Instagram qurol(mi) ? Yaqinda bir oy tanaffusdan keyin instagram sahifamni tiklagandim. Bunaqa dofamin zarbasi va yangiliklar oqimiga duch kelishim tushimga ham kirmagandi.
Instagramda siz vaqtingizni foydali kontent ko'rib, muhim yangiliklardan boxabar bo'lib, bitta jamiyat sifatida bir nechta kalla qo'ygan brendlarga hukm o'qishingiz mumkin. Aniqrog'i, siz boshqalarga qo'shilib yo'naltirilgan oqimning bir zarrasiga aylanasiz. Qulayroq joylashib oling. Men esa do'stim bilan bo'lgan suhbatning mazmunini tushuntirib beraman.
Hamma bildi, ko'rdi, hech bo'lmasa eshitdi: INBAZAR brendi asoschisi ko'p yillar davomida qo'l ostidagi ishchilariga zo'ravonlik qilib kelgan. Bu hodisalar aks etgan videolar sizdirilgandan keyin hamma bu brendga boykot qilishga tushdi. Instagramda esa hamma o'z fikrini bildirib brend egasini qoralab chiqishdi, memlar yasashdi, pozitsiyalarini ko'rsatishdi.
Muammo yo'qdek-a ? Shu parallel vaqtda yana biron voqeani eshitmadingizmi mobodo ?
Surxondaryo. Boysun. 1-sentabr. Hamma bayramni nishonlayotgan bir vaqtda boysunliklarning ko'ngliga hursandchilik sig'masdi. 25 yilligi nishonlanayotgan gaz konida bo'lgan avariya natijasida zaharli- vodorod sulfid gazi ularning nafasini bo'g'di. Energetika vazirligi hammasi joyidaligini, aholi xavsiz joyga evokuvatsiya qilinganini aytib chiqdi. Lekin 17-sentabrda takror kelib chiqqan gaz portlashidan keyin aholi yana qiyin ahvolda qoldi. O'nlab insonlar vafot etdi. Yuzlab insonlar hayoti xavf ostida qoldi.
Lekin, eng qizig'i insonlar hayotiga bevosita letal ta'sir qilayotgan jarayonga ijtimoiy tarmoqlarda deyarli hech kim fikr bildirmadi. Hamma trenddagi INBAZARni muhokama qilardi. Shu brendni qoralab chiqayotgan freelancer'lardan birontasi Boysun voqeasi haqida lom-lim demadi. Butun xalq ham ularga ergashdi. Bilasizmi bu nima ? Bu
PROPAGANDA. Manashu haqiqiy propaganda. Uning kuchini ko'ryapsizmi ?
To'g'risi, juda qo'rqinchli. Yuqoridagi asosiy jarayonlar, ommaviy bekor qilishlar - bularning barchasi instagramda bo'ldi. Shunda o'ylab qoldim. Instagram nima o'zi ?
Ko'ngilochar joymi, yoki Qurol ?!
@filtrsiz 🔍
