“Муттаҳам банкирлар” каналибоп бир хабар ҳам келибди:
“5 февраль куни эрталаб
бир давлат банкининг мобил иловасидан бошқа картага пул ўтказгандим. Картадан пул ечилди, лекин нариги картага тушмади. Пул ҳеч қаерда йўқ.
Ўша куни соат 10:00 да банкка мурожаат қилиб, ариза қолдирдим. Кун давомида 2-3 марта мурожаат қилдим, колл-центрига нақд бир соатда навбатим келди. Улардан фақат “дежурний” жавоб эшитасан: “Мурожаатингиз техникка юборилган”.
Пул жуда зарур эди, роса асабийлашдим. Кеча, 6 февраль куни тушгача ҳал қилиб беришди. Унгача қанча асабларим бузилиб кетди.
Бир қизиқ жойи: гаплашгандан кейин колл-центрни учта мезон – кутиш вақти, ходим муомаласи ва ходим жавоби бўйича 1 дан 5 гача бўлган рейтингда баҳолаш керак экан. Лекин, буни қарангки, на 1, на 2 ва на 3 баҳо қўйиб бўларкан.
Бу рақамларни боссам, “хато рақам тердингиз” деб кейинги саволга ўтиб кетади. Табиийки, колл-центр ишини ўзим хоҳлагандек баҳолай олмадим. Мижоз муаммосини ҳал қилиш тезлиги жуда пастлиги етмагандай, мижоз баҳосини ҳам ўзларига мослаб олишибди”.
PS. Муштарий банк номини ёзмабдилар. Ҳай, майли.
