingning kuchidan foydalaning
Maslahat:Professional aloqalar o’rnating va ularni davomli saqlab boring. Bu sizga trendlarni kuzatib borish, rivojlanish va biznes uchun yangi imkoniyatlarni topish hamda boshqa professionalar bilan hamkorlik qilishda yordam beradi. Konferentsiyalar va vebinarlarda qatnashing, shaxsiy brendingni rivojlantirishni unutmang va imkoniyat bor joyda yangi tanishlar orttiring.

3. Moslashuvchan bo'ling
Maslahat:O'zgarishlarga tayyor bo'lish va yangi sharoitlarga moslashish — kelajakdagi muhim xususiyatlardan biri bo'ladi. Noma'lumlikda ishlashni va tez qaror qabul qilishni o'rganing. Agar kompaniyangiz yangi texnologiyalarni joriy etsa yoki biznes modelini o'zgartirsa, bu o'zgarishlarga ochiq bo'ling va adaptatsiya jarayonida faol ishtirok eting.

4. Emotsional ongni rivojlantiring
Maslahat: Emotsional ong professional muhitda yanada muhim ahamiyat kasb etmoqda. O'zingizning va boshqalarning his-tuyg'ularini tushunish va ularni boshqarish qobiliyati sizga jamoada samarali ishlash va muammolarni hal qilishda yordam beradi. Doimiy ravishda o'zingizni tahlil qilib, muloqot ko'nikmalaringizni yaxshilash orqali hamkasblaringiz va mijozlaringizni yaxshiroq tushunishga harakat qiling.

5. Raqamli ko'nikmalarga sarmoya kiriting
Maslahat:Raqamlashtirish hayotning barcha sohalarini qamrab olmoqda, shuning uchun raqamli vositalar bilan ishlashni bilish va ulardan foydalanish zarurdir. Ish unumdorligingizni oshirish uchun yangi dasturlar va platformalarni o'zlashtiring — vazifalarni kuzatish trekkerlaridan boshlab, sun'iy intellektgacha.

Ustozim: Farhod Kamilov

@muzaffarmurodov_blog

Ustozning o‘rni

Ko‘pchilik mendan qayerda qanaqa kursda o‘qiganim yaxshi? Yoki o‘zim qaysi platforma orqali shu kasbni o‘rganganim ma’qul deb so‘rashadi.

Aslida qanaqa kursda o‘qib chiqib unda ma’lum bir natijaga erishish bu sizning qo‘lingizda.

Siz eng zo‘r qimmat kurslarda o‘qisangiz ham sizda qat’iyat, mas’uliyat degan narsalar bo‘lmasa hech qanday natijaga chiqa olmaysiz.

Birinchi o‘rinda men yaxshi ustoz tanlashni tavsiya qilardim, Sababi o‘zingiz bosib o‘tadigan 1 yillik yo‘lni ustoz bilan siz yarim yilda xatolarsiz bosib o‘ta olasiz.

Ustozning o‘rni hozirgi kunda judayam muhim, Hamma qilgan xatolarni qilib qanchadir vaqtni bekor qilmasligingiz uchun ham ustoz juda muhim.

Yaxshi ustoz tanlab ustoz bergan tavsiyalariga amal qilsangiz yaxshi natijaga erishasiz.

Barcha ustozlarni bugungi bayram bilan tabriklayman.

@muzaffarmurodov_blog

Mijozingiz uchun barchasini osonlashtiring!

O‘zim ko‘p guvohi bo‘lyapman, Ijtimoiy tarmoqlar orqali murojaat qilinsa "ushbu raqamlarga qo‘ng‘iroq qiling", "Direct orqali yozib yuboring" shu kabi so‘zlarga ko‘zim tushib qolayabdi.

Aslini olganda mijoz sizga qo‘ng‘iroq qilishga majbur emas, uning oldida sizga o‘xshagan kompaniyalar judayam ko‘p.

Sentabr oyida qurilish sohasi uchun CustDev (Tadqiqot) o‘tkazdim, mijozlarning sotib olmasligining asosiy sababi bu bozorda raqobatchilar ko‘pligi ekan.

Umuman olib qaraganda ham bu to‘g‘ri, sababi hozirgi kunda raqobatchilar ko‘pligidan qaysi kompaniyadan xarid qilishni bilmay qolishyabdi.

Mijozlaringiz uchun barchasini osonlashtirib bering. Qiyinlashtirish mijozlarni yo‘qotadi.

@muzaffarmurodov_blog

Hamma kabi chegirma bermang!

Bozorda raqobat ko‘payib savdo tushib qolsa, doim chegirma berish istagi paydo bo‘lishi ko‘pchilikka tanish bo‘lib qoldi.

Bu usul judayam ehtiyotkorlik bilan amalga oshirilishi kerak, chunki bu faqatgina daromadlaringizga emas balki, bozorda o‘zingizni ko‘rsatayotgan pozitsiyangizga ham ta’sir ko‘rsatishi mumkin.

