Muzaffar Murodov | blog

Mijozlarni tezroq jalb qilish — targeting

Marketing strategiyasini qildingiz, endi navbat mijozlarni jalb qilishni boshlash.

Tezroq mijozlarni jalb qilish uchun eng yaxshi usul Target instrumentidan foydalanish.

Target uchun reklama kreativ yozishdan boshlaymiz.
Bizning loyiha qurilish kompaniya, "Shohsaroy Uylari" misolida ko‘rib chiqamiz.

Offer yozishdan oldin o‘zingiz taklif qilayotgan loyiha haqida to‘liq ma’lumotga ega bo‘lishingiz va CustDev (mijozlar tadqiqoti) qilgan bo‘lishingiz kerak, vaqt qisqa bo‘lsa CustDevni online so‘rovnoma shaklda ham qilsangiz bo‘ladi.

Bir necha xil offer yozamiz, Shohsaroy Uylari uchun yozilgan video va dizayn offerni bu yerda ko‘rishingiz mumkin.

Target reklamasi uchun offer yozildi. Endi syomka vaqtini belgilab videoni tayyorlash kerak.

Video tayyor, endi targetolog sizning maqsadli auditoriyangizdan kelib chiqqan holda target uchun qisqacha strategiya qilib berishi kerak, kimga sotayotganingizni aniq ko‘rishingiz uchun (strategiya murakkab bo‘lishi shart emas, uni ichida segmentlarni ajratib chiqqan bo‘lsangiz yetarli)

Agar avvalgi target ko‘rsatgichlari sizda bo‘lmasa kamroq byudjet bilan test sifatida yoqib ko‘rganingiz ma’qul.

Target orqali kelayotgan ledlarni agar bo‘lsa CRMga tushirasiz, va uni sotuv bo‘limiga yo‘naltirasiz.

Keyingi qismda sotuv bo‘limida siz olib kelgan ledlar bo‘yicha ulardan hisobot olib, konversiya chiqarishni ko‘rib chiqamiz.

Keyingi chiqadigan post uchun reaksiya qoldirishni unutmang -🔥

@muzaffarmurodov_blog

2024-yilda oldimga qo‘ygan maqsadlarimning deyarli hammasiga erishdim, Alhamdulillah

Lekin post yil sarhisobi haqida emas!

Yaqinda bitta yangi loyiha bo‘yicha loyiha asoschisi bilan gaplashdim.

Yangi reja-maqsad qo‘yish uchun, avval ishlatilgan reklama instrumentlar kerak bo‘ladi.

Shu sababli, eski ishlarini tahlil qilib chiqdim.

Muammo — ishlatilgan instrumentlarda emas, balki ishlagan xodimlarda ekan.

3 oy oldin birga ishlashni boshlagan, ish jarayonida falon-falon va’dalarni bergan, qilib beraman deb.
Vaholanki, berilgan va’dalar gapligicha qolib ketgan.

Ish sifatiga emas, rasmiyatchilik bilan post soniga ishlagan 12 ta post qilgan oyiga))

Raqobatchilar tahlili, CustDev, Bozor tahlili — bularni ish boshlanishidan oldin qilamiz deyishgan ekan, menga kerak bo‘lgani uchun ulardan bu narsalarni so‘raganimda, hali ulgurmadik qilishga deb javob berishdi.

Sotuv bo‘lmagan, buning sababi maqsadli auditoriyasi kimlar ekanligini bilmagani uchun))

Reklama, target yoqilgan maqsadli auditoriyani aniqlamasdan.

——

Va’da berdingizmi bajaring, ishingizni vaqtida qiling, mas’uliyatli bo‘ling.

Ishlayotgan productingizni yaxshilab o‘rganing. Nima sotyapsiz? Kimga sotyapsiz? Nima sababdan sotib olishadi? Qachon va qayerda sotib olishadi? — shu savollarga javob toping.

Loyiha oldingizni, ishni qiyinlashtirmang.

Eski ishlarni analiz qiling, Biznes maqsadini aniqlang, Marketing strategiya tuzib biznes maqsadiga bog‘lang.

Boshqalar qilayotgan shablonlardan voz keching, natija beradigan ishlarni qiling.

