Mutolaa sehri


Гео и язык канала: Узбекистан, Узбекский
Категория: Книги


📖“Birga kitob o‘qiymiz”
__
❗️Siz o‘zingiz o‘qib, ta’sirlangan asarlaringiz haqidagi fikrlaringizni kanalimizda bo‘lishing, toki bu boshqalarning ham shu kitobni o‘qishiga sababchi bo‘lsin!
📧Bog‘lanish: @Maktub_yozing_bot
🗯 Guruh: @kitobxonlar_klubi1

Связанные каналы

Гео и язык канала
Узбекистан, Узбекский
Категория
Книги
Статистика
Фильтр публикаций


Видео недоступно для предпросмотра
Смотреть в Telegram
Abdukarim Mirzayevning kitob oʻqish uslubi. Siz ham bu uslubni o‘zingizga sinab ko‘ring.

💬📹📹@mutolaa_sehri


🗓 #bugun #kuntarixi

24 mart — Shukur Xolmirzayev(1940-2005) tavallud topgan kun

Xalqimiz sevgan yozuvchi Shukur Xolmirzaev 1940 yil 24 martda Surxondaryo viloyati Boysun tumanida tug‘ilgan. Toshkent universitetining jurnalistika fakultetini tugatgan (1963).
Dastlabki hikoya va ocherklari 1958 yildan nashr etila boshlagan.


Qissalari:
▪️ «Oq otli» (1962),
▪️«To‘lqinlar» (1963),
▪️«O‘n sakkizga kirmagan kim bor?» (1965).


Hikoyalari:
▪️ «Olis yulduzlar ostida» (1971),
▪️«Hayot abadiy» (1974),
▪️«Og‘ir tosh ko‘chsa...» (1980),
▪️«Yo‘llar, yo‘ldoshlar» (1984),
▪️«Bodom qishda gulladi» (1986),
▪️«Tog‘larga qor tushdi» (1987) va b.


Romanlari:
▪️ «So‘nggi bekat» (1976),
▪️«Qil ko‘prik» (1984),
▪️«Yo‘lovchi» (1987),
▪️«Olabo‘ji» (1992),
▪️«Dinozavr» (1-kitob, 1996).


Dramalari:
▪️ «Qora kamar» (1987),
▪️«Ziyofat» (1990 yili sahnalashtirilgan).

Yozuvchi 2005 yil 29 sentyabrda Toshkent shahrida vafot etgan.
Hamza nomidagi Respublika Davlat mukofoti (1989) hamda «Mehnat shuhrati» (1999) ordeni bilan taqdirlangan. O‘zbekiston xalq yozuvchisi (1991).


Yozuvchining qaysi asarlarini o‘qigansiz?
_
📖 @mutolaa_sehri


Uxud jangiga ketish oldidan Hazrati Umar akasi Zayd ibn Hattobni yoniga chaqirib, sovutini unga berdi.
— Buni nima qilaman, Umar?
— Anuv sovutdan yaxshiroq shuni kiya qol.
— O‘zing-chi?
— Men senikini kiyaman.
Zaydning yuzlarida yosh paydo bo‘ldi. Ko‘ngli ko‘tarildi. Ukasi bergan sovutni olib kiydi:
— Ko‘ngling to‘ldimi, ukajon?
— Ha.
— Minnatdorman. Alloh rozi bo‘lsin.
Bir ozdan so‘ng Zayd sovutni yechib, ukasiga uzatdi:
— Ol. O‘zing kiy.
— Nega, aka?
— Sendagi menga bo‘lgan tuyg‘ular menda ham bor. Men ham seni jonimdan ortiq ko‘raman. Sen menga ravo ko‘rganingni men ham senga ravo ko‘raman
So‘ngra Zayd sovutini kiyib, hanuz uning sovutini kiyishdan umidvor ko‘z tikib turgan Umarga aka sifatida amr berdi:
— Qani, kiy sovutingni!
Aka-uka ana shunday ajoyib kayfiyatda jangga kirishdilar.


© Lutfiy Qozonchi "Hazrat Umar (r.a)" kitobidan.

