O'qituvchi darsini boshlashdan avval talabalarga tilla uzukni ko'rsatdi va savol berdi?
- Kim buni olishni xohlaydi?
Birin ketin qo'llar ko'tarildi. So'ng u so'zida davom etdi:
- Men bu tillani biringizga beraman. Ammo avval bir ish qilsam.
U shunday deya tillaning rangini bo'yoq bilan o'zgartirib qo'ydi va yana so'radi.
- Buni hali ham istaydiganlar bormi?
Qo'llar yana ko'tarildi. Shunda o'qituvchi "Agar mana bunday qilsamchi!?" deya tillani oyoqlari ostiga tashladi va majaqlashga urindi. So'ng qayta qo'liga olib yana o'sha savolni takrorladi:
- Hali ham buni olishni istovchilar bormi?
Qo'llar hanuz ko'tarilardi. Shunda o'qituvchi ushbu so'zlarni aytdi:
"Do'stlarim, siz hozirgina ajoyib saboq oldingiz. Men qanchalik tillaning suratini yerga urishga urinmay uni qo'lga kiritishga bo'lgan istagingiz kamaymadi. Chunki uning siyrati va qadri o'zgargani yo'q. Siz ham inson sifatida o'z fazilatlaringiz va bilimingiz bilan shundaysiz. Bazan qiyinchiliklar va sinovlarda azob chekarsiz, suratingiz o'zgarar ammo bu sizning qadringizni va siyratingizni zarracha kamaytirmaydi. O'z ilmingiz va fazilatlaringiz bilan siz qadrli bo'lib qolaverasiz.
Internetdan uxlatildi