Foydali deb bilsangiz, tanishlaringizga ham yuboring.

@muzaffarmurodov_blog

Eski yil ham yakunlandi!

Yangi postlar chiqmay qo‘yganiga sizlardan uzr so‘rayman.

Yil oxirida viloyatga ketdim, bayramni yaqinlar bilan o‘tkazdik.

Muhimi, passiv dam oldim, miya joyiga keldi, eski yilda faqat ishlabmiz o‘ziyam)

——

Sizlar uchun yangi kontentlarni tayyorlayapman, tez kunda ularni chiqarishni boshlayman.

Undan ham yaxshi xabar, keyingi haftaga konsultatsiya rejalashtiryapman, sizning A nuqtangizni aniqlab, B nuqtaga qanday chiqish kerakligini ko'rib chiqamiz.

Oflayn yoki onlayn bo‘lishini, ishlarni rejalashtirib keyin maslahatlashamiz))

Ha yana yangiliklar ham bor, yil boshidan 2 ta yangi loyiha bilan ishlayapman, ikkalasi ham quruvchi kompaniya — bular bo‘yicha keyinroq aytib beraman.

Navbatdagi chiqadigan postlar uchun motivatsiya berishni unutmang! - 🔥

@muzaffarmurodov_blog

Yakshanba rivojlanish uchun eng yaxshi kun

Boshqalardan o'sib ketmoqchimisiz? Yakshanba kuni ishlang.

Boshqalardan o'sib ketmoqchimisiz? Boshqalar dam olayotgan vaqtda siz ishlang.

Qaysidur loyihada ishlaysiz, yangi nimadur o'rganishingiz kerak, lekin sizda vaqt yo'qmi?

Yakshanba siz uchun berilgan katta imkoniyat!

Yakshanbadan foydalaning, yakshanbaning imkoniyati katta!

@muzaffarmurodov_blog

Biznes egalari sizdan ko'p narsa kutmaydi.

Ko‘p biznes egalari bilan suhbatlashganimda, ular mutaxassislaridan shikoyat qilishadi.

Ammo aslida, biznes egalari xodimlaridan ko‘p narsa talab qilishmaydi. Shunchaki ular ma'suliyat kutishadi.

Ma'suliyat — bu judayam noyob qobiliyat emas. Agar aytilgan ishni o‘z vaqtida yoki vaqtidan oldin bajarsangiz, o‘sha biznes egasi uchun siz eng yaxshi xodim bo‘lasiz.

O‘z tajribamda ham ko‘p xodimlarni ishga olish va ular bilan suhbatlashish jarayonida shuni angladim: bozorda ma’suliyatli mutaxassislar juda kam.

Shuning uchun:
– Kelishilgan vaqtda yetib boring yoki kechikishingizni oldindan ayting.
– Sizga topshirilgan vazifalarni o'z vaqtida bajaring.

2025-yilda 2x'ga o‘sishni xohlasangiz, eng asosiy sifat sifatida ma’suliyatga e’tibor qarating!

Post foydali bo'lgan bo'lsa sizdan bitta olovcha — 🔥

@muzaffarmurodov_blog

Mijozingiz eslab qolishi uchun qiymat bering!

Mijoz bilan ofisda birinchi suhbatni o‘tkazdingiz, mijoz o‘ylab ko‘rishini aytdi va ketdi.

Mijoz nimani o‘ylab ko‘radi? O‘ylab ko‘rishi rostmi?

Katta ehtimol bilan “o‘ylab ko‘rish” deganda, sizni raqobatchilar bilan solishtirib ko‘radi.

Ko‘p mijozlar bilan gaplashganimda guvohi bo‘lganman: qo‘lida ro‘yxat tuzib olgan, “Birinchi bu kompaniyaga boraman, keyin u kompaniyaga borib mahsulotini yaxshilab o‘rganib chiqaman, va undan keyin solishtirib qaror qabul qilaman” — deydi.

Birinchi uchrashuvdan keyin ikkinchi uchrashuv bo‘lishi uchun mijozga qiymat bering.

Raqobatchilar ko‘pligidan, mijoz sizni bir zumda esidan chiqarib qo‘yadi. Kichkina bo‘lsa-da, qiymat berib jo‘natsangiz, raqobatchilar bilan solishtirayotganda sizni tanlash uchun unda sabab bo‘ladi.

