Muslim

​​Биринчи азон (аудио)

Расулуллоҳ саллолоҳу алайҳи васалламнинг масжидларида овоз кучайтиргичда айтилган илк азон (1952 йил).

Муаззин - асли ўзбек бўлган шайх Абдулазиз Бухорий ҳазратлари.

Алижон қори каналидан
Каналга уланиш👉🏻 https://t.me/muslimzikr

​​Имомлар ҳақида қисқача маълумотлар

Тўрт мазҳаб боши ҳақида маълумот;

1. Имом Абу Ҳанифа

Тўлиқ исми: Абу Ҳанифа Нўъмон ибн Собит.
Туғилган санаси ва ери: 80-ҳижрий Кўфа шаҳрида.
Вафоти: 150-ҳижрий Боғдод шаҳрида 70 ёшга етиб вафот топган.

2. Имом Молик

Тўлиқ исми: Абу Абдуллоҳ Молик ибн Анас.
Туғилган санаси: 93-ҳижрий Мадинада дунёга келган.
Вафоти: 179-ҳижрий 86 ёшида Мадина шаҳрида вафот топган.

3. Имом Шофеъий

Тўлиқ исми: Абу Абдуллоҳ Муҳаммад ибн Идрис Шофеъий.
Туғилган санаси: 150-ҳижрий Фаластиннинг Ғазо шаҳрида дунёга келган.
Вафоти: 204-ҳижрий Мисрга келиб, 54 ёшида вафот этганлар.

4. Имом Аҳмад

Тўлиқ исми: Абу Абдуллоҳ Аҳмад ибн Ҳанбал.
Туғилган санаси: 164-ҳижрий Боғдодда дунёга келган.
Вафоти: 241-ҳижрий туғилган шаҳри Боғдодда 77 ёшда вафот этган.

«Сиҳоҳ ас-ситта» соҳиблари ҳақида умумий маълумот;

1. Имом Бухорий

Тўлиқ исми: Абу Абдуллоҳ Муҳаммад ибн Исмоил ал-Бухорий.
Қўл ёзмаси: «Саҳиҳ ал-Бухорий».
Туғилган ери ва санаси: 194-ҳижрий Бухоро (Ўзбекистон) шаҳрида.
Вафоти: 256-ҳижрий 62 ёшида.

2. Имом Муслим

Тўлиқ исми: Абу ал-Ҳусайн Муслим ибн ал-Ҳажжаж ибн Муслим.
Қўл ёзмаси: «Саҳиҳ ал-Муслим».
Туғулган ери ва санаси: 206-ҳижрий Найсабур (Эърон) шаҳрида.
Вафоти: 261-ҳижрий 55 ёшда.

3. Имом Ибн Моъжа

Тўлиқ исми: Абу Абдуллоҳ Муҳаммад ибн Язид ар-Робиъй.
Қўл ёзмаси: «Сунан Ибн Моъжа».
Туғулган ери ва санаси: 209-ҳижрий Қозивайн (Эърон) шаҳрида.
Вафоти: 273-ҳижрий 64 ёшда.

4. Имом Абу Довуд

Тўлиқ исми: Абу Довуд Сулаймон ибн Ашаъс.
Қўл ёзмаси: «Сунан Абу Довуд».
Туғулган ери ва санаси: 202-ҳижрий Сижистон (Афғонистон) шаҳрида.
Вафоти: 275-ҳижрий, 73 ёшда.

5. Имом Термизий

Тўлиқ исми: Абу Исо Муҳаммад ибн Исо ат-Термизий.
Қўл ёзмаси: «Сунан ат-Термизий».
Туғулган ери ва санаси: 209-ҳижрий, Термиз (Ўзбекистон) шаҳрида.
Вафоти: 279-ҳижрий 70 ёшда.

6. Имом ан-Насоий

Тўлиқ исми: Абу Абдураҳмон Аҳмад ибн Шуаъйб ан-Насоий.
Қўл ёзмаси: «Сунан ан-Насоий».
Туғулган ери ва санаси: 215-ҳижрий Нисо (Туркманистон) шаҳрида.
Вафоти: 303-ҳижрий 88 ёшида.
Каналга уланиш👉🏻 https://t.me/muslimzikr

​​ОНАМНИ МАККАГА ОЛИБ БОРАМАН

Ишларим юришиб кетса галма-гал,
Камларим, ғамларим бўлса бутун, хал.
Дунёни бир четга қўйиб энг аввал,
Онамни Маккага олиб бораман.

Кафтидан қадоғи кетмаган хамон,
Мен нодон қадрига етмаган хамон.
Мехримга хеч даъво этмаган хамон,
Онамни Маккага олиб бораман.