💬📹📹@mutolaa_sehri


#bugun #kuntarixi

21 mart — Alixonto‘ra Sog‘uniy(1885-1976) tavallud topgan kun

Alixonto‘ra Sog‘uniy 1885 yil 21 mart kuni To‘qmoq shahrida tug‘ilgan. Madina shahri, Buxorodagi Mir Arab madrasasida tahsil olgan.1916 yil Turkistondagi xalq qo‘zg‘olonlaridan keyin Qashqarga o‘tadi.1937-41 yillar Sharqiy Turkistondagi faoliyati uchun qamoqda bo‘ladi.

1944 yil 12 noyabrda Sharqiy Turkiston jumhuriyati e’lon qilinib, Alixonto‘ra Muvaqqat inqilobiy hukumat raisligiga saylanib, "marshal" oliy harbiy unvonini oladi. A.Sog‘uniy 1946 yil 28 iyunda sovetlar tomonidan Gʻulja shahridan o‘g‘rincha Toshkentga keltiriladi va umrining qolgan qismini shu yerda o‘tkazadi.

Olim "Tarixi Muhammadiy", "Turkiston qayg‘usi", "Devoni Sog‘uniy", "Shifo ul-ilal" kabi asarlar yozib, "Temur tuzuklari", Ahmad Donishning "Navodir ul-vaqoye’" va boshqa asarlarni o‘zbek tilga tarjima qilgan.

📖 @mutolaa_sehri


#bugun

21 mart — Abdulla Oripov (1941 — 2016) tavallud topgan kun

Abdulla Oripov 1941 yil 21 martda Qashqadaryo viloyati Koson tumani Neko‘z qishlog‘ida dunyoga keldi. 1958 yilda o‘rta maktabni oltin medal bilan tamomlagan Oripov Toshkent Milliy universitetining jurnalistika fakultetiga o‘qishga kirib, uni ham 1963 yilda imtiyozli diplom bilan yakunlaydi.
«Yosh gvardiya» (1963-69), G‘afur G‘ulom nomidagi Adabiyot va san'at nashriyotlarida muharrir (1969-74), «Sharq yulduzi» jurnalida adabiy xodim, bo‘lim mudiri (1974-76), O‘zbekiston Yozuvchilar uyushmasida adabiy maslahatchi (1976-82), mas'ul kotib (1985-88), Toshkent viloyat bo‘limida mas'ul kotib (1982—83), «Gulxan» jurnalida muharrir (1983-85), 1996 yildan O‘zbekiston Yozuvchilar uyushmasi raisi, ayni vaqtda, O‘zbekiston Respublikasi Mualliflik huquqini himoya qilish davlat agentligi raisi lavozimlarida faoliyat yuritgan.

Sizga shoirning qaysi she'ri yoqadi?

@mutolaa_sehri


Rebecca

Kitob ismi aytilmagan yosh honim tomonidan hikoya qilinadi. Dastlab,odatiy romanlardagidek tinchgina boshlangan kitob birdaniga detektiv tus oladi.Rebecca-janob Winterning birinchi rafiqasi.U bir yil oldin vafot etgan.Janob Winter esa uning vafotidan bir yil o'tib boshqa honimga-ya'ni hikoyachimizga uylanadi.Odamlar janob winter marhum rafiqasini juda sevardi deb o'ylashardi.Boshida menam shunaqa deb o'ylagandim.Ammo bilamizki,hamma narsa ham ko'ringanidek bo'lib chiaqavermaydi...
Kitobga qaytamiz. Yosh honim har qadamida o'zini Rebecca bilan taqqoslaydi,xuddi unga o'xshashga urinadi.Yuqoridagi postlarning birida aytganimdek,uning soyasiga aylana boshlaydi.Nihoyat Rebecca bo'lishdan charchaganida,u haqidagi haqiqatlarni bilib oladi va O'zligiga qaytadi.(O'sha haqiqatni aytsam,kitoblardagidek zo'r izquvar emas, "spoiler"qilgan yomon kitobxon bo'lib qolaman😅.)

Xulosalarim:
▪️Real vaziyatdan kelib chiqib tezkor qaror qabul qilish kerakligi;
▪️O'zga nisbatan past baho har doim ham to'gri chiqmasligi.Umuman,bu xatoligi;
▪️Qasrlar-u hashamlar ichki hotirjamlikni berolmasligi;
▪️(Sevgi yosh tanlamasligi,desamda (hazil😁).

Umuman olganda,kitobda notanish nimadir ko'rmadim.Bari odatiydek.Ammo,Til o'rganuvchilarga o'sha tilida yozilgan kitoblar mutolasi o'rganish jarayoniga katta foyda beradi, albatta.