Hammaga o‘xshab chegirma berishning o‘rniga nima qilgan ma’qul? Chegirmaning o‘rniga qiymatni oshirish, Turli bonuslar, Qo‘shimcha qiymatlar mijozlar uchun juda katta narsa bo‘lib ko‘rinadi. Lekin sizdan chegirma berganchalik katta xarajat talab qilmaydi.

Eng yaxshi yo‘li test sifatida bir nechta instrumentlarni ishlatib sinab ko‘rish kerak, Oxirida analiz qilsangiz qaysi taklif yoki qiymat mijozlar uchun yaxshi ishlagani bilib olasiz.

Ayni hozirgi kunda ko‘p mijozlar xarid qilib olgandan so‘ng qo‘shimcha qiymat kutib qolishmoqda. Men ham o‘zimning loyihalarimda qo‘shimcha qiymatni ishlatib ko‘rganman va natija bergan.

Qo‘shimcha qiymatning foydasi ko‘p, masalan sotuv jarayonida bo‘lgan kichik muammolarni bartaraf qiladi, yaqinlariga tavsiya qiladi, brendingiz haqida fikri yaxshi tomonga o‘zgaradi vhk.

Hammaga o‘xshab chegirma berishdan qoching.

@muzaffarmurodov_blog

Haddan tashqari ko‘p tanlov berish mijozni yo‘qotadi.

Kolumbiya universiteti olib borgan tadqiqoti buni yaqqol aniqlik bilan ko‘rsatib bergan. Oxirigacha o‘qisangiz foydali bo‘ladi.

Kolumbiyadagi oziq-ovqat do‘konlarda professor va uning yordamchisi rasta tashkil qilib, Murabboning bir necha turidan namuna qo‘yadi.

Ular bir necha soat oraliq bilan 24 xil turini, keyin esa 6 xil turini taqdim etadi.

Mijozlar assortiment hajmidan qati nazar o‘rta hisobda ikkita murabbo turini tatib ko‘radi.

Qiziq jihati shundaki, faqatgina 60 foiz mijoz katta tanlovlarga e’tibor qaratdi, 40 foiz esa oltitalik tanlov oldida to‘xtab o‘tishadi.

Kichik tanlov oldida to‘xtab o‘tgan mijozlarning 30 foizi murabbo sotib oladi. Katta tanlov e’tiborini jalb qilgan mijozlarning faqatgina 3 foizi xarid qiladi.

Mijozga haddan tashqari ko‘p tanlov berish sotuvga xalaqit beradi. Noto‘g‘ri qaror qabul qilishiga bo‘lgan qo’rquv, ikkilanish ularni umuman qaror qabul qilmaslikka majbur qilib qo‘yadi.

Apple kompaniyasining katta muvaffaqiyatga erishgan mahsulotiga e’tibor bersangiz, ularning faqatgina ikkita yoki uchta tanlov asosida mijozga taqdim etilganiga guvoh bo‘lasiz.

@Muzaffarxm

Ko'proq o'qisangiz, Ko'proq daromadli bo'lasiz!

Dunyodagi millioner va milliarderlarning 80% qismi bu - birinchi avlod, ya'ni o'zini kuchi bilan shu darajaga chiqqan.

Qolgan 20% qismiga esa boylik avlodda avlodga ya'ni meros bo'lib qolgan.

Mana shu millionerlardan "Qanday qilib qisqa muddatda bunday katta moliyaviy muvaffaqiyatga erishgansiz" deb so'rashganida…

Ular "Biz kitob o'qiymiz" deb javob berishgan.

Qancha kitob?
Yiliga 50 ta kitob. Bu haftasiga bitta kitob degani.

E'tibor bering. Millionerlar haftasiga 1 ta kitob o'qishyapti.

Bu nimani anglatadi?
O'qish bilan daromad topish o'rtasida bog'liqlik bor.

Ko'p o'qisangiz, ko'p daromad topasiz

@Mahkeling — Marketingni sodda tilda o'rgataman

Nima uchun mashhur brendlar hozirgacha reklama qiladi?

Siz o‘ylashingiz mumkin ular shundog‘am taniqli, lekin nega hozirgacha o‘zlarini reklama qilishadi deb

Gap shundaki katta brendlar qanaqa yo‘l tutish kerakligini biladi. Va doimiy o‘z mijozlariga ko‘rinib turish uchun reklama bilan shug‘ullanishadi.

Doimiy mijozlariga ko‘rinish berib tursa bu ular uchun daromad, Agar mijozlarga ko‘rinish bermay qo‘ysa mijozlarining esidan chiqib ketadi.

Shuning uchun ham siz bilgan eng katta brendlar hozirgacha qimmat reklama kontentlariga pul sarflab keladi.

Sizning ham loyihangiz mijozingizning yodidan chiqib ketmasligi uchun doim ko‘rinib turing.

@Mahkeling — Marketingni sodda tilda o'rgataman