Sizni eslab qolishi uchun kichik bo‘lsa-da, qiymat bering.

@muzaffarmurodov_blog

Sizdan olmasa, boshqasidan aniq oladi!

Hozir bayram oyi boshlangan. Dekabrda ko‘p kompaniyalar aksiya, chegirma va bonuslarni yo‘lga qo‘yishgan yoki endi qo‘yishadi.

Siz ham bering. Iloji bo‘lsa, boshqalardan avvalroq chegirma yoki aksiya e‘lon qiling.

Hozirgi kunda mijozlar judayam aqlli bo‘lib ketishgan.

Yaqinda tadqiqot qildim, mijoz aytyapti: “Yangi yil oldidan men bu mahsulotni olishga shoshilmay turaman. Sababi, barcha kompaniyalar katta chegirma e‘lon qiladi. Shu chegirmada kerakli mahsulotni olaman,” deb.

Agar siz ishlayotgan kompaniya odatiy usulda, chegirma yoki aksiyasiz sotaman desa, sotishi judayam qiyin bo‘ladi.

Siz chegirma yoki aksiya bermasangiz, boshqalar beradi. Hozirgi kunda qo‘shimcha qiymatsiz mahsulotni sotish qiyinlashib bormoqda.

Ko‘p sotayotgan raqobatchilaringizni tahlil qilib ko‘ring. Ular nima sababdan ko‘p sotishyapti, qaysi yo‘l bilan sotishyapti?

Siz qo‘shimcha qiymat bermasdan, odatiy usul bilan sotsangiz, mijoz sizdan emas, boshqa kompaniyadan sotib oladi.

Ps: Ushbu postni, aksiya bermaymiz degan boshlig‘ingizga yuborib qo‘ying!)

Foydali bo‘lgan bo‘lsa, bitta olovcha! 🔥

@muzaffarmurodov_blog

Marketingda 35.000 ming soat!

Uzunroq post. O‘qish vaqti: 2:15 minut

2016-17 yillarda birinchi marta SMM sohasida ishni boshlaganman.

U paytda Instagramda SMM’chilar kam edi, va SMM qilinmasdi. SMM nimaligini ham ko'pchillik tushunmasdi.

Men birinchi SMM’dagi ishimni Telegramda boshlaganman, o‘sha vaqtda Telegram kanallariga 1 oylik kontent plan qilib berar edim. Bir oylik kontent plan o‘rtacha 200-300 ming so‘m bo‘lar edi.

Undan tashqari Telegram bot bilan ham shug‘ullanar edim. Zakazga mijoz taklifidan kelib chiqib yasab berardim, O‘zim qilolmasam kimgadir qildirardim.

2020 yilda, SMM’dan Marketingga kirish shu yo‘l bilan boshlangan, Marketingdagi katta ishni 2021 yilda PDP academy’da boshlaganman. 2 mln so‘m oylik bilan

PDP Academyning PDP Kids loyihasi bor edi, va shu loyihada SMM manager sifatida ish boshlaganman. 1 yildan ko‘proq vaqt ishladim.

SMM managerdan PDP Junior loyihasi rahbari lavozimigacha ko‘tarildim. Boshqaruv, Marketing, Sotuv, O‘quv bo‘limi hammasiga o‘zim bosh qotirardim. Ha aytgancha loyihada kassir ham o‘zim edim)

2022 yilda ishdan ketishga qaror qildim, PDP menga judayam ko‘p narsa berdi. Marketing qanday ishlash kerakligi, Jamoa qanday tuzilishi va boshqaruvni ham PDPda o‘rgandim.

Undan keyin @farhodkamilov_uz da full marketing va sotuv bo‘yicha o‘qidim, Marketingdagi birinchi gigant ustozim ham Farhod aka!

Hozirgacha marketing sohasidaman, Hozirgi kungacha 20+ dan oshiq loyihalar bilan ishladim, ayni vaqtda Shohsaroy Uylari qurilish kompaniyasida marketing bo‘limi rahbari, marketologman. Va undan tashqari outsoringda ham 2 ta loyiham bor.