✍️ kitobsevar_qiz
____
📖 @mutolaa_sehri


Mixail Bulgakovning “Ityurak asariga taqriz”

Taniqli rus satirik yozuvchisi va dramaturgi Mixail Bulgakov (1891-1940) o'z pyesalari, qissalari va olamga mashhur romani - "Usta va Margarita" bilan rus jamiyatidagi salbiy illatlarni ayovsiz fosh eta olgan adibdir. Yozuvchi 1927-yilda yaratgan "Ityurak" qissasi Rossiyada endi bolshevizm gʻoyalari qaror topayotgan bir davrda vujudga kelgan. Asar yaralganidan 60 yil oʻtib, 1987-yilda chop etilgan. Asar asosida kinofilm ishlangan. Qissa voqealari 1924-yil dekabr - 1925-yil yanvar oylarida boʻlib oʻtadi. Asar bosh qahramoni - professor, doktor Filipp Filppovich Preobrajenskiy oʻz yordamchisi doktor Ivan Arnoldovich Bormental yordamida Sharik laqabli itga odam miyasini murakkab operatsiya bilan oʻrnatadilar. Sharik keyinchalik odamga aylanadi, ammo uning xulq-atvori va gapirishlari itnikidek qoladi. Shu oʻrinda buyuk mutafakkir ajdodimiz Alisher Navoiyning

"Kuchuk birla xo'tikni qancha qilsang tarbiyat,
It boʻlur, eshak boʻlur, aslo boʻlmas odamiy"


degan satrlari esimizga tushadi. Sharik odamga aylanach oʻziga Sharikov familiyasini, Poligr
af Poligrafovich ismi-sharifini tanlaydi. Sharikov oʻz egasiga juda katta zarar keltiradi: uyga hammom suvini toshirib xarob qiladi, uni deb Filipp Filppovich bemorlarini koʻrishga vaqt topolmaydi, hatto xizmatkor qiz Zinaida Prokofyevna nomusiga ham tajovuz qiladi, uyga bir ayolni aldab olib keladi va unga uylanmoqchi ekanini aytadi. Bu hammasi itning qiliqlarini eslatadi, asarga shuning uchun ham "Ityurak" deb nom berilgan.

Asarda Filipp Filppovich Preobrajenskiy va Ivan Arnoldovich Bormental oʻrtasidagi suhbatlarda Rossiyada 1917-yilda yangi oʻrnatilgan Bolsheviklar partiyasi hokimiyatiga ham tanqidiy yondashiladi, bu hukumatning kambagʻallarni chorig'i bilan zodagonlar toʻriga chiqarib qoʻyganligi naqadar razil ish deb eslanadi. Asar yakunida oʻz tajribasi natijasi yaxshi oqibatlarga olib kelmaganidan tushkunlikka tushgan professor itdan odam miyasini olib tashlab yana oʻz holiga qaytaradi, shu tariqa qabih tajriba muvaffaqiyatsiz tugaydi.

Asardan xulosa shuki, tabiat qonunlariga qarshi chiqish aslo mumkin emas, uni oʻz holicha asrab avaylash hamma uchun zarur ekanligidir.

© Fayzullayev Azamat
____
💬📹📹@mutolaa_sehri


Видео недоступно для предпросмотра
Смотреть в Telegram
Kitob o‘qish uchun tavsiyalar. Kitob o‘qiganda uyqu kelishi haqida

@mutolaa_sehri


"Abadiyat qonuni“ asariga taqriz

Taniqli gruzin yozuvchi Nodar Dumbadzening "Abadiyat qonuni" asari 1978-yilda yaratilgan hamda 1983-yilda Nizom Komilov tomonidan tarjima qilinib, oʻzbek tilida ilk bor nashr etilgan.

"Abadiyat qonuni" mening nazarimda Dumbadze ijodining eng choʻqqisi, shoh asari boʻlsa kerak. Negaki, adib bu romanida insonga xos boʻlgan sofdillik, oliyjanoblik, saxovat, mardlik, jasurlik kabi fazilatlarni razillik, ikkiyuzlamachilik, nomardlik, baxillik, qoʻrqoqlik, tuhmat kabi illatlarga qarama-qarshi qoʻyadi. Asar voqealari xronologik tartibda emas, goh bosh personajning xotiralari, goh uning hozirgi ahvoli haqida ketaveradi.

