Monlight_luna🌒🌛

Aytaymi nima bo'lishini..?
Sen tuyg'ularingni yutib yuborganing yetmaganidek, oldilarida o'zingni namunali tutishingni so'rashadi.

Sening qichqirig'ing hech kimning tinchini buzmasa-da, atigi birgina hayqiriq uchun malomatga qolasan. Sen cho'chiysan oshkor etishdan hislaringni.

Yo qalbing o'ladi, yo o'zing. Tirik qalb bilan uzoq yashab bo'lmaydi. Bir kuni tongda uyg'onsang, yuraging urishdan to'xtab qoladi.

Yurak o'rnida depsinib turgan muz parchasini ko'ksingni yorib olib tashlashni istaysan. Senda faqat shu istak bo'ladi! Boshqa hech narsa. Muz seni salqinlatib boradi.

Senda na hayqiriq uchun, na erkalik uchun xohish bo'ladi. Axir o'lgan yurakdan boshqa nima ham kutish mumkin?!

Bu dahshat deysanmi? Juda yaxshi bilaman. Bunday bo'lmasligi uchun nima qilishing kerakligi haqida so'rayapsanmi? - Tark et!

O'zlari kiygan to'nni sening diding yo o'lchamingga tushmasa ham, egningga yopib qo'ymoqchilarni qo'lini itar, to'xta de.

Muhitni o'zgartira olmasang, o'zingga mos muhitga kirib bor. Qo'ysangchi, xonangni burchini dunyo deb bilishni.

Ishon, seni seva oladigan va senga erkinlikni hadya etishga tayyor bo'lgan insonlar ko'p! Ishon menga, bor sening nuqsonlaringni xususiyat deb qabul qiladiganlar. Yolg'iz qolmaysan, yolg'iz bo'lmaysan.

Sen tikilib turgan yulduzlarning barchasi senga boqib turganligi haqida o'yla...