Shu soha orqali Toshkentdan 2 xonali uy va mashina oldim. Undan tashqari ko‘p imkoniyatlar tanish bilishlar.

Xullas do‘stlar, sabr qilish kerak, siz ham hozir boshlang‘ich daraja yoki kam oylikda ishlab yurgan bo‘lsangiz, bir umr shunday qolib ketadi degani emas.

Sabr qiling, sababini qiling, imkoniyatdan foydalaning. Albatta o‘z mevasini beradi.

2024 yil tugashiga 15 kun qoldi... Hozir ayni vaqti maqsadlar daftaringizni oching va uni to‘g‘ri maqsadlar bilan to‘ldiring, va shu maqsadlarga harakat qiling. Albatta erishasiz!

Agar siz sohangizda bitta joyda qotib qolgan bo‘lsangiz, o‘sish nuqtangizni qidirib yurgan bo‘lsangiz konsultatsiya uchun menga yozing. Maslahat, Konsultatsiya olish mutlaqo bepul, puldan qadrli narsalar ham borku axir)

Konsultatsiya uchun: @Muzaffarms

Motivatsiya uchun olovchani bosib qo‘ying) 🔥

@muzaffarmurodov_blog

Ish samaradorligini ushbu ilovalar orqali oshiring!

Menga daraxt chopishga 5 soat vaqt berilsa, 4 soatini boltani charxlashga sarflagan bo'lardim deb aytgandi. Linkoln

Barchamizning ishlarimiz ko'p, hatto ishlar ko'pligidan qaysi birini qilishni bilmay qolamiz.

Men sizga o'zim ishlatayotgan ilovalarni yozib qoldiraman. Ular bilan kuningizni tartiblab ishlaringizni rejalashtirsangiz bo'ladi.

1. Notion — Men bilgan eng yaxshi ilovalardan, ortiqcha izoh berishim shart emas, Notion'siz kunimni tasavvur qilishim judayam qiyin.

2. Todoist — Har kunlik vazifalarni boshqarish va tartibga solib vaqtni samarali qilish uchun zo'r ilova.

3. Apple calendar — Agar sizda uchrashuvlar yoki meetinglar ko'p bo'lsa shu ilova orqali nazorat qilib borishingiz mumkin. Qo'shimcha imkoniyatlari ham ko'p.

Ushbu ilovalarga o'rganib olgandan keyin, bu ilovalarsiz siz ham kuningizni o'tkazishingiz qiyin bo'lib qoladi.

Siz qaysi ilova yoki ilovalardan foydalanasiz? Izohlarda yozib keting boshqalarga foydasi tegadi.

@muzaffarmurodov_blog

Natija tahlili

Ushbu kompaniyada marketing bo‘limi rahbari sifatida ishlayman

Shohsaroy Uylari, 5 yillik tajribaga ega quruvchi kompaniya, hozirgi kungacha 3 ta loyihani topshirgan, 1000 dan ziyod uylarni o‘z egalariga topshirgan, va ayni vaqtda 2 ta loyiha sotuvda mavjud ya’ni sotilmoqda.

Shohsaroy Uylari - A nuqta
- Marketing bo‘limi shakllanmagan, komanda tizimli ravishda tuzilmagan, jamoada 2 ta xodim bor targetolog hamda dizayner
- Raqobatchilar to‘liq o‘rganilmagan
- Mijozlar tadqiqoti CustDev qilinmagan va Mijoz xarita yo‘li yo‘q CJM
- Ledlar qimmat, va sifatsiz, kunlik leadlar soni kam
- Target uchun kreativlar qilinmagan, eski offerlarda ancha vaqtdan beri qolib ketgan
- Ofisga tashrif buyuradiganlar soni kam
- Oylik sotuvlar kam
- Bo‘lg‘usi mijozlar aynan Shohsaroydagi uylar narxi qimmat deb o‘ylashadi

Shohsaroy Uylari - B nuqta
- Marketing bo‘limi 0 dan, yangidan yig‘ildi va jamoa uchun org struktura ishlab chiqildi
- Raqobatchilar tahlili, CustDev, CJM, Bozor tahlili 0 dan qilindi
- Kompaniya imkoniyatlarini ko‘rsatib beruvchi yangi kreativlar olindi
- Undan keyin 2x sifatli leadlar kelishni boshladi
- Kelayotgan leadlarning narxi 40% ga arzonlashdi
- Ofisga tashriflar soni oshdi
- Kompaniya imkoniyatlari va mahsuloti mijozlarga yetkazib berildi. Mijoz tomonidan miflar yo‘q qilindi
- Brendning NPS darajasi ko‘tarildi
- Eng muhimi: Sotuvlar 2x ga oshdi

Avgust oyidan ishni boshlaganman, va hozirgi kunda ham birga ishlab kelyapman.