Asar bosh qahramoni – yozuvchi, gazeta muharriri Bachana Ramishvili yurak kasalligi tufayli kasalxonaga tushib qoladi. Asar boshida uning ikki palatadoshi: etikdoʻz Avtandil Gogiashvili (asarda uni Bulika deb atashadi) va Ortachala cherkovi noziri hazrat Ioram Kandelaki bilan munosabatlari tasvirlangan. Bachana tabiatan sofdil inson, u ikkiyuzlamachilikdan yiroq. Shu bois unday toifadagi kimsalardan nafratlanadi. Yoshligida Ikkinchi jahon urushi davrida ochlikdan qiynalayotgan gruzin qishlogʻiga tushgan oʻgʻrini oʻldirib, uncha-muncha er yigit qilolmagan ishni uddalaydi, biroq bu narsa unda kibrni emas, insonlarga nisbatan mehr-muhabbatni oshiradi, aksincha, yuragiga zid boʻlgan illatlarga qarshi nafratni shakllantiradi. Bachana oʻzidan yoshi kattaroq boʻlgan, oshxona xizmatchisi Tamara ismli qizning nomusi pok ekanligini atrofidagi razil kimsalarga isbotlab, qizning erkinlikka chiqishiga yordam beradi, unga uka oʻrnida uka, aka oʻrnida aka boʻladi. Bu uning yoshligidagi voqealar.

Bachana 45 yoshga kirsa-da uylanmagan, koʻngliga munosib qizni uchratmagan edi. Uning hayotiga sirli ravishda kirib kelgan Mariya esa Bachanadek samimiy, sof muhabbat tuygʻusiga ega, pokiza yurakli ayol sifatida Bachana Ramishvili qalbida chin sevgini uygʻotadi, Bachanada yashashga umidni oshiradi.

Bachana yonidagi palatadosh bemor Bulikaning toʻsatdan vafot etishidan qattiq iztirob chekadi, boshqa sherigi hazrat Ioramning tashvishi ham uni tushkunlikka tushiradi. Hazrat Ioram obraziga keladigan boʻlsak, sobiq Ittifoqda din taqiqlab qoʻyilgan bir davrda u ishlayotgan cherkov ham xaroba ahvolda boʻladi, ruhoniyning oʻzi 2 marta infarkt boʻlib kasalxonaga tushadi. Uning bunday xastalikka chalinishiga sabab gruzin malikasi Guranduxtga tegishli boʻlgan qimmatbaho toshlar bilan bezatilgan xochning oʻzi bilan cherkovda ishlayotgan, aslida ikkiyuzlamachi va pastkash boʻlgan dyakon (cherkovda pop yordamchisi) tomonidan oʻgʻirlab sotilishi edi.

Asar yakunida Bachana yurak xastaligi tuzalib shifoxonadan chiqar ekan, doktorga insonga yaxshilik qilish kerakligi, oʻz navbatida oʻsha inson ham boshqa birovga ezgu yordam koʻrsatishi, bu narsa zanjir boʻlib, uzviy abadiyat qonunini tashkil etishi kerakligini aytadi. Asarning nima uchun shunday nomlanganiga ham kitobxon shunda amin boʻladi.
Asar mutolaasini barcha kitobxonlarga tavsiya qilaman!!!

✍️ Azamat Fayzullayev
@mutolaa_sehri


Bismillahir Rohmanir Rohim

Bu kitob boshidan oxirigacha Deniz Bayramo‘glu bilan- Do‘g‘an Jujelo‘g‘lu o‘rtasidagi suhbat(intervyu)bilan kechadi.Biz Do‘g‘an Jujelo‘g‘ludan hayotimiz uchun kerak bo‘lgan juda ham ko‘p ibrat-nasihatlarni olishimiz, shu bilan birga uning hayotidan, olgan tajribalaridan, seminar va majlislaridagi voqealardan ham katta ibrat va xulosa olishimiz, hamda o‘z hayotimizga ham tatbiq etishimiz mumkin.

Kitobni o‘spirin yoshlardan boshlab, ota-onalar, kasb egalari, o‘qituvchilar va hatto bobo-buvilarga ham tavsiya qilaman.

