Nemis hammadan ham yomonroq, hammadan ham qattiqroq, hammadan ham battolroq takabbur bo‘ladi. Chunki u o‘zi o‘ylab chiqargan, o‘zi uchungina mutlaq haqiqat bo‘lgan ilmni bilgani uchun o‘zidan ketib keriladi.

Fransuz shuning uchun takabbur bo‘ladiki, u aql-u idrokim va jismim bilan erkak va ayollarni mahliyo eta bilaman, deb hisoblaydi.

Ingliz shuning uchun ham takabbur bo‘ladiki, o‘zini eng odob va ma’mur davlatning fuqarosi deb hisoblaydi va shuning uchun ingliz sifatida hamisha nima qilish kerakligini biladi va nimaiki qilmasin, ingliz sifatida, so‘zsiz yaxshi bo‘ladi deb biladi.

Italyan shuning uchun takabbur bo‘ladiki, u hamisha jonsarak, o‘zini ham, o‘zgani ham darrov unutib qo‘yadi.

Rus shuning uchun ham takabburki, u hech narsani bilmaydi, bilishni ham istamaydi, chunki biron narsani mukammal bilib olish mumkinligiga ishonmaydi.