Hamma nima qilish kerakligini aytadi, lekin qanday qilish kerakligini emas!

Keyingi postlarda qanday qilib kompaniya og‘riqlariga yechim berganimni va sotuvni qaysi yo‘l bilan oshirganimni aytib bermoqchiman.

Qiziq bo‘lsa sizdan bitta olovcha) - 🔥

@muzaffarmurodov_blog

Mass marketing ishlaydi-mi?

Hozirgi kunda ko‘pchilikning esidan chiqib ketgan termin, mass marketing haqida qiziqarli ma’lumot beraman

Mass marketing o‘zi nima? - Mahsulot yoki xizmatni katta auditoriyaga bir vaqtda barcha segmentlarga mos ravishda reklama qilish, maqsad qisqa vaqt ichida ko‘proq xaridor jalb qilish va brendni tez tanitish.

Ishlamaydi: Agar kam byudjet bilan kirib mass marketingni sinab ko‘rmoqchi bo‘lsangiz, Tor auditoriyaga ega mahsulotingiz bo‘lsa, Faqatgina bir xil segmentga mos keladigan mahsulotingiz bo'lsa.

Ishlaydi: Ko‘proq byudjet bilan sinab ko‘rishni xohlasangiz, Raqobatchilar kam bo‘lsa, Mahsulotingiz barcha segmentga birdek to‘g‘ri kelsa.

- Kangoning reklamasi esingizdami? Mass marketingdan judayam zo‘r foydalanishgan va hozirgi kungacha kango haqida olingan reklamaning saundini bolalar-u kattalar aytib yurishadi.

- Uzum market, ko‘p byudjet bilan mass marketingni to‘g‘ri strategiya asosida ishlatdi va 1 yilda hammaning og‘zida shov-shuv bo‘ldi.

Mass marketing ishlaydi faqat buni to‘g‘ri strategiya/reja asosida qilishingiz kerak.

Tushunarli bo'lgan bo'lsa - 🔥

@muzaffarmurodov_blog

Bepul marketing darslari

O‘zbek tilida marketing bo‘yicha bepul darslar, foydali ma’lumotlarni uchratish judayam qiyin ayniqsa u kuchli mutaxassislar tomonidan berilgan bo‘lsa.

Foydali ma’lumotlar kuchli va tajribali mutaxassislar tomonidan o‘rgatilgan.

1. Aziz Gapparov - marketing biznesni qutqaradimi, link
2. Aziz Gapparov - har qanday biznesning asosi marketing, link
3. Malik Karimov - marketing bu faqatgina reklama emas, link
4. Malik karimov - kompaniyada marketing va marketologning o‘rni, link
5. Azizbek Yusufaliyev - o‘zbek marketingi hozir ham tirikmi, link
6. Azizbek Umaraliyev - marketingga qancha pul tikish kerak, link
7. Shahboz Dolimov - mijozlarni jalb qilish, kontent marketing, link
8. Azizbek Yusufov - samarali reklama qanday yaratiladi, link
9. Farhod Kamilov - sotuv varonkasi qanday tuzilishi kerak, link
10. Shuhrat Ahmedov - PR bozorida talab yaratish sirlari, link

Quyida o‘zim shu kungacha foyda olgan, bepul darslarga havola qoldirdim. Darslarni diqqat bilan ko‘ring sizga foydasi tegishi aniq.

Rahmat aytishni xohlasangiz - 🔥

@muzaffarmurodov_blog

CustDev haqida post chiqargandim

Uning foydalarini tepadagi postda batafsil yozganman...

Sizga CustDev'da mijozga beriladigan savollar ro'yxati kerak bo'lsa savollar ro'yxatini alohida file ko'rinishda sodda va tushunarli qilib tuzib chiqaman.