Men bu kitobdan kundalik xatolarimni, taffakur qobilyatim zaif ekanligini, mulohazasiz, shoshqaloq ekanligimni, jamiyatning bir qismi bo‘lolmaganimni va eng asosiysi 'biz' ko‘nikmasiga ega emasligimni tushunib yetdim va o‘zimni ustimda yanada ko‘proq ishlashim kerakligini angladim. Menga kitobning eng yoqqan tomoni bu - o‘spirinlik haqidagi mavzular va jamiyat to‘g‘risidagilari bo‘ldi.

Kitobni o‘qir ekansiz - hayotning asl ma'nosini, shaxs sifatida rivojlanib yetishishni, jamiyatning bir qismi bo‘la olishni,"Men"ingizni "biz"-ko‘nikmasiga aylantirishni, tushkunlikni yengib, o‘z qobig‘ingizdan tashqariga chiqishni, insonlar o‘rtasida o‘zaro suhbatlashish va eshitish san'atini, farzand tarbiyasi, maktab va kasblar tanlashda nimalarga e'tibor qaratishni, o‘zingiz bilan 20 daqiqa suhbat qurib, nafsingizga savollar berishni, eng oxirgi bo‘lmida esa vaqtni mazmunli o‘tkazib - kitoblarni tanlab o‘qish, film ko‘rish, musiqa tinglab ham tafakkur qilish, har xil maskanlarga borib sayohat qilib, dunyoqarashingizni kengaytirish, vaqti kelganda kayfiyatingizni ko‘tarish uchun raqsga tushish kabi odatlarni, bilimlarni o‘zingizda shakllantirishga olg‘a qadam tashlaysiz. Hayotingizning asl mohiyatini anglab yetasiz. Atrofga yanada kattaroq ko‘z bilan qarashni va o‘z ma'suliyatlaringiz haqida bosh qotirishni boshlaysiz!

💬Biz yomon inson emasmiz,lekin bizdan turli yomonliklarni kutish mumkin!
💬Agarda o‘zingga bo‘lgan hurmatni shakllantirmasang,sen yashayotgan hayot seniki bo‘lmay qoladi!
💬Kishi bir ishni bajarar ekan eng avvalo, o‘zi va vijdoni oldida hisob beradi.Har bir ish uning vijdoniga bog‘liqdir!
💬Hayotning asl ma'nosi "kashfiyot"dir.Hayot-kashfiyot sayohatidir
💬O‘z hissiyotingizni anglash-bu rivojlanish yo‘lidir!
💬Bizning qayerda kamchiligimiz bor deb o‘ylaysiz?-O‘zimiz,o‘zgalar va jamiyat bilan bo‘lgan munosabatlarimizdadir!
💬Biz o‘z hayotimizning eng kuchli va doimiy guvohimiz.
💬Qo‘pol qilib aytganda agar siz kun bo‘yi eshakdek bir joyda o‘tiraversangiz,ustiga-ustak ovqatlanish tarzingiz nosog‘lom bo‘lsa-HAYOTINGIZ SIFATI ham nosog‘lom bo‘ladi!
💬 Eng muhim qadamlardan biri bu-BOLALARDAGI QIZIQUVCHANLIK TUYG‘USINI -shakllantirishdir!


© Rahimjonova Robiya Sarvar qizi
@mutolaa_sehri


Видео недоступно для предпросмотра
Смотреть в Telegram
🔔 Mazza qilib o'qiydigan kitoblar uchtaligi | Ikrom Sharif tavsiyasi

❓ Siz bu kitoblarning qaysilarini o'qigansiz?

💬📹📹@mutolaa_sehri


Nuriddin Yildiz: "Bu ummatning qizi"

“Qiz bola bir oilaning aʼzosi boʻlishidan oldin, ummatning aziz qadriyatlaridan biri hisoblanadi” (asardan).

