Muhammad YUSUF

​Bugun tug‘ilgandi Muhammad Yusuf...

Bahoriy gullarning iforlarida
Ajib bir bayot bor, ajib nafosat
Go‘yoki nur bo‘lib butun olamga
Bugun tug‘ilgandi
Muhammad Yusuf.

Shoirning she’rlari -- qalb daftarida
Ajib bir tarovat, mehr mujassam.
Har satr, har jumla go‘zal tashbehlar
Mehrli lutf bilan -- samimiy malham.

Ash’ori barchasi kuyga hamohang,
So’zlari xalqparvar -- o‘zbekona lutf,
O‘zbekning sevimli shoiri bo‘lib
Bugun tug‘ilgandi
Muhammad Yusuf...

Rayhonlar, lolalar, binafshalarning
Ko‘ksini chok etib, dillarini xun
Kiyik, jayronlarin ko‘zini yoshlab
O‘tdi shoir, qaldirg‘ochni so‘roqlab...

“Dili borga dildan dardin to‘kkan, rost,
Shoir bolasiga haykal qolgan, rost!
Haqiqiy shoirning yo‘q erur qabri,
Shoirning yurakka ko‘milgani rost”.

O‘tib ketdi o‘zi, so‘zi o‘lmadi,
Yozgan satridan hech ko‘ngli to‘lmadi
Qidirgan najoti qanot bo‘lmadi
Shoirning barhayot ekanligi rost.

“Ko‘klamdan ko‘k so‘rab” yozgan alamni
“So‘z o‘tmasa, sindir,
do‘stim, qalamni”
Ishqqa qaydan topib bo‘lar malhamni
“Kapalaklar odamlardan mehribon”...

Maqtaganda turkman qizning libosini
Sog‘ingandi Kumushbibi hayosini
Faxrlanar ko’rib o‘zbek ziyosini
Shoir chin yurakdan el degani rost.

Kitobini olsam, sho‘ng‘ib ketaman
Satrlari aro -- ummondir go‘yo.
She’rlari bunchalar zo‘r ohanrabo ...
Savollar cheksizdir, qalbim titaman.

She’riyat olami -- sehrli diyor
Dunyoda shoirlar ko’p erur, ammo
O‘zbekning vijdoni, iymoni bo‘lib
Bugun tug‘ilgandi
Muhammad Yusuf...

...Nigohin kun uzoq mendan uzolmay
Tug‘ilgan kuniga she’rlar bitay man
Sanasi baqamti kelsa netay man
Uyda - yana bitta
“Muhammad Yusuf”.

Farzandlarim tog‘i deya atayman
Kitobga yopishib
ketsam atay man
Yashaydi kitobdan qizg‘anib meni
Uyda yana bitta
“Muhammad
Yusuf”,
Bugun tug‘ilgandi
Muhammad Yusuf.....

26.04.2020-yil

Qarshi shahridagi 43-umumta’lim maktabining ona tili va adabiyot fani o‘qituvchisi Abdiyeva Zulfizar Hamidovna.

✅ Manba

➡️ Kanalga ulanish

​Ustoz Muhammad Yusufning “Lolaqizgʻaldoq” sheʼriga nazira

Jayron kabi nechun toʻkasan koʻz yosh
Mahkumdirman sensiz jimjit oʻlmakka,
Umr-ku mayliga, yetarmu bardosh,
Buyruq berib boʻlmas mushtdek yurakka.
Qalbni tilkalaydi sensiz har on, chogʻ
Lola, lolajonim, lolaqizgʻaldoq.

Meni unutdi deb oʻylama gulim,
Saloming yetkazdi menga shamollar,
Uzoqlarga ketma yetmaydi qoʻlim
Menga yaqin faqat olis samolar,
Ne uchun makoning boʻldi olis togʻ,
Lola, lolajonim, lolaqizgʻaldoq.

Bulutli kuningda soyadek boʻldim
Nechun bagʻring tilib pora qilasan,
Bilmam, sensizlikka men qanday koʻndim.
Jondan sevishimni oʻzing bilasan,
Ketmas boʻldimi,ayt, bagʻringdagi dogʻ
Lola, lolajonim, lolaqizgʻaldoq.

Yomonlarga gulim sochmagin ifor
Ularning barchasi keltirar tashvish,
Kel, boʻyningga taqib qoʻyayin tumor
Seni bagʻriga olar yaqin kunda qish,
Dildan toʻlib toshgan soʻzlarim koʻproq
Lola, lolajonim, lolaqizgʻaldoq.

Quyosh koʻtarilmay har kuni nahor
Chaman ichra bogʻ-u rogʻlarga sochil,
Sendan iltimosim kelasi bahor
Togʻda emas, mening hovlimda ochil,
Mening burchim seni abadiy sevmoq
Lola, lolajonim, lolaqizgʻaldoq.

Muallif: Ayubxon Qodirjonov
Fargʻona Davlat universiteti 1-bosqich talabasi.

(Eslatma: Ushbu sheʼr mualliflik huquqiga ega)

✅ Manba

➡️ Kanalga ulanish