🔥 25 ta reaksiya bo'lsa men sizlarga yuboraman))

@muzaffarmurodov_blog

Marketing sohasiga oid top 3 kitob

Marketing siz uchun emas - Agar siz doimiy o‘rganishdan uzoq bo‘lsangiz, O‘z ustingizda ishlamasangiz, Sohaga oid kitoblarni o‘qimasangiz.

Ishoning, bu kitoblar siz xarid qilgan kurslardan ming marta yaxshiroq, aniq ayta olaman, kitob ichidagi ma’lumotlarni siz o‘qigan kurslaringizda sizga o‘rgatishgan)

2025 - yilda o‘z sohangizda top bo‘lishni istasangiz ushbu kitoblarni tavsiya qilaman, Albatta o‘qing!

1. Bir varaqli marketing reja - Aniq rejalar bilan ishlash, Yangi mijozlar topish, Mavjud mijozlarni ushlab qolish, Boshqalardan ajralib turish, Marketing strategiya - kabi aniq bilimlarga ega bo‘lasiz.

2. Buni marketing deydilar - Marketingni sodda va oson tilda tushunish, To‘g‘ri auditoriyani aniqlash, Kimga nimaga sotish, va haqiqiy marketing qanday bo‘lish kerakligi - haqida bilib olasiz.

3. Sarafan marketing - Og‘zaki reklamaning qudrati, Kompaniyalar qanday qilib boshqalarni o‘zlari haqida gapirtirish - kabi mavzular mavjud.

🎁"Bir varaqli marketing reja" kitobini hadya qilmoqchiman, aynan sizga va nega bu kitob kerakligi haqida menga yozing!

@muzaffarmurodov_blog

Ok kelishdik, Marketing strategiya tuzib keling!

Ko‘pchilikni dovdiratib qo‘yadigan mavzulardan biri bu, Marketing strategiya.

Yangi loyiha oldingiz va biznes egasi sizga ok, marketing strategiyasini tuzib keling, keyin ko‘rib chiqib ishni boshlaymiz dedi - ko‘p mutaxassislar shu joyida nima qilishni bilmay qolishadi.

Aynan yangi loyiha olganda ishni nimadan boshlash va marketing strategiya tuzishni ketma-ketlikda o‘rgatmoqchiman.

Siz ham marketing strategiya qanday tayyorlanishini qidirib yurgan bo‘lsangiz "🔥" reaksiya bosing va men uni sizlarga ulashaman.

@muzaffarmurodov_blog

CustDev - mijozlarni o‘rganish qanchalik muhim?

Marketingdagi eng kuchli va samarali instrumentlardan biri bu Cutomer development ya’ni mijozlarni o‘rganish

Sizning biznesingiz yoki loyihangiz bor, shu loyihangizdagi mahsulotlarga mijozlarning fikri qanaqa ekanligini, sizning mahsulotingizdan nimalar kutayotganini bilish uchun CustDev’dan foydalanishingiz kerak

CustDev foydalari:
- Bozorga yangi mahsulot olib kirish
- Bo‘lajak mijozlaringizni yaxshilab o‘rganish, ularning istaklari, og‘riqlari
- Mijozlar bazasini kengaytirish
- O‘z gipotezalaringizni sinovdan o‘tkazish

Ushbu mavzularda sizga judayam foydali bo‘ladi.

CustDevni amalga oshirishning yo‘llari judayam ko‘p, Masalan men ko‘p xollarda oflayn mijoz bilan jonli intervyu ko‘rinishida amalga oshiraman, va bu samarali hisoblanadi

Undan tashqari, Telefonda gaplashish, Zoom uchrashuvlar, Onlayn formalar orqali ham qilib ko‘rsangiz bo‘ladi.

"Iste’molchini eshitayotgan vaqtingizda, ajoyib fikrlar yuzaga keladi"
Jonatan Mildenholl - Coca Cola’laning marketing strategiya va kommunikatsiyalar bo‘yicha sobiq vitse-prezidenti.

Agar qiziq bo‘lsa, CustDev uchun mijozga beradigan savollar ro‘yxatini to'g'ri tuzishni o‘rgataman

@muzaffarmurodov_blog