Kitob juda chiroyli duolar bilan boshlanib, tezda o’ziga “bog’lab qo’ydi”. Kitobni o’qib,bu ummatning qizi bo’lganimdan faxr tuyg’usuni tuygan bo’lsam, shu barobarida yanada ma’suliyatliroq bo’lishim kerakligini his qildim.
Kitobda, muallifning teran fikrlari qatorida unga yo’llangan savollarning ham javobi yoritilgan.Men ham o’zimda bo’lgan ayni bir savolimni ko’rib ham ajablanim, ham javobimi bilganimdan, unga mos yechimlarni topganimdan xursand bo’ldim.
Bilasizki, bugungi kunda ayol-qizlarning haq-huquqlari, erkinliklari, jamiyatdagi o’rni haqida tez-tez bahs munozalar bo’lib turadi.Lekin men eshitgan aksariyati quruq, isbotsiz, ba’zan mantiqsiz tortishuvlar holos.Dunyodagi boshqa jamiki mavzular kabi aynan “ayol-qizlar”mavzusida ham Qur’oni Karimda yetarlicha oyatlar nozil qilingan,hadislar aytilgan.Ushbu kitobda shu mavzudagi oyatlar va hadislar tahlil qilingan.Yanada oydinroq yoritilgan.
Yana bir meni “uyg’otgan” jumlalardan biri: ”Qo’llaring tolguncha duo qil…har nafasing duo bo’lsin”.
Kitob, nafaqat ummatning qizlari ,balki ularga mas’ul va javobgar bo’lgan kishilar uchun ham yozilgan.Bilasiz, uncha-muncha kitobni o’qish kerak deb tavsiya qilmayman. Qachonki o’zim yetarli darajada manfaatli deb bilmagunimgacha.)
Barchamizga munosib solih/soliha ummat bo’lish nasib qilsin.

✍️
Kitobsevar qiz
_
📖 Kanalga a'zo bo'lish: @mutolaa_sehri


Barcha mo‘min(a)larga Mohi Ramazon muborak bo‘lsin. Allohim bu ulug‘ oyda qilgan ibodatlaringizni qabul, duolaringizni ijobat qilsin!

💬📹📹@mutolaa_sehri


Alixonto'ra Sog'uniy: "Turkiston qayg'usi" asari (#Soguniy )

"Insonning o'ziga eng yaqin halokatlik dushmani ongsizlik, ilmsizlikdir"

Kitobda XX asr boshlari Turkiston boshiga tushgan ko'rguliklar haqida gap boradi. Unda Sog'uniy bolsheviklar ta'qibi ostidagi hayoti, Turkistondagi xalq turmush-tarzi, bu axvolga kelib qolishlarini sabablarini yoritib beradi.
Kitobni o'qishni achadan buyon niyat qilib yurgandim vanihoyat 1-qismini o'tgan oy (12.2021-y) o'qib tugatdim. Kitobni o'qir ekanman ko'zimga yosh keldi. Sog'uniy qayg'urgan, nasixat qilgan hozrgi avlod ham o'sha davr odamlaridan qolishmayapti. O'sha zamondagi xalq savodsizligi, saviasizligi, birdam emasligi oqibatida boshiga tushgan qayg'ulari bizga ochiq-oydin o'rnak bo'lishi kerak bo'lgan bir paytda "kelajak yoshlari" tik-tok da allaqanday video olish bilan, portalga er so'rab yozish bilan, kitob o'qigan odamni ustidan kulish bilan, "san'atkorlar"imiz "Bepusht" "Ikkinchi xotin" "Egoist" (sanagan sari soching tikka bo'ladi) kabi seriallarni telvedinyaga qo'yish, YouTube ga chiqib olib bir birini orqasini ochish bilan band 🥲

Sog'uniydan tagiga chizib qoldirgan jumlalardan ba'zilarini keltirsam:

▪️"...Har ikki Turkiston xalqi ongsizlik, ilmsizlik kasofatidan shu kabi qulay sharoitlar bo'la turib ham, bulardan öz vaqtida foydalanish yo'llarini topolmadilar. Ochiq bir maqsadni o'z oldilariga shart qilib qoyib, tashkiliy ravishda ish olib borish uchun harakat qilg'udek birorta odam yo'q edi."

▪️"...Vatan bolalari oldimizdagi kelajak kunlarni eskarib(eslab), zamonaviy ilm o'qishga chin ko'ngillari bilan kirishib, halol meros o'z Vatanlarini egallash uchun mudofaa quvvati tayyorlashga tish-tirnoqlari bilan yopishsinlar"

▪️"...Bu kabi ilgari-keyin o'tgan butun dard-xasrat, g'am-qayg'ulik ishlarimizning borliq sabablari, islom diniga tub negizi bilan tushunmasdan, zamonaviy ilm-hunarlardan quruq qolmishimizdir. Shuning uchun payg'ambarimiz sallolohu alayhi vassalam "Nodonlik, tushunmaslik – ko'rlikdan yomondir" dedilar. Qur'on hukmicha iymon-islomni bilib olgandan keyin har bir musulmon o'z zamonasi ilmini o'qib tushunishi va zamonaviy hunarlarni o'rganishi birinchi zaruratidir"

Kitobni o'qib ko'rishingizni tavsiya qilaman.

