Murad Khasaniy

Chat yana🫵

Ona,
O'g'lingni tik qaddi, egilib ketdi,
Qalbiga be davo, hastalik yetdi.
Tunlari to'kilib go'yoki tutday,
Yerda jim yig'laydi, cho'kib sukutday.

Hasrat ila qabr qazib o'ziga,
Kafanligin surtib asta ko'ziga.
O'lim sharbatini qo'liga tutib,
Yashamoqda hanuz, ajalin kutib.

Odamlardek oddiy yashay olmadi,
Ohirsiz yo'llardan, sira qolmadi.
Dardini senga ham, aytmaydi ona,
O'g'ling oson o'lim, topmaydi ona.

Orzu osmonidan, ketganmi qulab,
Og'riqdan vujudi qoladi nurab.
Qonga belab yurak, jarohatini,
Yanchib tashlar o'zin, halovatini.

Xotira kundan kun, bormoqda o'chib,
Go'yoki aqli ham undan, vos kechib.
G'aribman deb da'vo, qiladi ko'p bor,
Majnun bo'lib qolsa, bo'lar baxtiyor.

Ona onajon,
Alpomish og'linga ne bo'ldi ona,
Chavaqlab o'zini yeb bo'ldi ona.

@Murad_Khasaniy ijodidan .✍

O'zim hozir ne deb ovutay,
Sozlarimni naqshi yetardi.
Yongan qalbim qanday sovutay,
Yig'lab olsam yaxshi bo'lardi.

Yomg'irlardek yog'ib ko'zyoshim,
To tonganga tugab bitardi.
Shuncha dardga yetgan bardoshim,
Sabr qilsam yaxshi bo'lardi.

Telba ko'ngil, nelar istaydi,
Istagini oldin bilardi.
Aqlimga u zora ko'nsaydi,
Chora topsam yaxshi bo'lardi.

Bu sinovlar kelmagan payti,
Hamma meni birdek suyardi.
O'sha yilga qolsamda qaytib,
Kechib ketsam yaxshi bo'lardi.

Yashasaydim kapalak misol,
Bir kun yashab, jonim chiqardi.
Bu xayotim bo'lmasdi uvol,
Vafot topsam yaxshi bo'lardi.

Taqdirim ustimdan, qotib kulardi,
Kulmaganda balki, yaxshi bo'lardi.

@Murad_Khasaniy ijodidan ✍

Sog'inganim go'yo bilganday,
Tushlarimga yo'qlab kiribsan.
Menga fido bo'lib sen atay,
Dunyolardan kechib kelibsan.

Senga meni ehtiyojim bor,
Har nafasda yodimdadursan.
Afsus sensiz o'tmoqda baxor,
Balki go'zal kuzimdadursan.

Seni kuta ko'nikkan ko'nglim,
O'z o'zimga taskin bermoqda.
Yuragim der kelmoqda ko'rgim,
Isming aytib be hol urmoqda.

Samolarga uchgim keladi,
Qo'llaringni tutib ohista.
Qaldirg'ochlar hayron bo'ladi,
Shu emasmi deya farishta.

Sochlaringni qiyoslayman deb,
Jilvakor so'z topa olmadim.
Qiyosi yo'q tengsizimsan deb,
O'zinga hech ayta olmadim.

Sen tushimga yana yo'qlab kelasanmi?
G'aribim deb, shoirim deb kulasanmi?

@Murad_Khasaniy ijodidan ✍️

O'g'limga...

O'g'lim men otangiz, g'arib otangiz,
Qulog'izga azon, aytmoqchi bo'lgan.
Sizni zor kutaman buni bilsangiz,
O'ylarimdan qalbim, niyyatga to'lgan.

Ismingizni Muhammad deya ataymiz,
Muhammadim desam, kelasiz chopib.
Oddiylikda oddiy bo'lib yashaymiz,
Oiladan huzur, halovat topib.