Қўйганман кўнглимни кўнглига солиб,
Орзуйим ушалмай кетмаса қолиб.
Йўл бўйи ортимга орқалаб олиб,
Онамни Маккага олиб бораман.

Мен ёмон у яхши кўргани хаққи,
Бормасам келиб хол сўргани хаққи.
Жонидан менга жон бергани хаққи,
Онамни Маккага олиб бораман.

Дунёни ортидан кетсам гар йироқ,
Кутгувчим кўз юммай, ўчирмай чироқ.
Юзида ажин лим, сочлари оппоқ,
Онамни Маккага олиб бораман.

Онамдек мехрибон кишим борми, йўқ,
Бўлак ким улчалик менга зорми, йўқ.
Чин дўстим фарзандим, жигар, ёрми, йўқ,
Онамни Маккага олиб бораман.

Фаслнинг фарқи йўқ ёз, кўклам, куз, қиш,
Айтингчи дунёда битганми хеч иш.
Кетиб қабри узра унмасдан қамиш,
Онамни Маккага олиб бораман.

Жилмаяр, кўнглида яширин арзи,
Бўйнимда осиғлиқ фарзндлик қарзи.
Аллохнинг хохиши, мўминлик фарзи,
Онамни Маккага олиб бораман.

Ишларим юришиб кетса галма-гал,
Камларим, ғамларим бўлса бутун, хал.
Дунёни бир четга қўйиб энг аввал.
Онамни Маккага олиб бораман.

Каналга уланиш👉🏻 https://t.me/muslimzikr

​​«Камситиш ниятида фалончининг кийими калта ёки узун десанг, уни ғийбат қилган бўласан»

Кишининг либосини ғийбат қилиш, мисол учун фалончи гадойларга ўхшаб кийиниб олган, ҳаром либос кияди, ипак кўйлак кияди, бузуқларга ўхшаб кийинади, шими тўпиғидан пастга тушиб туради ва ҳоказо деб гапиришдан иборат.

Ҳикоя. Оиша розияллоҳу анҳо айтадилар:
«Бир маротаба Расулуллоҳ соллаллоҳу алайҳи ва саллам ҳузурларида бир аёл ҳақида «Унинг этаги узун», деб гапирдим. Шунда Расулуллоҳ соллаллоҳу алайҳи ва саллам: «Тупур, тупур», дедилар. Тупурган эдим, оғзимдан бир парча гўшт тушди».

Тавсия. Аввалги олимлардан бири: «Агар (камситиш ниятида) фалончининг кийими калта ёки узун десанг, уни ғийбат қилган бўласан», деб айтган.

"Ғийбат ўзи нима?" китобидан
Ёрқинжон қори Фозил
Каналга уланиш👉🏻 https://t.me/muslimzikr

​​Жанжал чиқариш бўйича мастер класс

Юнус Эмро сериалида Юнуснинг аёли ундан сўрайди:
- Фарзандимиз қиз бўлишини хоҳлайсизми ё ўғил?

Юнус, тақводор бир мўмин сифатида бу Аллоҳнинг неъмати, иккаласи ҳам уни хурсанд қилишини айтади.

Аёли яна сўрайди. Шунда Юнус Эмро аёлини хурсанд қилиш учун:
- Онасига ўхшаган қиз бўлишини истардим, - дейди.

Аёли:
- Демак, ўғил бўлса яхши кўрмайсиз, шундайми?!

Тамом.
Каналга уланиш 👉🏻 https://t.me/muslimzikr

​​"Бир неча киши Мисрга бордик. Дўконга кирдик. Бир узук ёқиб қолиб, нархини сўрадик. "1400 жунайҳ", деди.

Нархини бироз тушириб беришини илтимос қилдик. "Қаерликсизлар?" – деди. "Ўзбекистонлик, Мовароуннаҳрданмиз. Бухорий юртидан", дедик. "Бухорий юртидан экансиз, сизларга 20 фоиз чегирма қилиб берамиз" деди. Бизга ёқиб кетди.

"Яна қандай олимлар бўлган?" – деб сўради. "Имом Термизий, дедик. "Маша Аллоҳ, у киши ҳам сизларданми?" – деди бири ишонқирамай. "Ҳа, биздан кўплаб алломалар чиқишган", дедик. "Яна ким?" "Имом Замахшарий", дедик.

Сотувчи "Маша Аллооооҳ!" – деди-да, қўллари билан кўзларини ёпди. Панжалари орасидан ёш оқа бошлади. Кейинроқ билдик, у киши Имом Замахшарийнинг ашаддий мухлислари экан. Бир оз суҳбатлашгандан кейин "Сизлардан фойда олмайман. 620 жунайҳга тушган, шуни берсангиз бўлди", деди. Шу пайт орамиздагилардан фақат ўзбеккагина хос бўлган "гап" чиқди: "Шундан икки дона беринг"...