✍️ Odinaxon
__
📖 @mutolaa_sehri


Rahimjon Rahmat:

Meni bir narsa hayron qoldiradi va ajablantiradi.Zamonamizning qaysi chala va uyatsiz maddohiga quloq solsang, “Erkin Vohidov ustozim edi”,  deydi.

Erkin Vohidov maddoh emas, faylasuf shoir edi, u kishidan qanaqib sharmanda shoirlikni o‘rgandi ekan,  deb hayron qolaveraman.

💬📹📹 @mutolaa_sehri


Видео недоступно для предпросмотра
Смотреть в Telegram
Gʻoya muallifi: Qobuljon Ahmedov
____
💐 @mutolaa_sehri


Diktaturaning oqibatlari haqidagi asar

Ba'zi "kattakon"larga, ya'ni mansabi baland bo‘lganlarga tanqid yoqmasa, uni tanqid qilganlarni yo‘q qilish yo‘lini izlaydi. Ya'ni ular faqat o‘zi haqida maqtov va yaxshi gaplar eshitishni istaydi. Hatto xato ish qilsa ham, boshqalar uni bu ishi uchun e'tiroz bildirishlarini istamaydi. Mansabidan foydalanib, cho‘ntagini to‘ldirsa ham, boshqalar "falonchi to‘g‘ri yo‘lda, u olgan bu pullar unga halol. Chunki, u shu xalq uchun ishlayapti" deb e'tirof etishlarini xohlaydi.

Jorj Oruelning “Molxona” asarida diktatura tuzumi hukumatining ana shunday kirdikorlari, razilliklari, yolg‘onlari ochib tashlangan. Faqat bunda, insonlar rolini jonivorlar bajaradi. Shaxsga sig‘inish, amaldor atrofidagi maddohlar to‘dasining shakllanishi, haqiqatni istovchilarning yo‘q qilinishi, ular boshqarayotgan hukumatdagi xato ishlarda go‘yoki o‘sha yo‘q qilinganlarning aybi bilan sodir bo‘lganligini "isbotlashlar"... Xullas, tuzimning jirkanch va shafqatsiz o‘yinlari bayon qilinadi.

📖 Asar qahramonlari:

🦛 Cho'chqa mayor — Hayvonlar saltanati (Hayvonobodning rahbari
🦛 Cho'chqa Napolion — keksa cho'chqa o'lgach, hukumat uni qo'liga o'tadi
🦛 Cho'chqa Snoubol — ozgina bo'lsada "vijdoni" bor, haqiqat istovchi cho`chqa, (keyinchalik shu ishi uchun Hayvonoboddan quvg'in bo'ladi).
🦛 Cho'chqa Qichqiriq — Napolionni maddohi, hayvonlarni Napolionni ulug'lashga da'vat etib yuruvchi vazifasida ishlaydi
🐕 Itlar — Blyubell, Jessi, Pincher
🐎 Otlar — Boksyor, Klover, Molli
🐐 Echki — Myuriel
🫏 Eshak — Benjamen
🐦‍⬛️ Qarg'a (elchi) — Mozus

Voqealar

Barcha voqealar "davlat to'ntarilishi"dan boshlanadi. Ya'ni Mister Jons xonadonidagi hayvonlar Keksa cho'chqa rahbarligida bir kuni tunda yig'ilib, sabr-kosasi to'lganligini, tezroq, ikki oyoqlilardan xalos bo'lish rejasini tuzib, amalga oshirish kerakligini maslahatlashishadi.

Batafsil...
______
💬 @komiljon_aslonov


🗓 6-mart — Hamza Hakimzoda Niyoziy( 1889- 1929) tavallud topgan kun (#kun_tarixi #bugun)

Hamza Hakimzoda — o‘zbek shoiri, dramaturg, jamoat arbobi, O‘zbek SSR xalq shoiri (1926). U mumtoz she’riyat vaznini (Aruz) xalq she’riyati (Barmoq) vazni hisobiga to‘ldirgan. Hamza O‘zbekiston madaniyati tarixi rivojiga nafaqat shoir va dramaturg, balki teatr arbobi, bastakor va musiqachi sifatida ham sezilarli iz qoldirgan.