Men otangiz ota, mehrini ko'rmay,
Ulg'aygan o'ksik ,bir ko'ngil bilan.
Mungli so'zlarini yurakga ko'mmay,
Qog'ozlarga bitgan, ayrimlar bilgan.

O'g'lim, siz shunday inson bo'lingki,
Allohni so'ziga, amal etguvchi.
Adashmang hech sira, shuni bilingki,
Yolg'iz ungagina, boshni eguvchi.

Qori bo'lib qiroat qilgan onizda,
Bulbullar uyalib sayramay qolsin.
Farishtalar turib sizni yonizda,
Qiroatingizga some bop tursin.

Allohni uyiga imom bo'lib siz,
Insonlarni faqat haqqa yetaklang.
Namozlarda sizga ergashibla biz,
Haqqimizga Robbimdan jannatni tilang.

Shu zamon qalbimda, qolmas armonim,
Chunki sizdek meni duo go'yim bor,
Bemor bo'lsam agar bo'lib darmonim,
Deysiz faqat bizga Alloh madadkor.

O'g'lim sizga atab, yana yozarman,
Opangiz yokida singlingizga ham.
Orzularimda men, intiq kutarman,
Siz dunyoga hali, kelmasangiz ham.

Muhammadim o'zimni,
qorim o'zimni,
Qalbimning quvonchi,
nurim ko'zimni.

@Murad_Khasaniy ijodidan ✍

Eslatma: Men uylanmaganman hali, demak farzandim ham yo'q. Bu she'r yaxshi niyyat asnosida yozildi. In shaa Allah davomi bor...

Bisotimda g'amgin, so'zlardan bo'lak,
Hech vaqoyim yo'q, bo'lmaydi hamki.
Nola qilsam ko'zyosh to'kadi falak,
Oxiri yo'q darddek, tinmaydi hamki.

Mo'jizalarga men ishonolmayman,
Ishonganim faqat bugungi kunim.
Kimsaning so'ziga ko'naolmayman,
Chunki yolg'iz o'tar har bedor tunim.

O'zgarmasa nahot, mening xayotim,
Orzularimda men, yashab charchadim.
Qismatdan qochmoqqa bormi imkonim,
Qochib bo'lmasligin, ohir angladim.

Men baxtli kezaman tushlarim aro,
Kulguyimdan chechak, ochilar tinmay.
Uyg'onib ketsamchi bu qalbim yaro,
Zorlarib qoladi, xayotga ko'nmay.

Chuqur oh tortsamu, huzurni yutsam,
Yana bir nafasda dardlarim chiqsa.
Keyin mayli o'zimni butkul unutsam,
Mening g'aribligim, dunyolar bilsa.

Bisotimda g'amgin
so'zlardan bo'lak,
Hech vaqoyim yo'q
bo'lmaydi hamki.

@Murad_Khasaniy ijodidan ✍️

Yozdim yozaverdim, dardu g'amimni,
Ko'zda yoshlar tugab, qonlar oqquncha.
Ozorlarga tashlab jismu jonimni,
To abad qiynayman, joni chiqquncha.

Men nodon o'zgaga tasalli berib,
Dardlarini tinglab, kuyib yonaman.
Shoirlar bitmagan so'zlarni terib,
So'zlayman so'ngida so'zsiz qolaman.

Baxtiqarolikni etagin tutib,
Qoyib yubormoqqa juda ojizman.
Afsus nadomatim ichimga yutib,
Yolg'izliklar ichra, qolgan yolg'izman.

O'z jonimga jabr qilaman atay,
Dunyodan bu ko'nglim, ketmoqda sovib.
Dardisar dardimni, kimlarga aytay,
So'zlarim og'rig'im, ketsaydi yuvib.

Men bu azoblarga chidamog'im shart,
Majburman noiloj, ilojim qancha.
So'ngra umrimga men qo'yibla dasxat,
Deyman, nimang qoldi, kuyinib shuncha.

Yozdim yozaverdim,
dardu g'amimni,
Ozorlarga tashlab,
jismu jonimni.

@Murad_Khasaniy ijodidan ✍️