Musofirlar | Migrant | Turkiyada | Koreyada

Avtobus va mikroavtobuslarda yo‘lkira uchun to‘lov terminallari o‘rnatilganiga bir necha yildan oshdi. Biroq haydovchilar ba’zida to’lovni shaxsiy debet kartalariga o’tkazishni so’rashadi. Bozorlarda ham vaziyat xuddi shunday: ko’pincha kassa apparatlari yo’q, sotuvchilar esa shaxsiy hisoblariga pul o’tkazishni taklif qiladi. Bunday o’tkazmalar soliq to’lashdan bo’yin tovlash bilan bog’liq bo’lishi mumkin, ammo mablag’lar taqiqlangan tashkilotlarning hisoblariga tushish xavfi ham mavjud. Hatto bir rublni o’tkazish terrorizmni moliyalashtirish uchun jinoiy javobgarlikka olib kelishi mumkin. Rossiya Federatsiyasi Jinoyat kodeksining 205.1-moddasiga ko’ra, terrorizmni moliyalashtirishda ishtirok etish 8 yildan 20 yilgacha ozodlikdan mahrum qilish va bir million rublgacha jarimaga sabab bo’ladi.

Chet el fuqarolarini migratsiya qaydidan o‘tkazish to‘g‘risidagi Nizomga o‘zgartirishlar kiritishni nazarda tutuvchi ushbu buyruqqa asosan xorij fuqarosi yoki fuqaroligi bo‘lmagan shaxsning: – vaqtinchalik yashash joyida migratsiya qaydidan o‘tkazish (registratsiya) blanki, – chet el fuqarosi yoki fuqaroligi bo‘lmagan shaxsni yashash joyida ro‘yxatdan o‘tkazish yoki chiqarib yuborish to‘g‘risidagi uy egasi beradigan arizalar; – «registratsiya» va boshqa hujjatlarda xatoliklarni tuzatish uchun ariza shakli yangilanadi. «Registratsiya»ning yangi ko‘rinishida muhojirning Rossiyada qolishiga asos bo‘luvchi hujjatining ma’lumotlari ko‘rsatilishi hamda bolalarning «registratsiya»sida esa ota-onasi haqida ma’lumotlar bo‘ladi. Bundan tashqari, migratsiya qaydi beriladigan muddatga ham o‘zgarish kiritilgan. Endi qanday asos mavjudligiga qaramay, 5-fevraldan boshlab «registratsiya» bir yildan oshmagan muddatga beriladi. Chet el fuqarolari «registraitsya»ni «gosuslugi» portali (yagona identifikatsiya va autentifikatsiya tizimi) orqali yuborishlari mumkin. Buyruqda ushbu o‘zgarishlar migratsiya qaydidan o‘tish jarayonini soddalashtirish va ichki ishlar vazirligining migratsiya markazlari kabi vakolatli tashkilotlari bilan ma’lumot almashish tartibini rivojlantirishga qaratilgan.