📖 Pyesalari:
▪️«Kim to‘g‘ri?»,
▪️«Tuhmatchilar jazosi»,
▪️«Boy ila xizmatchi»,
▪️“Devon” (1905-14)
▪️“Ramazon” (1914)
▪️“Yangi baxt” (1915)
▪️“Zaharlangan hayot” (1916)
▪️«Ishchilar hayotidan» (1918),
▪️«Loshmon fojiasi» (1916—18, 3 bo‘limli),
▪️«Farg‘ona fojiasi» (1918—20, 4 bo‘limli),
▪️«Qizil qon ichida yosh go‘daklar»,
▪️«Mahbus to‘raning holi» (1919)
▪️“Xushbo‘y atirgul” (1919)
▪️“Maysaraning ishi” (1926)
▪️“Paranjining sirlari” (1927)
▪️“Farg‘ona, Buxoro va Xiva qo‘shiqlari” (1931) va b.


Hamza haqida doston (Oybek asari, 1948), roman (K.Yashin asari, 1989), teatr spektakli (K.Yashin va A. Umariy asari, 1941), kinofilm (senariy mualliflari K.Yashin va S.Muhamedov, rejissyor Z.Sobitov, 1960), 16 seriyali badiiy film (ssenariy mualliflari K.Yashin, B.Privalov va Sh.Abbosov, rejissyor Sh.Abbosov, 1975—84) va hujjatli film (senariy muallifi L.Qayumov, rejissyor N.Otaullaeva, 1960) lar yaratilgan.
Nabijon Boqiyning "Qizil toshbo'ron" asarida Hamza Hakimzodaning hayoti, ijodiy faoliyati, va umr yo'lidagi qiyinchiliklar, kurashlar bayon etilgan.

Siz adibning qaysi she'r, doston yoki dramalarini o'qigansiz?

💬📹📹@mutolaa_sehri


🌙 RAMAZON TAQVIMI (milodiy 2024 / hijriy1445) 🗓

💬📹📹@mutolaa_sehri


Murat Tosun: "Olim yetishtirgan onalar" asari haqida

#bismillah
Kitob nomidan ham bilinib turibdiki, ushbu asar olim yetishtirgan onalar haqida yozilgan. Islomda ayollarning o'rni yuksak martabalarda turishi, dunyoga keladigan har bir farzandning hayoti, uning ta'lim va tarbiya olishi hamda axloqi onaga bog'liq bo'ladi. Bola tug'ilishidan oldin, hatto juft tanlayotgan vaqtdayoq bo'lajak onaga e'tibor qaratiladi. Farzand tug'ilgandan keyin ham otasi ish yo boshqa sabablar bilan ko'p vaqt uyda bo'lmaydi, tarbiyaga oid zarur o'gitlar, ko'rsatmalar bergan holda, asosiy ishi moddiy ta'minot bo'lib qolaveradi. Illo, ona soliha, ilmli bo'lsa, farzandi kelajakda buyuk inson bo'lib yetishishi uchun astoydil harakat qiladi.Ulug'larimiz hayotiga nazar soladigan bo'lsak, ularning onalari hatto otalari vafot qilganda ham moddiy ta'minotni o'z zimmasiga olishgan, ham farzand tarbiyasi bilan shug'ullanishgan. Yillar davomida chekilgan zahmat natijasi o'laroq, Imom Ahmad, Imom Buxoriy kabi buyuk insonlar yetishgan. Bu kitobda ana shunday ulug' zotlarning onalari farzand tarbiyasida qanday yo'l tutganlari, qanchalar azob-uqubat tortganlari haqida hikoya qilinadi. Shunday ekan har bir ayol bu kitobni o'qib chiqishlarini tavsiya qilaman va albatta o'ziga kerakli bilimlarini oladi degan umiddaman.

💬 Iqtiboslar:

👀 - Mening onamning onam ekanligining dalili nasabimning kim ekanligi, Oisha onamning onam ekanligining dalili esa Qur'oni karimdadir.

👀 - Iflos ariqdan pok suv oqmaydi. Iffatli onalardan esa qancha hayoli qizlar va yigitlar tug'ilajak.Yosh qiz va yigit uchun nikoh jon tomiridek bo'lishi lozim.

👀 - Agar duo-iltijolaringiz bo'lmasa, Robbim sizlarga hech qiymat bermas. (Furqon surasi, 77-oyat)


© bookblog_s
___
💬📹📹 @mutolaa_sehri

Показано 20 последних публикаций.