Мен уялиб кетдим...

"Майли, бераман" деди.
Узукни бераётганда ёнда турган кишилардан бирлари "Намоз ўқишармикин?" – деб қолди. Сотувчи қўлини узатаётганча тўхтаб қолди. "Ҳа, намоз ўқийсизларми?" – деди.
Савол билан жавоб орасида узилиш пайдо бўлди.
Чунки, жавоб айтарли йўқ эди...

Бир оз сукутдан кейин "Жума намозига чиқиб турамиз", деди кимдир.
"Бошқа намозларни-чи?" – деди ҳайрон бўлиб. Зўрғагина "Йўқ", дея олдик.

Сотувчининг қўли муаллақ туриб қолди.
Бироз сукут қилди-да, ачиниш билан: "Майли, мен мусулмонман. Айтган нархимга бераман. Аммо сизлар қайтиб Имом Бухорийни тилингизга олманг. ҲАҚҚИНГИЗ ЙЎҚ!" – деди...
(Муаллиф мен эмас).
Каналга уланиш👉🏻 https://t.me/muslimzikr

​​Бир куни подшоҳ баланд қасрида деразадан пастга қараб шаҳарни томоша қилиб турган экан, пастда бир одам аравада тарвуз олиб келиб сотаётганига кўзи тушиб копти. Шунда шохнинг кўнгли тарвуз ейишни тусаб қолибди. Бош вазирини чақириб, 100$ бериб, тарвузни кўрсатиб бориб битта опкегин, бир мазза қилиб ейлик, депти. Бош вазир шоҳнинг кабинетидан чиқиб, биринчи замига 50$ бериб, бор битта тарвуз опке депти, зами ҳам коридорга чиқиб, молия вазирига 25$ берибди-да, бор тарвуз опке, депти. Молия министри шопирини чақирибди, унга 10$ берибди ва кўчадиги тарвузни кўрсатиб, битта опке, депти. Шопир ҳам тарвузчининг олдига бориб, телефон қилиб, солиқни, божхонани, участковойни, МИБ ни чақириб, тарвузчининг ҳужжатларини текширишни буюрибди. Оқибатда ҳамма тарвузини мусодара қилишибди, шопир шундан биттасини олиб, қолганини «по цепочке» юқорига узатворибди. Тарвуз подшоҳга етиб борибди. Бош вазир уни чиройли қилиб сўйибди. Подшоҳ мазза қилиб еб туриб бош вазирдан : "Ўзи халқимиз қалай яшаяпти, ҳамма шарт-шароитлар яхшими, ҳамма тўқ ва бой-бадавлатми?" деб сурабди. Бош вазир: "худди шундай, подшоҳим, халқ жудаям тўқ ва бой-бадавлат", деб жавоб берибди. Шунда подшоҳ: "Албатта-да, ҳар бир тарвузни 100$ дан сотгандан кейин бой бўлади-да" деб жавоб берган экан...
Каналга уланиш👉🏻 https://t.me/muslimzikr

​​Намоз вақтлари, октябрь, 2019 йил
http://shosh.uz/namoz-vaqtlari-toshkent-oktyabr-2019/

​​Расмдаги болакай уйига келиб онасига:

Бу хатни мактабдаги ўқитувчим бериб юбордилар, дейди. Онаси хатни ўқиб кўз ёшларини зўрга тутиб турди. Уни боласига баланд овозда ўқиб берди:
«Сизнинг ўғлингиз даҳо! Мактабимиз унинг қобилиятига кичиклик қилади. Шунинг учун сиз унга уйингизда таълим беринг!».

Орадан йиллар ўтди. Инсоният тарихида улкан ихтиро кашф қилган инсон Эдисоннинг онаси вафот этди.
Кунларнинг бирида у онасининг жавонини кўздан кечираётиб қутидаги хатга кўзи тушди:

«Сизнинг ўғлингиз калтафаҳм, тентак. Эрта тонгдан бошлаб уни мактабга киритмаймиз!».
Буни ўқиган Эдисон роса йиғлади ва ўзининг хотира дафтарига ушбу битикларни битиб қўйди:

«Эдисон тентак бола бўлган. Лекин ақлли онасининг тадбири ила даҳога айланди!».
Онанинг ҳаётдаги ўрни шундай!!!
Томас Эдисон (1931 йилда вафот этган), америкалик ихтирочи
Каналга уланиш👉🏻 https://t.me/muslimzikr

​​600 кишилик тўйда қайси аёл қандай кийиниб, қанақа тақинчоқ таққанини унутмаган аёл сени унга нима кунларни кўрсатганингни унутармиди?!😁
Каналга уланиш👉🏻 https://t.me/muslimzikr