Muallim | Ta'limga oid

⚡️Ўқувчини дарсга ўз вақтида киришини таъминлаш ўқитувчининг вазифасига кирмайди

Ўқувчини дарсга ўз вақтида киришини таъминлаш ёки дарсга кирмаган ўқувчини топиб келиш ўқитувчининг вазифасига кирмайди.

Халқ таълими вазирининг 07.12.2019 йил 393-сонли буйруғида ҳам, Халқ таълими вазирининг 2021 йил 1 июлдаги 206-сонли буйруғи билан тасдиқланган халқ таълими ходимларининг лавозим мажбуриятлари орасида ҳам  ўқитувчининг юқоридаги каби мажбуриятлари мутлақо белгиланмаган.

❗️Фақат юқоридаги икки ҳужжатда ўқитувчи дарс давомида ўқувчиларни йўқлама қилиши ва электрон журналга келмаган ўқувчилар тўғрисидаги белгини киритиши кераклиги қайд этилган.
©Юрист_Хизмати

👉 https://t.me/muallimlarga

❗️ Иссиқ ҳаводан сақланиш учун 7 муҳим маслаҳат

1️⃣ Сув кўп ичинг
Кун давомида ҳар 1–2 соатда сув ичинг. Ширин, газли ва кофеинли ичимликлардан сақланинг.

2️⃣ Ёруғ кийим кийинг
Оч рангли, енгил, кенг ва табиий матолардан тикилган кийимлар танада ҳаво айланишини яхшилайди.

3️⃣ Куннинг энг иссиқ вақтида кўчада юрманг
Соат 11:00–16:00 оралиғида уйда қолишга ҳаракат қилинг.

4️⃣ Сояда юринг, бош кийим тақинг
Кўчада юрганда шляпа, панама ёки каллакиев каби бош кийим кийинг.

5️⃣ Ҳаво тозалигини таъминланг
Уйда кондиционер, вентилятор ёки нам сочиқлар ёрдамида ҳавони совутиш мумкин.

6️⃣ Ёпиқ хоналарни шамоллатинг
Ҳар куни эрталаб ва кечқурун дарча ёки эшикларни очиб ҳаво айлантиринг.

7️⃣ Танани тез-тез совитинг
Салқин душ олинг ёки юз-қўлни совуқ сув билан ювиб туринг.

🛑 Белгилардан эҳтиёт бўлинг: бош айланиш, кўнгил айниши, қаттиқ чанқоқ — булар қизиб кетиш аломатлари бўлиши мумкин.

👉 https://t.me/muallimlarga

⚡️ Ота-оналар учун махсус шеър

Мактабга келдим деб, дарсга кирмаса,
Ёнида ё китоб, дафтар бўлмаса,
Юрагим ачишиб айтай бир нарса,
Уйғонинг оналар ғафлатда қолманг,
Илтимос фарзандлар ёнини олманг.

Тентираб юришар гўё мақсадсиз,
Кўзида қаҳр бор, жаҳл, шафқатсиз,
Дунёда яшайман десангиз дардсиз,
Уйғонинг оталар ғафлатда қолманг,
Илтимос фарзандлар ёнини олманг.

Илмсиз бўлмасин, қалби қотади,
Қотган қалбда эса зулм ётади,
Қўйиб берсак агар юртни сотади,
Уйғонинг оналар ғафлатда қолманг,
Илтимос фарзандлар ёнини олманг.

Худодан қўрқишсин, динни ўргатинг,
Дўст бўлиб ёнида Хақни кўрсатинг,
Болам умидимсан сен дея айтинг,
Уйғонинг оталар ғафлатда қолманг,
Илтимос фарзандлар ёнини олманг.

Жоҳиллик йўлини тутмасин дейман,
Ҳаёни тепкилаб ўтмасин дейман,
Ҳаётда ғофилдек ётмасин дейман,
Уйғонинг оналар ғафлатда қолманг,
Илтимос фарзандлар ёнини олманг.

Мактабга келишин назорат қилинг,
Илмни асосий мақсад деб билинг,
Тилагим устознинг ҳамкори бўлинг,
Уйғонинг оталар ғафлатда қолманг,
Илтимос фарзандлар ёнини олманг.

Ўқисин, улғайсин, камолга етсин,
Келажак кунига зиёлар битсин,
Кексалик гаштингиз роҳатда ўтсин,
Уйғонинг оналар ғафлатда қолманг,
Оталар илтимос эътиборсиз бўлманг.

©️ Заршидбек Матғозиев

👉 https://t.me/muallimlarga